ပြည်တွင်းကုန်သွယ်မှုသတင်း

          ကယားပြည်နယ်သည် စပါး၊ ပြောင်း၊ နှမ်း၊ မြေပဲ၊ ပဲစင်းငုံတို့ကိုအဓိကစိုက်ပျိုးကြပြီး အခြား သီးနှံများကိုလည်းအနည်းငယ်စိုက်ပျိုးကြပါသည်။ ကယားပြည်နယ်နှင့် အခြားတိုင်း ဒေသကြီး/ ပြည်နယ်များအကြား မေလတွင် အခြားဒေသများမှ ပြည်နယ်အတွင်းသို့ ဆန်တင်သွင်းမှုမှာ(၂၄၂၅၂)အိတ်(၁၂၁၂)တန်ခန့်၊ ကြက်သွန်နီတင်သွင်းမှုမှာ (၆၄၈)အိတ်ခန့်နှင့် ကယားပြည်နယ်မှ အခြားဒေသများသို့ ဆန်တင်ပို့မှုမှာ (၁၃၁၀)အိတ်(၆၅)တန်ခန့်၊ နှမ်းတင်ပို့မှု မှာ(၁၆၃၄)အိတ်(၈၀)တန်၊ ပြောင်းတင်ပို့မှုမှာ(၁၂၆၅၉)အိတ်(၆၂၀)တန်ခန့်နှင့် ပဲအမျိုးမျိုး တင်ပို့မှုမှာ(၂၃၇၇)အိတ်(၁၁၆)တန်ခန့် ကုန်သွယ်မှုပြုလုပ်ခဲ့ကြောင်း မြို့ဦးဂိတ်စာရင်းအရ သိရှိရပါသည်။

     ရန်ကုန်တိုင်းဒေသကြီး၊ မင်္ဂလာတောင်ညွန့်မြို့နယ်၊ သိမ်ဖြူဈေးကြီးအတွင်း ကြက်သွန်ဖြူ၊ ကြက်သွန်နီများအား ကား၊ ရထားတို့ဖြင့် ရှမ်းပြည်နယ်မှ ဘုရင့်နောင်ကုန်စည်ဒိုင်သို့ နေ့စဉ် ဝင်ရောက်လျက်ရှိပြီး လက်လီလက်ကားပြန်လည်ရောင်းချလျက်ရှိရာ ၂၀၂၃ခုနှစ်၊ မေလ၊ ပထမအပတ်တွင် ကြက်သွန်နီ(ဆိပ်ဖြူ)အဝင် (၃၉၁၅၀) ပိဿာနှင့် ကြက်သွန်ဖြူ(ကြူကုတ်) (၅၅၅၀) ပိဿာဝင်ရောက်ခဲ့ပြီး ကြက်သွန်နီ(ဆိပ်ဖြူ)လက်ကားဈေးမှာ ၁ပိဿာလျှင် ၂၀၀၀ကျပ်မှ ၂၅၀၀ကျပ်ထိဖြစ်၍ ကြက်သွန်ဖြူ(ကြူကုတ်)လက်ကားဈေးမှာ ၁ပိဿာလျှင် ၅၅၀၀ကျပ်မှ ၇၀၀၀ကျပ်ထိရှိခဲ့ပါသည်။ မေလ၊ ဒုတိယအပတ်အတွင်း ကြက်သွန်နီ(ဆိပ်ဖြူ)အဝင် (၃၄၉၀၀) ပိဿာနှင့် ကြက်သွန်ဖြူ(ကြူကုတ်)(၁၁၅၀၀) ပိဿာဝင်ရောက်ခဲ့ပြီး ကြက်သွန်နီ(ဆိပ်ဖြူ) လက်ကားဈေးမှာ ၁ပိဿာလျှင် ၁၉၀၀ကျပ်မှ ၂၁၀၀ကျပ်ထိဖြစ်၍ ကြက်သွန်ဖြူ(ကြူကုတ်) လက်ကားဈေးမှာ ၁ပိဿာလျှင် ၆၀၀၀ကျပ်မှ ၇၅၀၀ကျပ်ထိဖြစ်ခဲ့ပါသည်။ မေလ၊ တတိယအပတ်အတွင်း ကြက်သွန်နီ(ဆိပ်ဖြူ)အဝင် (၃၅၉၀၀) ပိဿာနှင့် ကြက်သွန်ဖြူ(ကြူကုတ်) (၁၁၂၀၀) ပိဿာဝင်ရောက်ခဲ့ပြီး ကြက်သွန်နီ(ဆိပ်ဖြူ) လက်ကားဈေးမှာ ၁ပိဿာလျှင် ၂၀၀၀ကျပ်မှ ၂၆၀၀ကျပ်ထိဖြစ်၍ ကြက်သွန်ဖြူ(ကြူကုတ်)လက်ကားဈေးမှာ ၁ပိဿာလျှင် ၅၀၀၀ကျပ်မှ ၆၅၀၀ကျပ်ထိရှိခဲ့ပါသည်။ မေလ၊ စတုတ္ထအပတ်အတွင်း ကြက်သွန်နီ(ဆိပ်ဖြူ)အဝင် (၃၅၀၀၀) ပိဿာနှင့် ကြက်သွန်ဖြူ(ကြူကုတ်) (၉၈၅၀) ပိဿာဝင်ရောက်ခဲ့ပြီး ကြက်သွန်နီ(ဆိပ်ဖြူ လက်ကားဈေးမှာ ၁ပိဿာလျှင် ၁၈၀၀ကျပ်မှ ၂၂၀၀ကျပ်ထိဖြစ်၍ ကြက်သွန်ဖြူ(ကြူကုတ်)လက်ကားဈေးမှာ ၁ပိဿာလျှင် ၆၅၀၀ကျပ်မှ ၇၂၀၀ကျပ်ထိဖြစ်ပေါ်ခဲ့ပြီး ကြက်သွန်နီဈေးနှုန်းမှာ အနည်းငယ်ကျဆင်းလျက်ရှိပြီး ကြက်သွန်ဖြူဈေးနှုန်းမှာ အတက်အကျဖြစ်လျက်ရှိကြောင်း ဈေးတာဝန်ခံရုံးမှ သတင်းရရှိပါသည်။

