ပြည်တွင်းကုန်သွယ်မှုသတင်း

Powered by Drupal

ပြည်ခရမ်းချဉ်သီးဈေးကွက်

    ပြည်ဈေးကွက်တွင် ခရမ်းချဉ်သီးဈေးနှုန်းများမှာ ဈေးကွက်တွင်ဈေးကောင်းရရှိကာ အရောင်းသွက်လျက်ရှိပါသည်။ ရှမ်းသီးနှင့် ကိုင်းသီးဟူ၍ (၂)မျိုးရှိရာ ယခုအချိန်မှာတော့ ရှမ်းသီးများသာ ဈေးကွက်အတွင်း အရောင်းအဝယ်ဖြစ်လျက်ရှိပါသည်။ ရှမ်းသီးတစ်ပိဿာလျှင် (၂၀၀၀)ကျပ်ရှိပြီး ပြည်ခရိုင်တွင်းမြို့နယ်များသို့လည်း ခြင်းများဖြင့် လာရောက်ရောင်းချကြပါ သည်။

    ခရမ်းချဉ်သီးသည် ဒေသမရွေး လွယ်ကူစွာ စိုက်ပျိုးနိုင်သော သီးနှံတစ်မျိုးဖြစ်ပါသည်။ ခရမ်းချဉ်သီးသည် အရောင်အသွေးလှပသကဲ့သို့ ခန္ဓာကိုယ်အတွက်များစွာအကျိုးရှိသော သီးနှံတစ်မျိုးဖြစ်ပါသည်။ ခရမ်းချဉ်သီးကိုဟင်းချက်ရာတွင် အနှစ်များများရအောင် ထည့်၍ ချက်ကြသလို အခြားသီးနှံများနှင့်အတူရော၍ကြော်ပြီး စားသုံးကြသလို အကြော်စုံများနှင့် လည်းရော၍ သုပ်စားကြပါသည်။

  ခရမ်းချဉ်သီးတွင် ဗီတာမင်အေ၊ ဘီ၊စီ၊ဒီ၊ ကေတို့များစွာပါဝင်သောကြောင့် အဆီပြန်သည့်အသားအရေကို ထိန်းညှိပေးပါသည်။ ခရမ်းချဉ်သီးကို စားသုံးပါက အသားအရေ လှပသည့်အပြင် နှလုံးကျန်းမာရေးကိုလည်း ကောင်းမွန်စေပါသည်။ ထို့အပြင် ခရမ်းချဉ်သီးတွင် လိုင်ကိုပင်း ဓာတ်ပါဝင်သောကြောင့် ဆီကျိတ်ကင်ဆာ၊ အူမကြီးကင်ဆာနှင့် အစာအိမ်ကင်ဆာများကိုလည်း ကာကွယ်ပေးနိုင် ပါသည်။

DOCA(ပဲခူး)

ကမ္ဘာ့ဆီထွက်သီးနှံများနှင့် ပြည်တွင်းစားဆီဖူလှုံရေး

     ကမ္ဘာပေါ်တွင် စားသုံးရန်ဆီထုတ်လုပ်သော ဆီထွက်သီးနှံအမျိုးမျိုးရှိသော်လည်း အဓိက စားသုံးဆီမှာ (၄)မျိုးရှိပါသည် ။ ထိုဆီထွက်သီးနှံ (၄)မျိုးမှာ ပဲပုပ်ဆီ၊ နေကြာဆီ၊ မုန့်ညှင်းဆီ နှင့် စားအုန်းဆီတို့ဖြစ်ပါသည်။ မြန်မာနိုင်ငံတွင် မြေပဲဆီ၊ နှမ်းဆီ၊ နေကြာဆီနှင့် နိုင်ငံခြားက မှာယူ တင်သွင်းသော စားအုန်းဆီများကို အဓိကထား၍စားသုံးကြပါသည်။ ကမ္ဘာ့စားသုံးဆီ (၄)မျိုးကို လေ့လာသုံးသပ်တင်ပြလိုက်ရပါသည်-

ပဲပုပ်ဆီ

          ကမ္ဘာပေါ်တွင် စားသုံးသောဆီထွက်သီးနှံများဖြစ်သော ပဲပုပ်စေ့သည် ၂၀၀၆-၂၀၀၇ ခုနှစ်တွင် ကမ္ဘာ့ဆီထွက်သီးနှံထွက်ရှိမှု၏ ၅၈% ရှိပြီး၊ ကမ္ဘာ့ဟင်းသီးဟင်းရွက်ဆီထွက်ရှိမှု၏ ၃၆% ရှိခဲ့ပါသည်။ ပဲပုပ်စေ့တွင် ဆီပါဝင်မှုရာခိုင်နှုန်းမှာ ၁၂% မှ ၂၅% အထိရှိ၍ ကမ္ဘာ့ဆီ ထွက်သီးနှံများ၏ ၅၅% နှင့်အထက်ရှိကြောင်းသိရပါသည်။ ပဲပုပ်ကို အဓိကထုတ်လုပ်သော နိုင်ငံများမှာ အမေရိကန်၊ ဘရာဇီး၊ အာဂျင်တီးနား၊ အိန္ဒိယနှင့် တရုတ်နိုင်ငံတို့ဖြစ်ပါသည်။ ပဲပုပ်ကို Soya bean ဟုခေါ်ဆိုကြပြီး Soya ဆိုသည့်စကားလုံးသည် ဂျပန်စကားမှ ဆင်းသက် လာခြင်းဖြစ်ကြောင်း သိရပါသည်။

မုန်ညှင်းဆီ

          မုန်ညှင်းစေ့တွင် ဆီပါဝင်မှုရာခိုင်နှုန်းမှာ ၄၀% ရှိပြီး ကမ္ဘာပေါ်တွင် မုန်ညှင်း အဓိက စိုက်ပျိုးသောနိုင်ငံမှာ EU နိုင်ငံ၊ တရုတ်နိုင်ငံ၊ ကနေဒါနိုင်ငံနှင့် ဩစတေးလျနိုင်ငံတို့ဘဲ ဖြစ်ပါသည်။ မုန်ညှင်းမှဆီထွက်ရှိမှု၏ ၁၈% ရှိသည်ဟုသိရပါသည်။

