ပြည်တွင်းကုန်သွယ်မှုသတင်း

   တိုင်းဒေသကြီး/ပြည်နယ်များရှိ ကုန်စည်ဒိုင်များတွင် ဖြစ်ပေါ်နေသော မတ်ပဲ၊ ပဲတီစိမ်း နှင့် ပဲစဉ်းငုံ တစ်တန် ဈေးနှုန်းများအား ယခင်နှစ်၊ ယခင်လ၊ ယခင်အပတ်၊ ယခင်နေ့၊ ကာလတူ ဈေးနှုန်းစာရင်းအား နှိုင်းယှဉ်ပြုစု တင်ပြအပ်ပါသည်။

     မကွေးတိုင်းဒေသကြီး၊ ချောက်ခရိုင်၊ ချောက်မြို့နယ်တွင် တရားမဝင်တင်သွင်းလာသည့် ကုန်စည်များအား စျေးကွက်အတွင်း ဖြန့်ချိခြင်း၊ လက်လီရောင်းချခြင်းများ မပြုလုပ်စေရေးအတွက် စားသုံးသူရေးရာဦးစီးဌာန၊ ချောက်မြို့နယ်တာဝန်ခံ ဒေါ်မြတ်မြတ်မိုး(ဌာနခွဲစာရေး)နှင့် အဖွဲ့သည် မြို့နယ်အထွေထွေအုပ်ချုပ်ရေးဦးစီးဌာန၊ စည်ပင်သာယာရေးအဖွဲ့တို့နှင့် ပူးပေါင်းပြီး (၂၃.၅.၂၀၂၃)ရက်နေ့၊ နံနက်(၀၉:၃၀)အချိန်တွင် ချောက်မြို့မစျေးရှိ ကုန်စုံဆိုင်(၆)ဆိုင်နှင့် စတိုးဆိုင်(၄)ဆိုင်တို့အား ဈေးကွက်စောင့်ကြည့်စစ်ဆေးခြင်းနှင့် ရှောင်တခင်ကွင်းဆင်းစစ်ဆေးခြင်းများ ဆောင်ရွက်ခဲ့ပါသည်။

        ထိုသို့စစ်ဆေးရာတွင် တရားမဝင်တင်သွင်းလာသည့် ကုန်စည်များဖြန့်ချိခြင်း၊ လက်လီ ရောင်းချ ခြင်းများ မရှိကြောင်းသိရှိရပြီး ဆိုင်ပိုင်ရှင်များအား မြို့နယ်တာဝန်ခံ ဒေါ်မြတ်မြတ်မိုး (ဌာနခွဲစာရေး)က စားသုံးသူကာကွယ်ရေး ဥပဒေအခန်း(၁၈)၊ ကုန်အညွှန်းအမှတ်အသားဖော်ပြခြင်းနှင့် မြန်မာနိုင်ငံ စားသုံးသူကာကွယ်ရေးကော်မရှင်၏ ညွှန်ကြားချက် (၂/၂၀၁၉)အရ ကုန်စည်အုပ်စု (၈)အုပ်စုတွင် ပါဝင် သောအချက်များ ပြည့်စုံမှန်ကန်စွာပါရှိစေရေး၊ စီးပွားရေးလုပ်ငန်းရှင်များ၏ တာဝန်များ၊ ကုန်စည်များနှင့်စပ်လျဉ်း၍ အာမခံချက်ပေးခြင်း၊ ကုန်အညွှန်းအမှတ်အသားဆိုင်ရာ ပြဌာန်းချက်ပါ ပုဒ်မ(၄၁)၊ ပုဒ်မခွဲ (ခ)နှင့် (ဆ)ပါအချက်များ၊ မြန်မာဘာသာဖြင့်ဖြစ်စေ၊ မြန်မာဘာသာနှင့် အခြားဘာသာတစ်ခု သို့မဟုတ် တစ်ခုထက်ပို၍တွဲလျက်ဖြစ်စေ ဖော်ပြထားသောကုန်စည်ကိုသာ ရောင်းချဖြန့်ဖြူးရန် အသိပညာပေး ဆွေးနွေးခဲ့ပြီး မြန်မာနိုင်ငံ စားသုံးသူကာကွယ်ရေးကော်မရှင်မှ ထုတ်ပြန်ထားသည့် ညွှန်ကြားချက် အမှတ် (၂/၂၀၁၉) လက်ကမ်းစာစောင်များ ဖြန့်ဝေပေးခဲ့ပါသည်။