DOCA(ရန်ကုန်)

     ၂၀၂၃ခုနှစ်၊ မေလ၊ စတုတ္ထအပတ်အတွင်း အခြေခံစားသောက်ကုန်များဖြစ်သော စားအုန်းဆီ၁ပိဿာလျှင် (၄၉၀ဝ) ကျပ်၊ ပဲဆီ(ရိုးရိုး)၁ပိဿာလျှင် (၈၀၀၀) ကျပ်ဖြင့်လည်းကောင်း၊ ကြက်သွန်နီဆိုဒ်စုံ၁ပိဿာလျှင် (၂၄၀၀-၂၆၀၀-၂၈၀ဝ) ကျပ်၊ ကြက်သွန်ဖြူ(ဥ)တလုံး၁ပိဿာလျှင် (၈၀၀ဝ-၁၀၀၀ဝ) ကျပ်၊ ကြက်သွန်ဖြူ(အမွှာ)၁ပိဿာလျှင် (၆၀၀ဝ-၈၀၀ဝ) ကျပ်၊ ကြက်သွန်ဖြူ(ကြူကုတ်)၁ပိဿာလျှင် (၈၀၀၀) ကျပ်၊ အာလူး၁ပိဿာလျှင် (၂၅၀၀) ကျပ်၊ နနွင်းမှုန့်၁ပိဿာလျှင် (၁၀၀၀၀) ကျပ်၊ နနွင်းတက်၁ပိဿာလျှင် (၅၀၀၀) ကျပ်၊ အိုင်အိုဒင်းဆား/ရိုးရိုးဆား၁ထုပ်လျှင် (၃၀၀) ကျပ်၊ ငရုတ်တောင့်(ရှည်)၁ပိဿာလျှင် (၁၆၀၀၀) ကျပ်၊ ငရုတ်တောင့်(ပု)၁ပိဿာလျှင် (၂၀၀၀၀) ကျပ်၊ မြန်မာပဲနီလေး၁ပိဿာလျှင် (၈၀၀၀) ကျပ်၊ ပဲဝါလေး၁ပိဿာလျှင် (၅၀၀၀) ကျပ်၊ ကုလားပဲခြမ်း၁ပိဿာလျှင် (၅၂၀၀) ကျပ်၊ ချင်း၁ပိဿာလျှင် (၆၀၀၀-၈၀၀၀) ကျပ်ဖြင့် လည်းကောင်း၊ ပုစွန်ခြောက်(ကြီး)၁ပိဿာလျှင် (၈၀၀၀၀) ကျပ်၊ ပုစွန်ခြောက်(လတ်)၁ပိဿာလျှင် (၆၀၀၀၀) ကျပ်၊ ပုစွန်ခြောက်(သေး)၁ပိဿာလျှင် (၄၀၀၀၀) ကျပ်တို့ဖြင့် အရောင်းအဝယ်ဖြစ်လျက်ရှိပါသည်။