နေကြာဆီ

          နေကြာစေ့တွင် ဆီပါဝင်မှုရာခိုင်နှုန်းမှာ ၂၂% မှ ၃၂% အထိပါရှိပါသည်။ နေကြာသီးနှံ သည် ကမ္ဘာ့ဆီထွက်သီးနှံထုတ်လုပ်မှု၏ ၈% နှင့်အထက်ရှိပြီး အများဆုံးထုတ်လုပ်သည့်နိုင်ငံမှာ ရုရှားနိုင်ငံ၊ ယူကရိန်းနိုင်ငံနှင့် အာဂျင်တီးနားနိုင်ငံတို့ဖြစ်ပါသည်။ နေကြာသီးနှံ၏ မူရင်းဒေသမှာ တောင်အာဖရိကနှင့် မြောက်အမေရိကတိုက်တို့ ဖြစ်ကြပါသည်။ မြန်မာနိုင်ငံတွင် ယခင်က နေကြာကို အနည်းငယ်သာစိုက်ပျိုးကြပြီး ယခုနောက်ပိုင်းကာလများတွင် ပြည်တွင်း စားသုံးဆီ ဖူလှုံမှုရှိစေရန်အတွက် စမ်းသပ်စိုက်ပျိုးလာကြပါသည်။ နေကြာကို ဧကပြတ်စိုက် ပျိုးကြသလို ပဲမျိုးစုံစိုက်ခင်းများထဲတွင်လည်း သီးထပ်သီးညှပ်စိုက်ပျိုးကြကြောင်း သိရပါသည်။  နေကြာဆီ သည် ကျန်းမာရေးနှင့်ညီညွတ်သည့် သဘာဝစားဆီဖြစ်ပြီး အနံ့မရှိသည့် ဆီတစ်မျိုးဖြစ်ပါသည်။ ယခင်က စားအုန်းဆီကို ပြည်တွင်းစားသုံးဆီ လုံလောက်မှုမရှိ၍ နှစ်စဉ်စားအုန်းဆီများကို ပြည်ပမှ တင်သွင်းနေရပါသည်။ ယခုအခါ ပြည်တွင်းစားသုံးဆီများဖူလှုံရေးအတွက် နှမ်း၊ မြေပဲ နှင့် နေကြာများကို အဓိကထား၍စိုက်ပျိုးကြပါသည်။ စားသုံးဆီဖူလှုံမှုမရှိသေးသဖြင့် စားအုန်းဆီ များကိုလည်း ဝယ်ယူ၍စားသုံးကြပါသည်။ ယခုအခါ နိုင်ငံတော်မှလည်း စားအုန်းဆီများကို သက်သာသော ဈေးနှုန်းများဖြင့် ရောင်းချပေးလျက်ရှိပါသည်။

          ပြည်တွင်းစားသုံးဆီများဖြစ်သော မြေပဲဆီ၊ နှမ်းဆီနှင့် စားအုန်းဆီတို့ရှိရာ စားအုန်းဆီကို အခြေခံလူတန်းစားများကစားသုံးကြပြီး၊ မြေပဲဆီနှင့် နှမ်းဆီကို ငွေကြေးပြည့်စုံသူများက ဝယ်ယူ စားသုံးကြပါသည်။ ဝယ်ယူစားသုံးကြသော စားသုံးဆီဈေးနှုန်းများအား အောက်ပါအတိုင်း တင်ပြလိုက်ရပါသည်-

စဉ်

လအမည်

မြေပဲဆီ(ကျပ်)

နှမ်းဆီ(ကျပ်)

စားအုန်းဆီ(ကျပ်)

၂၀၂၃ဇန်နဝါရီ

၁၀၅၀၀

၁၁၀၀၀

၆၈၀၀

ဖေဖော်ဝါရီ

၁၃၀၀၀

၁၂၀၀၀

၇၆၀၀

မတ်လ

၁၃၀၀၀

၁၂၀၀၀

၇၆၀၀

ဧပြီလ

၁၃၀၀၀

၁၂၀၀၀

၆၈၀၀

မေလ

၁၃၅၀၀

၁၂၀၀၀

၆၆၀၀

ဇွန်လ

၁၄၀၀၀

၁၃၀၀၀

၇၆၀၀

ဇူလိုင်

၁၄၀၀၀

၁၃၀၀၀

၈၅၀၀

ဩဂုတ်လ

၁၄၀၀၀

၁၂၅၀၀

၈၁၀၀

စက်တင်ဘာလ

၁၃၅၀၀

၁၄၀၀၀

၅၀၀၀

          မြေပဲဆီဈေးမှာ ၂၀၂၃ ဇန်နဝါရီလတွင် ၁၀၅၀၀ကျပ်ရှိခဲ့ပြီး စက်တင်ဘာလ တတိယ ပတ်တွင် တစ်ပိဿာလျှင် ၁၃၅၀၀ကျပ်ဈေးဖြစ်သဖြင့် တစ်ပိဿာလျှင် (၃၀၀၀)ကျပ်ခန့် ဈေးများမြင့်တက် လာခဲ့ပါသည်။ နှမ်းဆီဈေးမှာလည်း ဇန်နဝါရီလတွင် တစ်ပိဿာလျှင် ၁၁၀၀၀ကျပ်ဈေးရှိခဲ့ပြီး စက်တင်ဘာလ တတိယပတ်တွင် တစ်ပိဿာလျှင် ၁၄၀၀၀ကျပ်ဖြစ်၍ တစ်ပိဿာလျှင် ၃၀၀၀ ကျပ်ဖြင့်ဈေးမြင့်တက်လာခဲ့ပါသည်။ စားအုန်းဆီဈေးမှာ ဇန်နဝါရီ လတွင် တစ်ပိဿာလျှင် ၆၈၀၀ကျပ်ဖြစ်ခဲ့ပြီး ယခု စက်တင်ဘာလတတိယပတ်တွင် တစ်ပိဿာလျှင် ၅၀၀၀ကျပ်ဈေးဖြင့် တစ်ပိဿာလျှင် ၁၈၀၀ကျပ်ခန့် ဈေးများကျဆင်းလာတာ တွေ့ရပါသည်။

