ပြည်တွင်းကုန်သွယ်မှုသတင်း

               စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့ မြို့ပေါ်ရပ်ကွက်တွင် နေထိုင်ပြီး ကုန်စိမ်း သီးနှံများ ရာသီအရွေး ရောင်းချလျက်ရှိပြီး  ပဲတီစိမ်းကို ပဲတီပင်ပေါက်ဖောက်၍  ရောင်းချလျက်ရှိကြောင်း သိရသည်။ ပဲတီစိမ်းအပင်ဖောက်ရာတွင် အသစ်ပေါ်သောပဲတီစိမ်းကို အပင်ဖောက်၍မရကြောင်း ပဲတီစိမ်းအဟောင်းကိုသာရှာဝယ်ပြီး ပဲတီပင်ပေါက်ဖောက်ရကြောင်း သိရပါသည်။

          ၂၀၂၅ ခုနှစ်၊ ယခင် ဖေဖော်ဝါရီလ ‌ပထမပတ်အတွင်း ကန့်ဘလူမြို့မဈေး၌ ဖြစ်ပေါ်နေသော ပဲတီပင်ပေါက် ဈေးနှုန်းမှာ ပဲတီပင်ပေါက် တစ်ပိဿာလျှင်(၃၀၀၀)ကျပ်၊ (၅၀)ကျပ်သားလျှင် (၁၅၀၀) ကျပ်၊ (၂၅)ကျပ်သားလျှင်(၈၀၀)ကျပ် နှင့် (၁၀)ကျပ်သားခန့် တစ်ပုံလျှင်(၃၀၀)ကျပ်ဈေးနှုန်းတို့ဖြင့် အရောင်းအဝယ်ဖြစ်နေကြောင်း ကန့်ဘလူမြို့၊ မြို့မဈေးတွင် ပဲတီပင်ပေါက် ဖောင်ပြီးရောင်းချနေသော ဈေးသည်တစ်ဦးထံမှ သိရှိရပါသည်။

DOCA(စစ်ကိုင်း)

ဧရာဝတီတိုင်းဒေသကြီး မအူပင်ခရိုင် မြို့နယ်များမှ စပါးစိုက်ပျိုးပြီး ထွက်ရှိလာသော စပါးများကို ကြိတ်ခွဲရာမှ ထွက်ရှိလာသော ဆန်ကွဲများကို ရန်ကုန်သို့အဓိကထား တင်ပို့ပြီး  ရန်ကုန် ဘုရင့်နောင်၊ ရွှေပြည်သာ၊ လှိုင်သာယာ ပွဲရုံ၊ မရမ်းကုန်းပွဲရုံ၊ အလုံဆိတ်ကမ်း အလုံမြို့တို့ကိုသာ တင်ပိုကြောင်း သိရသည်။

            ၂၀၂၃ခုနှစ် ဒီဇင်ဘာလက မအူပင်(၄)မြို့နယ်ဖြစ်သော မအူပင်မှ ၁၂၂၀အတ်၊ ပန်းတနော်မှ ၂၇၀၂အိတ်၊ ညောင်တုန်းမြို့နယ်မှ ၄၃၃၅၂ အိတ်နှင့် ဓနုဖြူမြို့နယ်မှ ၁၂၃၀၀ အိတ် စုစုပေါင်း အိတ်ရေ ၅၉၅၇၄အိတ် တန်အားဖြင့် ၃၀၀၀တန် နှင့် အခြား မြို့နယ်များမှ ၉၃၈၉၀ အိတ် တန်အားဖြင့် ၄၇၀၀တန်  တင်ပို့ခဲ့သည်။

ဇန်နဝါရီလ ၂၀၂၅ခုနှစ်  ဆန်ကွဲ တင်ပိုမှု အနေဖြင့် မအူပင် ၇၄၈၃အိတ်၊ ပန်းတနော် ၇၅၈၀ အိတ်၊ ညောင်တုန်း ၉၈၅၈၀အိတ်၊ ဓနုဖြူမြို့ ၁၁၇၁၆အိတ် နှင့် စုစုပေါင်း ဆန်ကွဲအိတ်အရေအတွက် ၁၂၅၃၅၉ အိတ်ရေ တင်ပို့နိုင်ခဲ့ကြောင်း တန်အားဖြင့် ၆၃၀၀ တန် အခြားမြို့နယ်များမှ ဆန်ကွဲတင်ပိုနိုင်မှု အိတ်ရေ ၁၅၆၀၀၆ အိတ် တန်အားဖြင့် ၇၈၀၀ တန် တင်ပို့နိုင်ခဲ့သောကြောင့်  အခြားမြို့နယ်များမှ ဆန်ကွဲတန် ၃၁၀၀ ပိုမိုတင်ပို့နိုင်ခဲ့ပြီး မအူပင်ခရိုင်အနေဖြင့် ဆန်ကွဲ တန် ၃၃၀၀ တန်ပိုမို တင်ပို့နိုင်ကြောင်း သိရသည်။