     ဝက်သား၁ပိဿာလျှင် (၁၈၀၀၀) ကျပ်၊ ဘဲသား၁ပိဿာလျှင် (၁၄၀၀၀) ကျပ်၊ ဆိတ်သား၁ပိဿာလျှင် (၂၈၀၀၀) ကျပ်၊ မွေးမြူရေးကြက်၁ပိဿာလျှင် (၉၀၀၀-၁၀၀၀၀) ကျပ်၊ မြန်မာကြက်၁ပိဿာလျှင် (၁၈၀၀၀-၂၀၀၀၀) ကျပ်တို့ဖြင့် အရောင်းအဝယ်ဖြစ်လျက်ရှိပါသည်။

      ဆန်ကြမ်း ငစိန်၁အိတ်လျှင် (၅၇၀၀၀ကျပ်မှ ၆၄၀၀၀ကျပ်ထိ)ရှိပြီး ဧည့်မထ၁အိတ်လျှင် (၅၇၀၀၀ကျပ်မှ ၆၆၀၀၀ကျပ်ထိ)လည်းကောင်း၊ ရွှေဘိုပေါ်ဆန်းမွှေး(အဟောင်း)၁အိတ်လျှင် (၉၉၀၀၀ကျပ်မှ ၁၁၃၀၀၀ကျပ်ထိ)၊ (ဆန်သစ်)၁အိတ်လျှင် (၈၀၀၀၀ ကျပ်မှ ၈၇၀၀၀ကျပ်ထိ)လည်းကောင်း ဈေးနှုန်းအသီးသီးဖြင့် ရန်ကုန်တိုင်းဒေသကြီး၊ ပုစွန်တောင်ဈေးအတွင်း အရောင်းအဝယ်ဖြစ်လျက်ရှိကြောင်း သိရှိရပါသည်။

DOCA(ရန်ကုန်)

    စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရွှေဘိုခရိုင်ဦးစီးမှူး ရုံးအနေဖြင့် စားသုံးသူကာကွယ်ရေးလုပ်ငန်းများကို ဆောင်ရွက်ရာတွင် စီးပွားရေးလုပ်ငန်းရှင်များအား တွေ့ဆုံ၍ ဌာနမှထုတ်ပြန်ထားသည့် ဥပဒေ၊ လုပ်ထုံးလုပ်နည်းများ၊ အမိန့်နှင့် ညွှန်ကြားချက်များကို သိရှိလိုက်နာဆောင်ရွက်နိုင်ရေး အသိပညာပေးဆွေးနွေးခြင်းများ ဆောင်ရွက်လျက်ရှိရာ (၂၃.၅.၂၀၂၃)ရက်နေ့၊ နံနက်(၁၁:၀၀)နာရီအချိန်တွင် စားသုံးသူရေးရာဦးစီးဌာန၊ ရွှေဘိုခရိုင်ဦးစီးမှူးရုံးမှ ခရိုင်ဦးစီးမှူးဦးဆောင်၍ ဒု-ခရိုင်ဦးစီးမှူးနှင့် ဝန်ထမ်း(၅)ဦးတို့သည် အမှတ်(၃) ရပ်ကွက်၊ ရွှေဘိုမြို့ရှိ မုန့်မျိုးစုံရောင်းချသည့် စီးပွားရေးလုပ်ငန်းရှင်အားလည်းကောင်း၊ (၂၄.၅.၂၀၂၃)ရက် နေ့နံနက်(၁၀:၀၀)နာရီအချိန်တွင် ဒု-ခရိုင်ဦးစီးမှူးနှင့် ဝန်ထမ်း(၁)ဦးတို့သည့် အမှတ်(၅)ရပ်ကွက်၊ ရွှေဘိုမြို့ရှိ ကိတ်နှင့် မုန့်မျိုးစုံရောင်းဝယ်ရေးလုပ်ငန်းရှင်အားလည်းကောင်း၊ (၂၅.၅.၂၀၂၃)ရက်နေ့ နံနက် (၁၀:၀၀)နာရီအချိန်တွင် ဝက်လက်မြို့နယ်တာဝန်ခံမှ အမှတ်(၂)ရပ်ကွက်၊ ဝက်လက်မြို့ရှိ ကုန်စုံဆိုင် လုပ်ငန်းရှင်အားလည်းကောင်း တွေ့ဆုံဆွေးနွေးခဲ့ပါသည်။