          ဒေသတွင်းထွက်ရှိသော မြေပဲဆီ၊ နှမ်းဆီများကို အရည်အသွေးမြှင့်ထုတ်ကုန် ထုတ်ကုန် အဖြစ်ထုတ်လုပ်၍ရောင်းချနိုင်မည်ဆိုလျှင် စားသုံးသူများ ဘေးအန္တရာယ်ကင်းရှင်းစွာ စားသုံးနိုင် မည်ဖြစ်သလို ဆီဖူလှုံမှုရှိပါက ပိုလျှံသောဆီများကို နိုင်ငံခြားသို့တင်ပို့ရောင်းချနိုင်မည် ဖြစ်ပါသည်။ စားသုံးသူပြည်သူများအနေဖြင့် ကျန်းမာရေးအရလည်း ကောင်းမွန်စေရန်ဆီကို များပြားစွာ စားသုံး ခြင်းမပြုဘဲ ဆီကိုလျော့၍စားသုံးကြဖို့လိုအပ်ပါသည်။ အရွယ်အလိုက် တစ်ရက် ဆီစားသုံးမှုမှာ အသက် (၁)နှစ်မှ (၃)နှစ်အတွင်းကို ဆီ (၅)မတ်သား၊ အသက်(၄)နှစ်မှ (၆)နှစ်အတွင်း (၁)ကျပ်ခွဲသားနှင့် (၆)နှစ်နှင့်အထက် (၂)ကျပ်ခွဲသားခန့် စားသုံးပေးရန် လိုအပ် ပါသည်။ ထို့ကြောင့် လူတစ်ဦးလျှင် တစ်နှစ်ပျမ်းမျှစားသုံးဆီစားသုံးမှုမှာ (၅)ပိဿာနှင့် (၄၀)ကျပ်သား စားသုံးသင့်ကြောင်း သိရပါသည်။

          ထို့ကြောင့် ပြည်တွင်းသုတေသနဖွံ့ဖြိုးရေးလုပ်ငန်းများ တိုးတက်စေရန်အတွက် မြေပဲနှင့် နှမ်းကိုမျိုးကောင်းမျိုးသန့်များစိုက်ပျိုးခြင်းဖြင့် အထွက်နှုန်းကောင်း၊ အရည်အသွေးကောင်းသော ဆီထွက်သီးနှံများရရှိလာနိုင်မည် ဖြစ်ပါသည်။ စားသုံးဆီများ၏ စံချိန်စံညွှန်းသတ်မှတ်ပြီး စားဆီအရည်အသွေးကို ထိန်းချုပ်ပေးလျှင် ပြည်ပသို့တင်ပို့နိုင်မှာဖြစ်ပြီး နိုင်ငံခြား ဝင်ငွေများ ရရှိနိုင်မှာ ဖြစ်ပါသည်။

DOCA(ပဲခူး)

 

ပြည်ကုန်စည်ဒိုင်၏ ပဲမျိုးစုံဈေးနှုန်းဈေးကွက်

     ပြည်ကုန်စည်ဒိုင်သည် အချက်အချာကျသော ပြည်မြို့တွင်တည်ရှိသောကြောင့် ပဲမျိုးစုံ အရောင်းအဝယ်ဖြစ်လျက်ရှိပါသည်။ ပြည်ကုန်စည်ဒိုင်တွင် မတ်ပဲ၊ ပဲတီစိမ်း၊ ပဲစင်းငုံ၊ ကုလားပဲ၊ ပဲကြီး၊ စားတော်ပဲ၊ ဘိုကိတ်ပဲတို့ အရောင်းအဝယ်ကောင်းလျက်ရှိပါသည်။ မတ်ပဲ၊ ပဲတီစိမ်းနှင့် ပဲစင်းငုံတို့မှာ နိုင်ငံခြားသို့တင်ပို့သောပဲများဖြစ်ပြီး ကုလားပဲ၊ ပဲကြီး၊ စားတော်ပဲ၊ ဘိုကိတ်ပဲတို့မှာ ရန်ကုန်မြို့နှင့် မြို့တွင်းအရောင်းအဝယ်ဖြစ်သောပဲများဖြစ်ပါသည်။ ပဲမျိုးစုံ အပတ်စဉ်ဖြစ်ပေါ် လျက်ရှိသော ဈေးနှုန်းများမှာအောက်ပါအတိုင်းဖြစ်ပါသည်-

 

စဉ်

ပဲအမျိုးအစား

ရေတွက်ပုံ

 

၂၀၂၃ခုနှစ် စက်တင်ဘာလ

ပထမပတ်

ဒုတိယပတ်

တတိယပတ်

မတ်ပဲ

တင်း

၈၃၀၀၀

၇၉၅၀၀

၈၁၀၀၀

ပဲတီစိမ်း

တင်း

၅၃၀၀၀

၅၄၀၀၀

၆၀၀၀၀

ပဲစင်းငုံ

တင်း

၉၃၀၀၀

၉၃၀၀၀

၉၃၀၀၀

ကုလားပဲ(HL)

တင်း

၉၅၀၀၀

၉၃၀၀၀

၉၃၀၀၀

ကုလားပဲ(မြကြေးမှုံ)

တင်း

၉၄၀၀၀

၉၂၀၀၀

၉၃၀၀၀

ပဲကြီး(ကုန်းပဲ)

တင်း

၁၀၂၀၀၀

၁၀၂၀၀၀

၁၀၂၀၀၀

ပဲကြီး(ရွှေကျွန်း)

တင်း

၁၀၅၀၀၀

၁၀၅၀၀၀

၁၀၅၀၀၀

စားတော်ပဲ(ကျွန်း)

