ဓနုဖြူမြို့နယ်တွင် ရောင်းချနေသော သင်ဖြူးဖျာထုတ်လုပ်မှုနှင့် ဈေးနှုန်းဈေးကွက်အခြေအနေ
ဧရာဝတီတိုင်းဓေသကြီး၊ မအူပင်ခရိုင်။ ဓနုဖြူမြို့နယ်မှထုတ်လုပ်သော အရမ်းချောင်းကျေးရွာ မိဘမေတ္တာ သင်နှင့် သင်ဖြူးဖျာလုပ်ငန်းကို (၁၆.၁၁.၂၀၂၄)ရက်နေ့က ကွင်းဆင်း၍ ထုတ်လုပ်မှုနှင့် ဖြန့်ဖြူးရောင်းချမှုအခြေအနေများကို မြို့နယ်စားသုံးသူရေးရာဦးစီးဌာနက ကွင်းဆင်းမေးမြန်းခဲ့သည်။
မိဘမေတ္တာ သင်နှင့် သင်ဖြူးဖျာလုပ်ငန်းကို မရန်းချောင်းကျေးရွာတွင် ယက်လုပ်ကြပြီး သင်ကုန်ကြမ်းကို ပန်းတနော်မြို့နယ်မှဝယ်ယူပြီး ယက်လုပ်ကြကြောင်း တစ်နေ့ကို သင်ဖျာ ၅ချပ် ထွက်ရှိပြီး ၁လကို ဖျာ ၁၃၀၊ ၁၄၀ ခန့် အရွယ်ဆိုဒ်စုံ ယက်လုပ်ကြကြောင်း သိရသည်။ ထွက်ရှိလာသောဖျာများကို အနားကွတ် လက်ဖြင့်ချုပ်လုပ်ကြောင်းသိရသည်။ ဈေးနှုန်းအနေဖြင့် ၇တောင် ဖျာ တစ်ချပ်ကို ၆၅၀၀၀/-၊၆တောင်ထွာဖျာ ဆစ်ချပ် ၆၀၀၀၀/-၊ ၆တောင်ဖျာ ၄၅၀၀၀/-၊၅တောင်ထွာ ဖျာတစ်ချပ် ၃၈၀၀၀/-၊ ၄၀၀၀၀/-၊ ၅တောင်ဖျာ တစ်ချပ် ၃၅၀၀၀/-၊ ၄တောင် ထွာ ဖျာတစ်ချပ် ၂၆၀၀၀/-၊ ၄တောင်ဖျာ တစ်ချပ် ၂၀၀၀၀/-၊၃တောင်ထွာ ဖျာ တစ်ချပ် ၁၅၀၀၀/-၊ ၃တောင်ဖျာ တစ်ချပ် ၁၂၀၀၀/-၊ နေရာထိုင်ဖျာ ၁ချပ် ၅၅၀၀/-၊ ၇၀၀၀/-၊ ရောင်းချကြောင်း တစ်ပတ်လျှင် ၃၀ချပ် ဆိုဒ်စုံရရှိပြီး ဆိုဒ်ကြီး ၂၀ ဆိုဒ်သေး ၁၀ ထွက်ရှိကြောင်းသိရသည်။ လုပ်ငန်းအခက်အခဲအရ လုပ်သားရှားပါးကြောင်း လက်မှုလုပ်ငန်းဖြစ်၍ ဖျာအနားချုပ်ရန် ချုပ်စက်လိုအပ်ကြောင်း၊ ဈေးကွက်တင်ပို့မှုမှာ ရန်ကုန်ဘုရင့်နောင်သို့ တင်ပို့ပြီး ရန်ကုန်မှတဆင့် အခြားတိုင်းဒေသကြီးများသို့ ဖြန့်ချိကြောင်း သိရှိရပါသည်။
DOCA(ဧရာဝတီ)