   ထိုသို့တွေ့ဆုံဆွေးနွေးရာတွင် စားသုံးသူရေးရာဦးစီးဌာနအနေဖြင့် စားသုံးသူကာကွယ်ရေး ဥပဒေအပြင် အထက်ဌာနက ထုတ်ပြန်ထားသည့် အမိန့်နှင့် ညွှန်ကြားချက်များနှင့်အညီ လုပ်ငန်းများကို ဆောင်ရွက်လျက်ရှိကြောင်း၊  ကုန်စည်ကိုရောင်းချသည့် စီးပွားရေးလုပ်ငန်းရှင်များအနေဖြင့် စားသုံးသူကာကွယ်ရေးဥပဒေ အခန်း(၁၈)ပါ  ကုန်အညွှန်းအမှတ်အသားများ ပြည့်စုံစွာထည့်သွင်းဖော်ပြထားသည့် ကုန်စည်များကိုသာ ရောင်းချကြရမည်ဖြစ်သဖြင့် ကုန်အညွှန်းအမှတ်အသားတွင် ထည့်သွင်းဖော်ပြရမည့်အချက်များကို သိရှိရန်လိုအပ်ကြောင်း၊ ကုန်အညွှန်းအမှတ်အသား ဖော်ပြခြင်းနှင့်စပ်လျဉ်း၍ ဥပဒေပါ အချက်များနှင့် မြန်မာနိုင်ငံ စားသုံးသူကာကွယ်ရေးကော်မရှင်၏ ညွှန်ကြားချက်အမှတ် (၂/၂၀၁၉)ပါ အကြောင်းများ၊ စားသုံးသူအခွင့်အရေးနှင့်တာဝန်များ၊ စီးပွားရေးလုပ်ငန်းရှင်၏တာဝန်များ၊ စားသုံးသူများသာမက စီးပွားရေးလုပ်ငန်းရှင်များအနေဖြင့် ဌာနမှဆောင်ရွက်နေသောလုပ်ငန်းများကို သိရှိလိုပါက ရုံးဖွင့်ရက် ရုံးချိန်အတွင်း Consumer Call Center (1535)သို့ ဆက်သွယ်မေးမြန်းနိုင်ကြောင်း၊ ပြစ်မှုနှင့် ပြစ်ဒဏ်များကို သိရှိရမည်ဖြစ်ကြောင်း  ရှင်းလင်းဆွေးနွေးခဲ့ရာ စီးပွားရေးလုပ်ငန်းရှင်မှသိရှိလိုသည်များ မေးမြန်းဆွေးနွေးမှုအပေါ် ပြန်လည်ဖြေကြားခဲ့ပြီး လက်ကမ်းစာစောင်များ ဖြန့်ဝေခဲ့ကြောင်း  သတင်းရရှိပါသည်။

DOCA(စစ်ကိုင်း)