တင်း

၁၃၆၀၀၀

၁၃၆၀၀၀

၁၃၆၀၀၀

၁၀

ဘိုကိတ်ပဲ

တင်း

၆၉၀၀၀

၆၉၀၀၀

၇၀၀၀၀

မတ်ပဲ

         စက်တင်ဘာပထမပတ်တွင် ပြည်ကုန်စည်ဒိုင်၏ မတ်ပဲတစ်တင်းကို ၈၃၀၀၀ကျပ်ဖြင့် ရန်ကုန်အဝယ်ရှိခဲ့ပါသည်။ စက်တင်ဘာဒုတိယပတ်တွင် ပဲတစ်တင်းကို ၇၉၅၀၀ကျပ်ဖြင့် ဈေးကျလာခဲ့ပါသည်။ တတိယပတ်တွင် ပဲတစ်တင်းကို ၈၁၀၀၀ကျပ်ဖြင့် ဈေးအနည်းငယ်တက် လာပြီး ရန်ကုန်အဝယ်တစ်ရက်ကိုအိတ် ၂၀၀/၂၅၀ ခန့် အဝယ်ရှိပါသည်။

ပဲတီစိမ်း

       ပြည်ကုန်စည်ဒိုင်၏ စက်တင်ဘာပထမပတ်တွင် ပဲတီစိမ်းတစ်တင်းကို ၅၃၀၀၀ကျပ်ဖြင့် မန္တလေးအဝယ်တစ်ရက်ကိုအိတ် ၂၀၀ခန့်ရှိခဲ့ပါသည်။ စက်တင်ဘာ ဒုတိယပတ်တွင် ပဲတီစိမ်း တစ်တင်းကို ၅၄၀၀၀ကျပ်ဖြင့် အရောင်းအဝယ်ရှိခဲ့ပါသည်။ စက်တင်ဘာတတိယပတ်တွင် ပဲတီစိမ်းတစ်တင်းကို ၆၀၀၀၀ကျပ်ဖြင့် မန္တလေးအဝယ်ရှိခဲ့ပါသည်။

ပဲစင်းငုံ

    စက်တင်ဘာပထမပတ်တွင် ပဲစင်းငုံတစ်တင်းကို ၉၃၀၀၀ကျပ်ဖြင့် ရန်ကုန်အဝယ် တစ်ရက် ကိုအိတ် ၁၀၀/၂၀၀ခန့် အဝယ်ရှိခဲ့ပါသည်။ စက်တင်ဘာဒုတိယပတ်တွင် ပဲစင်းငုံ ဈေးအေးနေပြီး ပဲတစ်တင်းကို ၉၃၀၀၀ကျပ်ဖြင့် အရောင်းအဝယ်ဖြစ်လျက်ရှိပါသည်။ တတိယ ပတ်တွင် ပဲတစ်တင်းကို ၉၃၀၀၀ကျပ်ဖြင့် ရန်ကုန်အဝယ်တစ်ရက်ကို အိတ် ၁၀၀ခန့် အဝယ် ရှိပါသည်။

ကုလားပဲ

 ပြည်ကုန်စည်ဒိုင်တွင် ကုလားပဲ(HL) တစ်တင်းကို ၉၅၀၀၀ကျပ်၊ မြကြေးမှုံတစ်တင်းကို ၉၄၀၀၀ကျပ်ဖြင့် မြို့တွင်းခွဲစက်သမားများအဝယ်ရှိပြီး တစ်ရက်ကို အိတ် ၃၀၀/၄၀၀ခန့် အရောင်းအဝယ်ဖြစ်ခဲ့ပါသည်။ စက်တင်ဘာဒုတိယပတ်တွင် ကုလားပဲ(HL) တစ်တင်းကို ၉၃၀၀၀ကျပ်၊ မြကြေးမှုံတစ်တင်းကို ၉၂၀၀၀ကျပ်ဖြင့် မြို့တွင်းအဝယ်နှင့်နယ်စုံ တင်ပို့မှု ရှိပါသည်။ စက်တင်ဘာတတိယပတ်တွင် ကုလားပဲ(HL)တစ်တင်းကို ၉၃၀၀၀ကျပ်၊ မြကြေးမှုံ တစ်တင်းကို ၉၃၀၀၀ကျပ်ဖြင့်မြို့တွင်း အဝယ်ရှိခဲ့ပါသည်။

ပဲကြီး

    စက်တင်ဘာပထမပတ်တွင် ပဲကြီး(ကုန်းပဲ)တစ်တင်းကို ၁၀၂၀၀၀ကျပ်၊ ပဲကြီး(ရွှေကျွန်း) တစ်တင်း ၁၀၅၀၀၀ကျပ်ဖြင့်မြို့တွင်းပဲကြော်သမားများအဝယ်ရှိခဲ့ပါသည်။ စက်တင်ဘာ ဒုတိယပတ် တွင် ပဲကြီး(ကုန်းပဲ)တစ်တင်းကို ၁၀၂၀၀၀ကျပ်၊ ပဲကြီး(ရွှေကျွန်း)တစ်တင်းကို ၁၀၅၀၀၀ကျပ်ဖြင့် ပဲကြော်သမားများမြို့တွင်း အဝယ်တစ်ရက်ကိုအိတ် ၂၅၀/၃၀၀ခန့် ရှိခဲ့ပါသည်။ စက်တင်ဘာ တတိယပတ်တွင် ပဲကြီးဈေးအေးနေပြီး ကုန်ပဲတစ်တင်းကို ၁၀၂၀၀၀ကျပ် ၊ ရွှေကျွန်းတစ်တင်းကို ၁၀၅၀၀၀ကျပ်ဖြင့် မြို့တွင်းအဝယ်ရှိခဲ့ပါသည်။

စားတော်ပဲ

    စက်တင်ဘာပထမပတ်တွင် စားတော်ပဲ(ကျွန်း)တစ်တင်းကို ၁၃၆၀၀၀ကျပ်၊ စက်တင်ဘာ ဒုတိယပတ်တွင် ၁၃၆၀၀၀ကျပ် ဖြင့်ဈေးအေးနေခဲ့ပြီး မြို့တွင်းအဝယ်တစ်ရက်ကို အိတ် ၂၀/၂၅ခန့် အရောင်းအဝယ်ရှိခဲ့ပါသည်။ စက်တင်ဘာတတိယပတ်တွင် စားတော်ပဲ(ကျွန်း) တစ်တင်းကို ၁၃၆၀၀၀ကျပ် ဖြင့်မြို့တွင်း အဝယ်ရှိခဲ့ပါသည်။

