စိုက်ပျိုးရေးကုန်စည်ပြပွဲကို လာအိုနိုင်ငံတွင် စတင်ကျင်းပ
လာအိုနိုင်ငံ၏ စိုက်ပျိုးရေးထုတ်လုပ်မှုကို မြှင့်တင်ရန်နှင့် ပို့ကုန်တိုးမြှင့်ရန်အတွက် ရေရှည်တည်တံ့သော စိုက်ပျိုးရေးအလေ့အကျင့်များနှင့် ခေတ်မီနည်းပညာများကို ပြသရန် အတွက် Lao Agri-Food Expo 2024 ကို တနင်္လာနေ့တွင်စတင်ကျင်းပခဲ့သည်။တနင်္လာနေ့မှ သောကြာနေ့အထိ ကျင်းပသည့် အဆိုပါပွဲသည် ရင်းနှီးမြှုပ်နှံသူများ၊ လယ်ယာစီးပွားရေးလုပ်ငန်း ရှင်များနှင့် လာအိုအစိုးရတို့ကြား ပိုမိုနီးကပ်သောဆက်ဆံရေးကို မြှင့်တင်ရန် ရည်ရွယ်ထားသည့် ကွန်ရက်ချိတ်ဆက်ဆွေးနွေးပွဲများ ပါဝင်ကြောင်းသိရသည်။ အခမ်းအနားတွင် လာအို စိုက်ပျိုးရေး နှင့် သစ်တောရေးရာ ဝန်ကြီး Linkham Douangsavanh က ကုန်စည်ပြပွဲ၏ အခန်းကဏ္ဍသည် လာအိုနိုင်ငံ၏ လယ်ယာထွက်ကုန် တိုးတက်လာစေရေး သိသာထင်ရှားသော အခွင့်အလမ်း တစ်ခုအဖြစ် အလေးပေးပြောကြားခဲ့သည်။ ဝန်ကြီးဌာနသည် သွင်းကုန်များကို လျှော့ချရန်၊ နိုင်ငံခြားငွေ အရန်ငွေကို ထိန်းသိမ်းရန်၊ သွင်းကုန်များ လျော့နည်းစေရန်၊ စိုက်ပျိုးရေး ထုတ်လုပ်မှု ကို အားကောင်းစေရန် ရည်ရွယ်ပြီး နိုင်ငံခြား ၀င်ငွေများ အားကောင်းစေမည့် တန်ဖိုးမြှင့် ပို့ကုန် ထုတ်ကုန်များ ဖွံ့ဖြိုးတိုးတက်စေရန်၊ စျေးကွက်ကို ဦးတည်သည့် စိုက်ပျိုးရေး ထုတ်လုပ်မှုနှင့် စီမံဆောင်ရွက်မှု စွမ်းရည်များကို မြှင့်တင်ရန် ရည်ရွယ်ထားကြောင်း Linkham မှ ပြောကြားခဲ့သည်။ နိုင်ငံတကာဈေးကွက်တွင် ယှဉ်ပြိုင်နိုင်သော အရည်အသွေးမြင့် အပင်နှင့် တိရစ္ဆာန်မျိုးစိတ်များ ဖွံ့ဖြိုးတိုးတက်လာစေရေး ဝန်ကြီးဌာနသည် လာအိုတောင်သူများအား ခေတ်မီနည်းပညာနှင့် နည်းစနစ်များကို လက်ခံကျင့်သုံးရန် ဆက်လက်ပံ့ပိုးကူညီလျက်ရှိသည်။ Linkham က ကုန်စည်ပြပွဲသည် လာအိုနိုင်ငံ၏ရေရှည်တည်တံ့သော တိုးတက်မှုအတွက်မယိမ်း ယိုင်သော ကတိကဝတ်ကို သက်သေပြလျှက်ရှိကြောင်း Linkham က ဆက်လက်ပြောကြား ခဲ့သည်။
DOCA(ရန်ကုန်)