      စစ်ကိုင်းတိုင်းဒေသကြီး မုံရွာမြို့ရှိ ဈေးများတွင် ၂၀၂၃ခုနှစ်၊ မေလ(စတုတ္ထပတ်) အတွင်း ‌ရွှေဘိုပေါ်ဆန်း (သစ်)(တစ်အိတ်)လျှင် ၉၀၀၀၀ကျပ်၊  ဧရာမင်း(ဆန်)(သစ်)(တစ်အိတ်)လျှင် ၈၀၀၀၀ ကျပ်၊ ဧည့်မထ ဆန်(သစ်)(တစ်အိတ်)လျှင် ၇၀၀၀၀ ကျပ်၊ ပဲဆီ(တစ်ပိဿာ)လျှင် ၁၂၄၅၀-၁၂၅၀၀ ကျပ်၊ နှမ်းဆီ (တစ်ပိဿာ)လျှင် ၁၁၀၀၀ ကျပ်၊ နေကြာဆီ(တစ်ပိဿာ)လျှင်၁၂၀၀၀ကျပ်၊ စားအုန်းဆီ (တစ်ပိဿာ) လျှင် ၆၄၅၀-၆၅၀၀ကျပ်၊ ဆား(တစ်ပိဿာ)လျှင် ၆၀၀-၇၀၀ ကျပ်၊ ငရုတ်ခြောက် (တစ်ပိဿာ) ၁၈၀၀၀ မှ ၁၉၀၀၀ ကျပ်၊ ကြက်သွန်နီ(အသစ်) (တစ်ပိဿာ) ၂၂၀၀ မှ ၂၅၀၀ ကျပ်၊ ကြက်သွန် ဖြူ(ရှမ်းစ) (တစ်ပိဿာ) ၅၅၀၀ မှ ၆၀၀၀ ကျပ်၊ ကြက်သွန်ဖြူ (ကြူကုတ်) (တစ်ပိဿာ) ၅၈၀၀ မှ ၆၀၀၀ ကျပ်၊ အာလူး(တစ်ပိဿာ) ၂၀၀၀ မှ၂၂၀၀ ကျပ်၊ မန်ကျည်းသီးမှည့် (တစ်ပိဿာ) လျှင် ၃၅၀၀-၃၆၀၀ ကျပ်၊ နနွင်းတက် (တစ်ပိဿာ)လျှင် ၅၈၀၀-၆၀၀၀ ကျပ်၊ ခရမ်းချဉ်သီး (တစ်ပိဿာ) ၁၆၀၀ကျပ်၊ ဂေါ်ဖီထုပ် (တစ်ထုပ်)၂၀၀၀ကျပ်၊ ပဲသီး (ပဲတောင့်ရှည်)(တစ်စည်း) ၆၀၀ ကျပ်၊ ကြက်သား (တစ်ပိဿာ) လျှင် ၁၀၀၀၀ -၁၂၀၀၀ ကျပ်၊ ဝက်သား (တစ်ပိဿာ)လျှင် ၁၈၀၀၀-၂၀၀၀၀ ကျပ်၊ အမဲသား(တစ်ပိဿာ)လျှင် ၁၆၀၀၀-၁၇၀၀၀ကျပ်၊ ဆိတ်သား (တစ်ပိဿာ)လျှင် ၂၄၀၀၀-၂၆၀၀၀ ကျပ်၊ ငါးမြစ်ချင်း (တစ်ပိဿာ) လျှင် ၇၅၀၀-၈၀၀၀ကျပ်၊ ကြက်ဥ (၁)လုံးလျှင် ၂၆၀ ကျပ်၊ ဘဲဥ (၁)လုံး လျှင် ၃၀၀ ကျပ်၊ ဖရဲသီး (ကျောက်စိမ်း) (၁)လုံးလျှင် ၁၀၀၀ မှ ၁၅၀၀ ကျပ်အတွင်း၊ ဖရဲသီး(၂၁၁) (၁)လုံး လျှင် ၃၅၀၀ ကျပ်၊ သခွားမွှေး(၁)လုံးလျှင် ၁၅၀၀မှ ၂၀၀၀ ကျပ်အတွင်း အသီသီး ဈေးရှိကြောင်း သိရသည်။

          ယခင်ပတ်နှင့်နှိုင်းယှဉ်ပါက ဒေသထွက် ခရမ်းချဉ်သီး၊ ဂေါ်ဖီထုပ်နှင့် ပဲသီး (ပဲတောင့် ရှည်)များမှာ လက်ကျန်နည်းပါးနေပါသဖြင့်  ဈေးနှုန်းများ အနည်းငယ် မြင့်တက်နေပြီး စားအုန်းဆီဈေးနှုန်းများမှာ ရည်ညွှန်းဈေးပေါ် မူတည်၍ ဈေးနှုန်းအပြောင်းအလဲရှိပါကြောင်း ချင်းတွင်းရတနာဈေးရှိ လက်လီလက်ကား ရောင်းဝယ်ဖောက်ကား  ရောင်းချနေသော ကုန်သည်များထံမှ သိရှိရသည်။

DOCA(စစ်ကိုင်း)