ဘိုကိတ်

    စက်တင်ဘာပထမပတ်တွင် ဘိုကိတ်တစ်တင်းကို ၆၉၀၀၀ကျပ် ဖြင့် မြို့တွင်း အဝယ် တစ်ရက်ကိုအိတ် ၅၀/၁၀၀ခန့်ရှိခဲ့ပြီး တစ်ခါတစ်ရံ ရန်ကုန်အဝယ်ရှိခဲ့ပါသည်။ စက်တင်ဘာ ဒုတိယပတ်တွင် ဘိုကိတ်တစ်တင်းကို ၆၉၀၀၀ကျပ်၊ စက်တင်ဘာတတိယပတ်တွင် ၇၀၀၀၀ ကျပ်ဖြင့် မြို့တွင်းအဝယ်ရှိခဲ့ပါသည်။

  ပြည်ကုန်စည်ဒိုင်တွင် အရောင်းအဝယ်ဖြစ်လျက်ရှိသော ပဲများတွင် မတ်ပဲ၊ ပဲတီစိမ်း၊ ပဲစင်းငုံ၊မှာ အရောင်းအဝယ်အေးလျက်ရှိပြီး မြို့တွင်းအဝယ်ရှိသောပဲများမှားမှာ အရောင်းအဝယ်သွက်လျက်ရှိ ကြောင်း သိရပါသည်။

DOCA(ပဲခူး)

 

တိုင်းဒေသကြီး/ပြည်နယ်များ၏ စပါးဆန်ဈေးနှုန်းများအား ယခင်နှစ်၊ ယခင်လ၊ ယနေ့ ကာလတူ နှိုင်းယှဉ်ပြုစုတင်ပြခြင်း( ၂.၁၀.၂၀၂၃ )

     ၂.၁၀.၂၀၂၃ ရက်နေ့တွင်  တိုင်းဒေသကြီး/ပြည်နယ်များ၏ စပါးဆန် ဈေးနှုန်းများအား ယခင်နှစ်၊ ယခင်လ၊ ယနေ့ ကာလတူ နှိုင်းယှဉ်ပြုစုတင်ပြအပ်ပါသည်။

ပြည်ဥစားပိန်းဈေးကွက်

   ပြည်မြို့ပေါ်ဈေးများသို့ ဥစားပိန်းအဓိကစိုက်ပျိုးရာ ပေါက်ခေါင်းမြို့နယ်နှင့် ပုတီးကုန်းနယ်ဘက်သို့ ယခုစက်တင်ဘာလ တတိယအပတ်မှစတင်ပြီး ဝင်ရောက်မှုရှိလာကြောင်း သိရပါသည်။ တစ်ပတ်လျှင်ရက်ခြား ပိဿာချိန် ၃၀/၄၀ခန့် ဝင်ရောက်မှုရှိကာ ပေါ်ဦးပေါ်ဖျားမို့ အဝယ်လိုက်နေကြောင်း သိရပါသည်။ ပိန်းဥတွင်ကျန်းမာရေးအတွက် အထောက်အကူပြုသော ပရိုတိန်း၊ ကာဗွန်ဟိုက်ဒရိတ်၊ အမျှင်ဓါတ်၊ ဗီတာမင်ဓါတ်များ၊ သတ္တုဓါတ်များနှင့် ကင်ဆာရောဂါကာကွယ်သည့် ဒြပ်ပေါင်းများပါဝင်သည့်အတွက် သွေးတိုးနှင့် နှလုံးရောဂါများကိုသက်သာစေပြီး အဆုပ်နှင့် နှလုံးကြွက်သားကင်ဆာကို တားဆီးနိုင်ကာ အမြင်အာရုဏ် ပိုမိုကောင်းမွန်ကြောင်း သိရှိရပါသည်။

     ပိန်းဥကို ပြုတ်စား၊ ဟင်းချက်စားရုံသာမက မုန့်ပဲသားရေစာများဖြစ်သည့် ပိန်းဥရေခဲမုန့်၊ ပိန်းဥကွတ်ကီး၊ ပိန်းဥဝေဖာ၊ ပိန်းဥဂျယ်လီ စသည်ဖြင့်လည်း ပြုလုပ်စားသုံးကြကြောင်းသိရပြီး ဈေးကွက်တွင် ပိန်းဥတစ်ပိဿာလျှင် ကျပ် ၃၅၀၀-၄၀၀၀ နှုန်းဖြင့် ပိန်းဥအကြီး အသေးပေါ် မူတည်၍ ရောင်းချကြောင်း သိရပါသည်။

DOCA(ပဲခူး)

ရာသီစာ ကစော့ခါးသီးပင်

     ကစော့ခါးပင်သည် နှစ်ကြာခံ အပင်ငယ်တစ်မျိုးဖြစ်ပါသည်။ အပင်၏အမြင့်မှာ ၄ပေခန့်ရှိတတ်ပါသည်။ အပင်ရိုးတံမာ၍ အမွှေးများဖြင့် ဖုံးအုပ်ထားပါသည်။ ဆူးများသည် စိမ်းဝါရောင် ရှိ၍သန်မာပါသည်။ အရွက်ပုံစံမှာ ဘဲဥပုံဖြစ်ပြီး ဒေါင့်(၇)ဒေါင့်ပါသော အပင်ဖြစ်ပါသည်။ အရွက် မျက်နှာ(၂)ဖက်လုံးတွင် သေးငယ်သောဆူးလေးများပါရှိပါသည်။ အပွင့်များမှာသေးငယ်ပြီး ခရမ်းရောင်ဖြစ်ပါသည်။