DOCA(ဧရာဝတီ)

ဧရာဝတီတိုင်းဒေသကြီး၊ မအူပင်ခရိုင်၊ မအူပင်မြို့နယ်မှ မိုးစပါး။ နွေစပါး စိုက်ပျိုးနေပြီး မအူပင်ခရိုင် အနေဖြင့် မြို့နယ်များအပါအဝင် ဆန်စက်အလုံးရေ (၁၀၇)လုံး ရှိပြီး စိုက်ပျိုးပြီး ၂၀၂၄-၂၀၂၅ခုနှစ်ထွက် မိုးစပါးများ ရိတ်သိမ်းထွက်ရှိပြီးဖြစ်၍ ဝယ်ယူကြိတ်ခွဲလျက်ရှိသည်။ ဆန်နှင့်  ကြိတ်ခွဲထွက်ရှိမှုများကို ရန်ကုန်တိုင်းဒေသကြီးသို့ အဓိကထား၍ တင်ပိုနေပြီး ရန်ကုန်မှတဆင့်  အခြား ဒေသများသို့ (စီးထွက်) လျက်ရှိသည်။  ရန်ကုန်သို့ ဆန်စီးထွက်မှုမှာ ၂၀၂၄ ခုနှစ် ဒီဇက်ဘာလ ၁လတွင်း (၄)မြို့နယ် ဆန်အိတ် ၂၂၉၂၅၈ အိတ်နှင့် တန်အားဖြင့် ၁၁၄၀၀ တန် တင်ပို့နိုင်ခဲ့ကြောင်း သိရသည်။

          ၂၀၂၅ ခုနှစ် ဇန်နဝါရီလ ၁လအတွင်း မအူပင်  ဆန်တင်ပို့မှု အိတ် ၉၀၂၃၊ ပန်းတနော် ဆန်တင်ပို့မှု ၁၇၆၃၅၊ ညောင်တုန်းဆန်တင်ပို့မှု ၂၀၂၁၆၉၊ ဓနုဖြူဆန်တင်ပို့မှု ၃၅၈၁၆ အိတ်နှင့် အခြားမြို့နယ်များမှ ဆန်တင်ပို့မှု ၄၁၁၀၁၂ အိတ်တင်ပို့ပြီး၊  (၄)မြို့နယ် တင်ပို့မှုနိုင်မှု အနေဖြင့် ၂၆၄၆၄၃ အိတ် တင်ပို့ခဲ့ကြောင်း၊ တန်အားဖြင့် ၁၃၂၀၀တန် ကိုလည်းကောင်း၊ အခြားမြို့နယ် တင်ပို့နိုင်မှု တန်အားဖြင့် ၂၀၅၀၀ တန် တင်ပို့နိုင်ခဲ့ကြောင်း သိရသည်။

            ယခင်လနှင့် နှိုင်းယှဉ်ကြည့်ပါက ယခင်ထက် တန် ၁၈၀၀ တင်ပို့ခဲ့ပြီး၊ ဒီဇင်ဘာလ ၂၀၂၃ ခုနှစ်က အခြားမြို့နယ် တင်ပို့မှု မှာ ၄၁၁၀၁၂ အိတ်ဖြစ်ပြီး တန်အားဖြင့် ၂၀၆၀၀ တင်ပို့နိုင်ခဲ့သောကြောင့် ယခုလ အခြားမြို့နယ် တင်ပို့မှု ထက် တန် ၁၀၀ တင်ပို့နိုင်ကြောင်းကို နယ်စပ်ဖြတ်ကျော် ပန်တိုင် စစ်ဆေးရေး စာရင်းများအရ သိရသည်။

DOCA(ဧရာဝတီ)

          မအူပင်မြို့သို့ ဘိတ်၊ကော့သောင်း ကွမ်းသီးများ ၂၀၂၃ခုနှစ် အောက်တိုဘာလမှ ၂၀၂၅လုနှစ် ဖေဖော်ဝါရီလအထိ ခန့်မှန်း တန်ချိန် ၅၅၀၀၀ ခန့်ဝင်ရောက်လျှက် ရှိကြောင်း မအူပင်မြို့ ကွမ်းသီးအရောင်းအဝယ် ကုန်သည်များထံမှ သိရသည်။ မြန်မာနိုင်ငံတွင် ကွမ်းသီးပင်ကို ပဲခူးတိုင်း (အရှေ့) တောင်ငူ၊ သထုံ၊ ထားဝယ်၊ မြိတ်၊ ဖျာပုံ၊ မန္တလေး၊ ကျိုက္ခမီနှင့် စစ်တွေတို့တွင် အများဆုံးစိုက်ပျိုးကြပြီး မအူပင်မြို့တွင်လည်း ကွမ်းသီး စိုက်ဧက ၉၆၀ဧက ရှိကြောင်း သိရသည်။