DOCA(မကွေး)

 ၂၀၂၃ခုနှစ်၊ မေလ(စတုတ္ထပတ်)အတွင်း မင်းဘူးမြို့မဈေး၌ ဆန်ဈေးအနည်းငယ်မြင့်တက်လာပြီး ကြက်သွန်နီဈေးများ အနည်းငယ်ကျဆင်းလာကြောင်း ဈေးဆိုင်များအား ကွင်းဆင်းမေးမြန်းမှုအရ သိရှိရပါသည်။

  မေလ(တတိယပတ်)တွင် ဧရာပဒေသာဆန်(၁)ပြည်လျှင် (၃၉၀၀-၄၀၀၀)ကျပ်၊ မနောသုခဆန်(၁)ပြည်လျှင် (၂၇၀၀-၂၈၀၀)ကျပ်၊ ကြက်သွန်နီ(၁)ပိဿာလျှင် (၂၅၀၀)ကျပ်၊ ကြက်သွန်ဖြူ (ကြူကုတ်)၁ပိဿာလျှင် (၇၅၀၀)ကျပ်၊ ကြက်သွန်ဖြူ(ဗမာ)၁ပိဿာလျှင် (၆၀၀၀)ကျပ်၊ ငရုတ်ခြောက်ရှည်၁ပိဿာလျှင် (၁၅၀၀၀)ကျပ်၊ မန်ကျည်းသီမှည့်၁ပိဿာလျှင် (၂၅၀၀)ကျပ်၊ ဆားကြမ်း၁ပိဿာလျှင် (၅၀၀)ကျပ်၊ ဆားချော၁ပိဿာလျှင် (၁၀၀၀)ကျပ်၊ ကြက်ဥ(၁)လုံးလျှင် (၂၅၀)ကျပ်ဖြစ်ပြီး မေလ(စတုတ္တပတ်)တွင် ဧရာပဒေသာဆန်(၁)ပြည်လျှင် (၄၀၀၀-၄၂၀၀)ကျပ်၊ မနောသုခဆန်(၁)ပြည်လျှင် (၃၂၀၀-၃၃၀၀)ကျပ်၊ ကြက်သွန်နီ(၁)ပိဿာလျှင် (၂၃၀၀)ကျပ်၊ ကြက်သွန်ဖြူ (ကြူကုတ်)၁ပိဿာလျှင် (၇၅၀၀)ကျပ်၊ ကြက်သွန်ဖြူ(ဗမာ)၁ပိဿာလျှင် (၆၀၀၀)ကျပ်၊ ငရုတ်ခြောက်ရှည်၁ပိဿာလျှင် (၁၅၀၀၀)ကျပ်၊ မန်ကျည်းသီမှည့်၁ပိဿာလျှင် (၂၅၀၀-၂၈၀၀)ကျပ်၊ ဆားကြမ်း၁ပိဿာလျှင် (၅၀၀)ကျပ်၊ ဆားချော၁ပိဿာလျှင် (၁၀၀၀)ကျပ်၊ ကြက်ဥ(၁)လုံးလျှင် (၂၅၀)ကျပ်ဖြစ်၍ ကြက်သွန်နီဈေးမှာ အနည်းငယ်ကျဆင်းလာကြောင်း၊ စားသုံးဆီဈေးနှုန်းမှာ နှမ်းဆီ၁ပိဿာလျှင် (၁၂၀၀၀)ကျပ်၊ ပဲဆီ(၁)ပိဿာလျှင် (၁၃၀၀၀)ကျပ်၊ စားအုန်းဆီ၁ပိဿာလျှင် (၆၅၀၀)ကျပ်ဖြစ်၍ ဆီဈေးအနည်းငယ်ငြိမ်နေကြောင်း ဈေးသည်တစ်ဦးထံမှ သိရှိရပါသည်။

DOCA(မကွေး)