      ကစော့ခါးသီး၏ ပုံသဏ္ဍာန်မှာ လုံးဝိုင်းပြီး အစေ့များပြီး အခွံပါးသောအသီးဖြစ်၍ အခိုင်လိုက်သီးပါသည်။ မှည့်ပါအသီး၏အရောင်မှာ လိမ္မော်ရောင်ရှိပြီး အရသာမှာ အလွန်ခါးပါသည်။ သဘာဝ အလျောက် ပေါက်ရောက်တက်ပြီး မြန်မာနိုင်ငံအနှံ့အပြားတွင် တွေ့ရတတ်ပါသည်။ ကစော့ခါးသီးအား ရေနွေးဖျောထားသော အသီးများကိုလည်းကောင်း၊ အစိမ်းအားရေစင်စင်ဆေး၍လည်းကောင်း၊ ငပိရေနှင့် အတို့အမြှုပ် အဖြစ်စားသောက်ကြပါသည်။ ခရမ်းကစော့သီးအားရောင်းချရာတွင် အချိန်ဖြင့်ရောင်းချခြင်းနှင့် ဈေးများတွင် အသီးများအပုံပုံ၍ရောင်းချကြောင်း တွေ့ရပါသည်။ ကစော့ခါးသီးအား အချိန်ဖြင့် ရောင်းချရာတွင် တစ်ပိဿာလျှင် ၁၅၀၀ကျပ်နှုန်းဖြင့် ဈေးကွက်အတွင်း ရာသီစာအဖြစ် ရောင်းချ‌နေကြောင်း သိရှိရပါသည်။

DOCA(ပဲခူး)

 

ပြည်ငွေနှင်းမှုန်မှိုဈေးကွက်

    ပြည်ဈေးကွက်အတွင်း ငွေနှင်းမှုန်မှိုသည် တစ်နှစ်ပတ်လုံးထွက်ရှိသည့် မှိုအမျိုးအစားဖြစ်ပြီး ပြည်မြို့ပေါ် ရွာဘဲရပ်ကွက်၊ နဝဒေးရပ်ကွက်၊ ခေတ္တရာရပ်ကွက်၊ ပြည်သာယာရပ်ကွက်၊ နဝင်းရပ်ကွက် စသည့်ရပ်ကွက်အစုံနှင့် နယ်ဘက်၊ ရွာဘက်နေရာအစုံတို့တွင် တစ်ပိုင်တစ်နိုင် စိုက်ပျိုး ရောင်းချကြကြောင်း သိရပါသည်။ ပြည်လက်လီဈေးများသို့ တစ်ပတ်လျှင်နေ့စဉ် ၇ပိဿာ၊ ၈ပိဿာခန့် အဝင်ရှိနေပြီး ဈေးကွက်အတွင်းအဝင်ရှိသလောက် ရောင်းကောင်းကြောင်းလည်း သိရပါသည်။ ငွေနှင်းမှုန်မှိုကို ကန်စွန်းရွက်နှင့်ရော၍ ကြော်စားခြင်းဖြင့်လည်းကောင်း ငရုတ်သီး၊ မျှင်ငါးပိနှင့် အစပ်ဟင်းချက်၍ သော်လည်းကောင်း ချက်ပြုတ်စားသောက်ကြပြီး သတ်သတ်လွတ်သမားများလည်း အကြိုက်တွေ့စေမည့် ဟင်းလျာတစ်မျိုးဖြစ်ပါသည်။ ပြည်မြို့ဈေးကွက်တွင် ဈေးနှုန်းအားဖြင့် ငွေနှင်းမှုန်မှို ၁၀ကျပ်သားလျှင် ကျပ် ၆၀၀-၇၀၀-၈၀၀ နှုန်းတို့ဖြင့်ရောင်းချမှုရှိကြောင်း သိရပါသည်။

DOCA(ပဲခူး)

ပြည်ပဲဈေးကွက်၌ မတ်ပဲသီးနှံ၏ ကာလတူအချိန် နှစ်အလိုက်ဖြစ်ပေါ်ခဲ့သော ဈေးနှုန်း/ဈေးကွက်အခြေအနေ

     ပြည်ပဲမျိုးစုံဈေးကွက်မှာ ပြည်တွင်း၊ ပြည်ပဝယ်လိုအားရှိသော ပဲမျိုးစုံနေ့စဉ် ရောင်းဝယ်မှုဖြစ်လျက်ရှိရာ မတ်ပဲ၊ ပဲတီစိမ်း၊ ပဲစင်းငုံသီးနှံများ အဓိကထားရောင်းဝယ်နေကြသလို ကုလားပဲ၊ ပဲကြီးစသည့် သီးနှံများကလည်း ဒေသတွင်းဝယ်လက်ရော အခြားဝယ်လက်များဖြင့်ပါ ရောင်းဝယ်မှု ဖြစ်ခဲ့ကြပါသည်။ ပြည်ပဝယ်လက်အဓိက အဝယ်ရှိသည့် မတ်ပဲသီးနှံဟာဆိုလျှင် ယခုကာလအတွင်း ဈေးနှုန်းများမြင့်တက်နေတဲ့ ပဲသီးနှံဖြစ်ခဲ့ပါသည်။ ပြည်ပဝယ်လိုအား ငွေဈေးအတက် အကျပေါ်မူတည်၍ ဈေးနှုန်းများပြောင်းလဲမှုရှိကြပါသည်။ ယခုနှစ်အတွင်း မတ်ပဲသီးနှံသည် ပဲသစ်ပေါ်စအချိန်က ပိဿာ ၂၀ တစ်တင်း ကျပ် (၆)သောင်းကျော် ဈေးဖွင့်ခဲ့ပြီး တဖြည်းဖြည်း ဈေးနှုန်းများမြင့်တက်လာခဲ့ရာ မေလမှစ၍ ပဲတစ်တင်း ၇၅၅၀၀ ကျပ်ဖြင့် ရောင်းချမှုဖြစ်ခဲ့သလို ဇွန်လဆန်းပိုင်းမှာတော့ ပဲတစ်တင်း ကျပ် ၈ သောင်းကျော်ထိ မြင့်တက် ခဲ့ပြီး လကုန်ပိုင်းမှစ၍ ဈေးအနည်းငယ်ပြန်လျော့သွားလို့ တစ်တင်း ၇၂၅၀၀ကျပ်ဖြင့်သာ ရောင်းဝယ်နေခဲ့ကြပါသည်။ ဇူလိုင်လအတွင်းတွင်လည်း ၇ သောင်းပတ်ဝန်းကျင်သာ ရောင်းဝယ်နေပြီး ဩဂုတ်လ လကုန်ပတ်မှစ၍ ဈေးပြန်မြင့်တက်လာတာကြောင့် ၇၉၀၀၀ ကျပ်ထိ ရောင်းချမှုများဖြစ်ခဲ့ကာ ယခု စက်တင်ဘာလဆန်းမှစ၍ တစ်တင်းလျှင် ကျပ် ၈ သောင်းကျော် အထိပြန်လည်မြင့် တက်လာခဲ့သည့်အတွက် စက်တင်ဘာ တတိယပတ်တွင် တစ်တင်း  ၈၁၀၀၀ ကျပ်ဖြင့် ရောင်းဝယ်မှု ဖြစ်ခဲ့ကြပါသည်။ ယခင်နှစ်က ယခုကာလတွင် မတ်ပဲ သီးနှံဈေးသည် တစ်တင်း ၆၆၀၀၀ ကျပ်ဖြင့် အရောင်းအဝယ်ဖြစ်နေခဲ့ပါသည်။ မတ်ပဲသီးနှံ၏ စက်တင်ဘာလအတွင်း နှစ်အလိုက် ကာလတူအချိန် ဖြစ်ပေါ်ခဲ့သော အနိမ့်ဆုံးဈေးနှင့် အမြင့်ဆုံးဈေးများကို လေ့လာရာမှာ အောက်ပါအတိုင်း တွေ့ရှိရပါသည်-