          ၂၀၂၃ခုနှစ်၊ အောက်တိုဘာလ အတွင်း၌ မအူပင်ဈေးကွက်တွင်ရောင်းချသော ကွမ်းသီး ဈေးနှုန်းများမှာ ကော့သောင်းအခွံ ချွတ်ကွမ်းသီး တစ်ပိဿာလျှင် (၁၀၀၀၀)ကျပ်၊ ဇန်နဝါရီလအတွင်း  တစ်ပိဿာလျှင် (၁၂၀၀၀)ကျပ်၊ ယခုဖေဖော်ဝါရီလဆန်းပိုင်းတွင် ကွမ်းသီးအခွံ ချွတ်ပြီး ၁ပိဿာ (၁၈၀၀၀)ကျပ်ဖြင့်  ကော့်သောင်းကွမ်းသီးများကို အလုံးလိုက်ရောင်းချပြီး အလုံး ၁၀၀၀ပါ တစ်အိတ် ကို ၂၀၂၃ခုနှစ် အောက်တိုဘာလက ၁၂၀၀၀၀ ကျပ်ဖြစ်ပြီး ၂၀၂၅ခုနှစ် ဖေဖော်ဝါရီလ ဈေးနှုန်း အနေဖြင့် အလုံးရေ ၁၀၀၀ပါ တစ်အိတ်ဈေး ၁၇၀၀၀၀ကျပ်ဖြင့် ဝယ်ယူရောင်းချရ ကြောင်းသိရသည်။ ကွမ်းသီးများ တစ်ပါတ်လျှင် ၆ဘီးကား (၂)စီး၊ ၁၂ဘီကား (၂)စီး မအူပင်မြို့သို့ ဝင်ရောက်နေပြီး မအူပင်တွင် ကွမ်းသီးရောင်းချသူ လုပ်ငန်းရှင် (၃၅)ဦးခန့်ကြောင်း သိရပြီး  ကော့သောင်းကွမ်းသီးများ တစ်နေ့လျှင် ပိဿာချိန် (၁၀၀)မှ (၂၀၀) အထိ အရောင်း အဝယ်ဖြစ်ကြောင်း သိရပါသည်။

DOCA(ဧရာဝတီ)

            စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့တွင် သစ်သီးမျိုးစုံဖြစ်သည့် နာနတ်သီး၊ နဂါးမောက်သီး၊ သရက်သီး၊ ငှက်ပျောသီး၊ လိမ္မော်သီး၊ စပျစ်သီး၊ သခွားမွှေးသီး၊ ပန်းသီး၊ ပန်းသစ်တော်သီး၊ ဇီးချိုသီး၊ ပဲစိမ်းစားဥ နှင့် ဖရဲသီးများကို  မန္တလေးမြို့မှ မှာယူ ရောင်းချလျက်ရှိ ကြောင်းသိရသည်။

          ၂၀၂၅ ခုနှစ်၊ ယခု ဖေဖော်ဝါရီလ ပထမပတ်အတွင်း ဖြစ်ပေါ်နေသော ကန့်ဘလူမြို့၏ စပျစ်သီး ဈေးနှုန်းများမှာ စပျစ်သီး တစ်ပိဿာလျှင်(၂၀၀၀၀)ကျပ်၊ ၂၅ကျပ်သားလျှင်(၅၀၀၀)ကျပ်၊ ၁၀ကျပ်သား လျှင်(၂၀၀၀)ကျပ် နှင့် ရက်ကြာ၍ အနည်းငယ်ညှိုးနွမ်းနေသော စပျစ်သီး တစ်ပိဿာ လျှင်(၁၈၀၀၀) ကျပ်၊ ၂၅ကျပ်သား လျှင်(၄၅၀၀)ကျပ်၊ ၁၀ ကျပ်သားလျှင်(၁၈၀၀)ကျပ် ဈေးနှုန်းအသီးသီးဖြင့် ‌အရောင်းအဝယ် ဖြစ်လျက်ရှိကြောင်းသိရှိရပါသည်။

DOCA(စစ်ကိုင်း)