   မကွေးတိုင်းဒေသကြီးသည် မြန်မာနိုင်ငံ၏ဆီအိုးကြီးဟု တင်စားရလောက်အောင် ဆီထွက်သီးနှံများဖြစ်သော နှမ်းနှင့် မြေပဲတို့အား အဓိကထားစိုက်ပျိုးကြသော်လည်း စပါးကို မကွေးမြို့နယ်အနေဖြင့် (၂၃၂၅) ဧကသာစိုက်ပျိုးသဖြင့် စားနပ်ရိက္ခာဆန်ဖူလုံမှုမရှိ၍ စပါးအဓိက စိုက်ပျိုးထွက်ရှိရာ  အခြားတိုင်း/ပြည်နယ်များမှ တင်သွင်းရပါသည်။ နိုင်ငံတော်ဝန်ကြီးချုပ်၏ နိုင်ငံစီးပွားရေးအခြေအနေကောင်းများ ဖန်တီးနိုင်မှသာလျှင် နိုင်ငံတော်ဖွံ့ဖြိုးတိုးတက်အောင် ဆောင်ရွက်နိုင်မည်ဟူသော လမ်းညွှန်မှာကြားချက်နှင့်အညီ မကွေးတိုင်းဒေသကြီးအတွင်း နိုင်ငံ့စီးပွားမြှင့်တင်ရေးရန်ပုံငွေဖြင့် (၂၀၂၂-၂၀၂၃) ဘဏ္ဍာနှစ်တွင် နွေစပါးစီမံကိန်းဧက (၂၅၀၀၀) အား စီမံဆောင်ရွက်လျက်ရှိပါသည်။

     ၂၀၂၃ခုနှစ်၊ ဧပြီလအတွင်း စပါးအဓိကစိုက်ပျိုးထွက်ရှိသည့် ဧရာဝတီတိုင်းမှ ဆန်(၁၉၂၀၇) အိတ်၊ မန္တလေးတိုင်းမှ (၁၈၆၀) အိတ်၊ ရန်ကုန်တိုင်းမှ (၁၀၆၀) အိတ်၊ စစ်ကိုင်းတိုင်းမှ (၁၆၅၆) အိတ်၊ ပဲခူးတိုင်းမှ (၇၉၀) အိတ်၊ စုစုပေါင်း (၂၄၅၇၃) အိတ်၊ (၁၂၂.၈၆) တန်စီးတင်ခဲ့ကြောင်းနှင့် ဒေသတွင်း အရောင်းအဝယ်ဖြစ်နေသောဆန်စျေးနှုန်းများမှာ ဧရာပဒေသာ(ပွင့်ဖြူ)(၂၄)ပြည်ပါ တစ်အိတ်လျှင် ကျပ်  (၇၅၀၀၀-၈၀၀၀၀)၊ ဧရာပဒေသာ(မြောင်းမြ)(၂၄)ပြည်ပါ တစ်အိတ်လျှင် ကျပ် (၆၈၀၀၀-၇၂၀၀၀)၊ ပေါ်ဆန်းမွှေး(ရွှေဘို)(၂၄)ပြည်ပါ တစ်အိတ်လျှင် ကျပ် (၉၄၀၀၀-၁၀၅၀၀၀)၊ ပေါ်ဆန်းမွှေး(မြောင်းမြ)(၂၄)ပြည်ပါ တစ်အိတ်လျှင် ကျပ် (၈၀၀၀၀-၉၀၀၀၀)၊ မနောသုခ(မြောင်းမြ)(၂၄)ပြည်ပါ တစ်အိတ်လျှင် ကျပ် (၆၂၀၀၀-၆၇၀၀၀) နှင့် ဖန်သီး(၂၄)ပြည်ပါ တစ်အိတ်လျှင် ကျပ် (၆၆၀၀၀-၆၉၀၀၀) တို့ဖြင့် အရောင်းအဝယ်ဖြစ်နေကြ ကြောင်း သိရှိရပါသည်။

DOCA(မကွေး)

   တိုင်းဒေသကြီး/ပြည်နယ်များ၏ စပါးဆန် ဈေးနှုန်းများအား ယခင်နှစ်၊ ယခင်လ၊ ယနေ့ ကာလတူ နှိုင်းယှဉ်ပြုစုတင်ပြအပ်ပါသည်။