          ခုနှစ်                       ဈေးနှုန်း                            ဈေးနှုန်း

                                        (နိမ့်)                                (မြင့်)

          ၂၀၂၀                      ၂၉၀၀၀ကျပ်                       ၃၄၀၀၀ကျပ်

          ၂၀၂၁                      ၄၈၀၀၀ကျပ်                      ၆၀၀၀၀ကျပ်

          ၂၀၂၂                      ၆၅၀၀၀ကျပ်                      ၆၆၀၀၀ကျပ်

          ၂၀၂၃                      ၈၀၅၀၀ကျပ်                      ၈၃၀၀၀ကျပ်

          နှစ်အလိုက်ဈေးနှုန်းများအရ ၂၀၂၀ ခုနှစ်တွင် မတ်ပဲသီးနှံမှာ ပိဿာ (၂၀)တစ်တင်း အနိမ့်ဈေး ၂၉၀၀၀ကျပ်မှ အမြင့်ဈေး ၃၄၀၀၀ကျပ်သာရရှိခဲ့ပြီး အဆိုပါနှစ်တွင် ကိုဗစ်ကာလ ဖြစ်သည့်အတွက် မတ်ပဲသီးနှံသာမက အခြားသောပဲသီးနှံများလည်း ဈေးအေးခဲ့တဲ့ နှစ်ဖြစ်ခဲ့ပါသည်။ ၂၀၂၁ ခုနှစ်မှာတော့ သီးနှံဈေးနှုန်းများပြန်လည်မြင့်တက်လာပြီး စက်တင်ဘာလ အတွင်း မတ်ပဲသီးနှံ၏ ပိဿာ(၂၀)တစ်တင်း အနိမ့်ဈေးမှာ ၄၈၀၀၀ ကျပ် မှ အမြင့်ဈေး ၆၄၀၀၀ ကျပ်ထိ ရရှိခဲ့ကြပါသည်။ ၂၀၂၂ခုနှစ် စက်တင်ဘာလအတွင်း မတ်ပဲပိဿာ(၂၀)တစ်တင်း အနိမ့်ဈေး ၆၅၀၀၀ ကျပ်မှ အမြင့်ဈေး ၆၆၀၀၀ကျပ်ထိ ဈေးရရှိခဲ့ကြလို့ စိုက်ပျိုးထုတ်လုပ်သူ တောင်သူများ ထိုက်သင့်သော အကျိုးအမြတ်များရရှိခဲ့ကြပါသည်။ အချို့တောင်သူများကတော့ ပဲပေါ်စကတည်းက ရောင်းချမှုများရှိကြပြီး စိုက်ဧကများသူ ငွေကြေးအဆင်ပြေသူများကတော့ ထွက်လာသမျှ ပဲထုတ်လုပ် ရောင်းချမှုမရှိဘဲ သိုလှောင်ထားကြကာ ဈေးအမြင့် ကြိုက်ဈေးရောက်မှ ထုတ်ရောင်းချသည်ဟု သိရပါသည်။ ယခုနှစ်မှာတော့ မတ်ပဲသီးနှံအပြင် အခြားပဲ သီးနှံများ ပါဈေးနှုန်းများ မြင့်တက်လာခဲ့ကြတာကြောင့် ယခုအချိန်မှာ ယခင်နှစ်များ၏ ဈေးနှုန်းများထက် သိသိသာသာ ပိုမိုမြင့်တက် လာခဲ့ကြပါသည်။ သို့သော်လည်း စိုက်ပျိုး ထုတ်လုပ်သူတောင်သူများအနေဖြင့် ပဲသစ်ပေါ်စအချိန်က ၆၀၀၀၀ကျပ်သာရရှိခဲ့လို့ လက်ဝယ် ကျန်သူတောင်သူအနည်းစုလောက်သာ အကျိုးအမြတ်ပိုတဲ့ သီးနှံဖြစ်ခဲ့ကြပါသည်။ အချို့တောင်သူများအနေဖြင့် ကျပ် ၇၀၀၀၀ မှာကတည်းက မျိုးပဲလောက်သာချန်၍ လက်ကျန်ပဲများထုတ်ရောင်းချလာကြပြီး တောင်သူအချို့မှာတော့ ယခုကျပ် ၈၀၀၀၀ကျော်မှသာ ထုတ်ရောင်းချသူများလည်း ရှိခဲ့ကြပါသည်။ မတ်ပဲသီးနှံသည် ပဲသစ်ပေါ် ချိန်မှစ၍ တစ်နှစ်တာလုံး ရောင်းဝယ်မှုဖြစ်သည့် ပဲအမျိုးအစားဖြစ်လို့ ပဲထွက်ပေါ်ချိန် အထွက် လှိုင်ချိန်များ၌ ဈေးကွက်အတွင်း အရောင်းအဝယ်သွက်ခဲ့ပြီး ကျန်ကာလများတွင်တော့ နေ့စဉ်ပုံမှန် အိတ်(၃၀၀)ကျော် (၄၀၀) ရောင်းချမှုများရှိခဲ့ကြပါသည်။ မတ်ပဲသီးနှံအား ပြည်ဈေးကွက်၌ အဓိကဝယ်ယူသည့် ဝယ်လက်များမှာ ရန်ကုန်ဝယ်လက်များဖြစ်ပြီး မျိုးပဲရာသီမှာတော့ နယ်ဝယ်လက်များ အဝယ်ရှိကြသည်ဟု သိရပါသည်။ယခုကာလပဲဈေးနှုန်း များမြင့်တက်လာသော်လည်း ပြည်ဈေးကွက်အတွင်းမှာ မတ်ပဲသီးနှံအနေဖြင့် အရောင်းအဝယ် ပုံမှန်ဖြစ်လျက်ရှိကြောင်း လေ့လာသိရှိရပါသည်။

DOCA(ပဲခူး)

ပြည်ပဲမျိုးစုံဈေးကွက်မှာ မိုးပဲတီစိမ်းဈေးအနည်းငယ်မြင့်သော်လည်း အရောင်းအဝယ်အေး

    ပြည်ပဲမျိုးစုံဈေးကွက်အတွင်း ပြည်တွင်း၊ ပြည်ပ ဝယ်လက်ရှိသော ပဲများနေ့စဉ် ရောင်းဝယ်နေခဲ့ကြသော်လည်း ပဲတီစိမ်းနှင့် ပဲစင်းငုံသီးနှံကတော့ ယခုတစ်ပတ်အတွင်း အရောင်းအဝယ်အေး နေခဲ့ကြောင်း သိရပါသည်။ ပဲတီစိမ်းသီးနှံမှာ ပဲဝင်ရောက်မှုနည်းပါးသွားသည့်အပြင် လက်ကျန်ပဲလည်း မရှိတော့သည့်အတွက် အရောင်းအဝယ်အေးနေခဲ့ကာ ပဲဈေးနှုန်းအနေဖြင့် တစ်တင်း ၆၀၀၀၀ကျပ် ဖြင့် ယခင်အပတ်ကဈေးထက်တော့ ဈေးအနည်းငယ် ပိုရလာခဲ့ပါသည်။ ပဲတီစိမ်းသီးနှံသည် ပဲအထွက်လှိုင်ချိန်တွင်သာ ဈေးကွက်အတွင်း အရောင်းအဝယ်သွက်သည့် ပဲသီးနှံဖြစ်ပြီး ကျန်ကာလများတွင် ပဲလက်ကျန်လည်း မရှိသလောက်ဖြစ်ကာ မျိုးပဲလောက်သာ မျိုးပဲချိန် အရောင်းအဝယ်ပြန်ဖြစ်ခဲ့ကြပါသည်။ ပဲတီစိမ်းသီးနှံအား ဝယ်လိုအားအနေဖြင့် ရန်ကုန် ဝယ်လက်သမားထက်၊ မန္တလေးဝယ်လက်သမား အဓိကဝယ်ယူမှုရှိကြောင်း သိရပါသည်။ ပဲတီစိမ်းဈေးမှာ ယခုတစ်ပတ်တွင် တစ်တင်း ၆၀၀၀၀ကျပ်ဖြင့် ယခင်အပတ်ကထက်ဈေး အနည်းငယ်ပိုရလာပြီး ယခင်နှစ် စက်တင်ဘာလဈေးထက်လည်း ဈေးပိုနေကြောင်း သိရပါသည်။ ယခင်နှစ် စက်တင်ဘာလအတွင်း မိုးပဲတီစိမ်းသီးနှံဈေးမှာ တစ်တင်း ၅၁၀၀၀ကျပ်ခန့် သာရရှိကြောင်းသိရှိရပါသည်။

DOCA(ပဲခူး)

ပြည်ပဲနီပြားဈေးအမြင့်ဖြင့် လက်လီသမားများအရောင်းအဝယ်ဖြစ်

     ပြည်ပဲဈေးကွက်မှာ လက်လီ၊ လက်ကားရောင်းဝယ်နေကြသော ပဲများထဲမှာ ပဲနီပြားသီးနှံသည် ယခုလအတွင်း လက်လီသမားများဖြင့်သာ အရောင်းအဝယ်ဖြစ်နေခဲ့ကြပါသည်။ ထို့ကြောင့် တစ်ရက် အိတ် ၂၀/၃၀ ကျော် ရောင်းချရပြီး ပဲဈေးမှာ ပိဿာ (၂၀)တစ်တင်း ၁၀၀၀၀၀ ကျပ်ဖြင့် ဈေးအမြင့်ဖြင့် ဆက်လက်အရောင်းအဝယ်ဖြစ်ခဲ့ပါသည်။ ယခုနှစ်တွင် ပဲသီးနှံများ အားလုံးလိုလို ဈေးကောင်းရသည့်နှစ်ဖြစ်သည့်အတွက် ပဲနီပြားသီးနှံကလည်း ပြည်ပဝယ်လိုအားကောင်းသော ပဲများနည်းတူ ဈေးပြိုင်မြင့်တက်လျက်ရှိပါသည်။ ယခင်နှစ်က စက်တင်ဘာလအတွင်း ပဲနီပြားသီးနှံ ဈေးနှုန်းမှာ ပိဿာ(၂၀)တစ်တင်း ၅၂၀၀၀ကျပ်သာ ရရှိခဲ့သည့်အတွက် ယခုနှစ်ကတော့ ယခင်နှစ်ဈေးထက် ဈေးပြန်မြင့်တက်လာခဲ့ကာ လှောင်ပဲလက်ကျန်ရှိသူများ ဈေးကောင်းရလျက်ရှိကြောင်း သိရပါသည်။

DOCA(ပဲခူး)

 

Pages

Subscribe to RSS - ပြည်တွင်းကုန်သွယ်မှုသတင်း