ပြည်တွင်းကုန်သွယ်မှုသတင်း

   ရွှေဘိုခရိုင်အတွင်းရှိ မြို့နယ်များ၌ ၂၀၂၃ခုနှစ်၊ မေလ (‌စတုတ္ထပတ်) တွင် စပါး/ဆန်ဈေးနှုန်းများမှာ တည်ငြိမ်နေပါသည်။ရွှေဘိုခရိုင်မှ အခြားတိုင်းဒေသကြီးများသို့ ဆန်စီးထွက်မှုမှာ မေလ (တတိယပတ်)တွင်  ရန်ကုန်သို့ အိတ်ရေ ၂၅၀၀၀အိတ်၊ မန္တလေးသို့ အိတ်ရေ ၃၃၉၀၀အိတ်၊ နေပြည်တော်သို့ အိတ်ရေ ၉၀၀၀အိတ်၊ ရှမ်း(တောင်)သို့ အိတ်ရေ ၇၅၀၀အိတ်၊ ရှမ်း(မြောက်)သို့ အိတ်ရေ ၇၅၀၀အိတ်၊ ပခုက္ကူသို့ အိတ်ရေ ၆၀၀အိတ်၊ စုစုပေါင်းအိတ်ရေ ၈၃၅၀၀အိတ်၊ တန်အားဖြင့် ၄၁၇၅တန်စီးထွက်ခဲ့ပါသည်။ယခုအပတ်တွင် ရွှေဘိုခရိုင်မှ အခြားတိုင်းဒေသကြီးများသို့ ဆန်စီးထွက်မှုမှာ ရန်ကုန်သို့ အိတ်ရေ ၂၂၀၀၀အိတ်၊ မန္တလေးသို့ အိတ်ရေ ၃၃၉၀၀အိတ်၊ နေပြည်တော်သို့ အိတ်ရေ ၁၀၀၀၀အိတ်၊ ရှမ်း(တောင်)သို့ အိတ်ရေ ၈၀၀၀အိတ်၊ ရှမ်း(မြောက်)သို့ အိတ်ရေ ၈၀၀၀အိတ်၊ ပခုက္ကူသို့ အိတ်ရေ ၆၀၀အိတ်၊ စုစုပေါင်းအိတ်ရေ ၈၂၅၀၀အိတ်၊ တန်အားဖြင့် ၄၁၂၅တန်စီးထွက်ခဲ့သည့်အတွက် ယခင်အပတ်နှင့်နှိုင်းယှဉ်လျှင် ယခုအပတ်အတွင်း အိတ်ရေ ၁၀၀၀အိတ်၊ တန်အားဖြင့် ၅၀တန်လျော့၍ စီးထွက်ခဲ့ပါသည်။

   ရွှေဘိုမြို့၏ မေလ (စတုတ္ထပတ်) တွင် ဖြစ်ပေါ်နေသောစပါး/ဆန်ဈေးနှုန်းများမှာ ရွှေဘိုပေါ်ဆန်းစပါးတင်း၁၀၀လျှင် ကျပ်၂၈၅၀၀၀၀၊ ရွှေဘိုပေါ်ဆန်းဆန် ၂၄ပြည်ပါ တစ်အိတ်လျှင် ကျပ်၉၀၀၀၀၊ ဧရာမင်းစပါးတင်း၁၀၀လျှင် ကျပ်၁၉၅၀၀၀၀၊ ဧရာမင်းဆန် ၂၄ပြည်ပါ တစ်အိတ်လျှင် ကျပ်၈၀၀၀၀ဖြင့် အရောင်းအဝယ်ဖြစ်နေကြောင်း သိရှိရပါသည်။

DOCA(စစ်ကိုင်း)

          ၂၀၂၃ခုနှစ် မေလ တတိယပတ်တွင် လက်ပံတန်းမြို့မဈေးအတွင်း ရောင်းချလျှက်ရှိသော အခြေခံစားသောက်ကုန်များ၏ ဈေးနှုန်းများမှာ ရွှေဘိုပေါ်ဆန်း ဆန်တစ်ပြည်လျှင် ၅၀၀၀ ၊ မနောသုခတစ်ပြည်လျှင် ၃၄၀၀ ကျပ်၊ ကြက်သွန်နီတစ်ပိဿာလျှင် ၆၀၀၀ ကျပ်၊ ကြူကုတ်တစ်ပိဿာလျှင် ၈၀၀၀ကျပ်၊ ချင်းတက် တစ်ဆယ်သားလျှင် ၆၀၀ကျပ်၊ ငရုတ်ခြောက် အရှည် တစ်ပိဿာလျှင် ၁၄၀၀၀ကျပ်၊ အပု တစ်ပိဿာလျှင် ၁၈၀၀၀ကျပ်၊ အာလူးတစ်ပိဿာ လျှင် ၂၅၀၀ ကျပ်၊ မန်ကျည်းသီးမှည့် အစေ့မပါ တစ်ပိဿာလျှင် ၃၅၀၀ကျပ်၊ ကြက်ဥ လက်လီဈေးနှုန်းများမှာ ကြီး တစ်လုံးလျှင် ၂၈၀ကျပ်၊ အသေးတစ်လုံးလျှင် ၂၄၀ကျပ်၊ ဘဲဥကြီးတစ်လုံးလျှင် ၃၅၀ကျပ်၊ အသေးတစ်လုံးလျှင် ၃၀၀ ကျပ်တို့ အသီးသီးရှိခဲ့ပါသည်။

          လက်ပံတန်းမြို့မဈေးအတွင်းရောင်းချလျှက်ရှိသော အသားဈေးနှုန်းများမှာ မွေးမြူရေးကြက် CP ကြက်သား တစ်ပိဿာလျှင် ကျပ် ၁၅၀၀၀မှ ၁၆၀၀၀ ၊ ဆိတ်သားတစ်ပိဿာလျှင် ကျပ်၂၃၀၀၀ မမှ ၂၅၀၀၀၊ ဝက်သားတစ်ပိဿာလျှင် ကျပ် ၁၅၀၀၀မှ ၁၆၀၀၀၊ အမဲသားတစ်ပိဿာလျှင် ကျပ်၁၃၀၀၀ မှ ၁၅၀၀၀ ၊ ငါးကြင်း တစ်ပိဿာလျှင် ကျပ်၁၀၀၀၀မှ ၁၂၀၀၀၊ ငါးမြစ်ချင်း တစ်ပိဿာလျှင် ကျပ်၇၀၀၀ မှ ၉၀၀၀ အသီးသီး ရောင်းဝယ်နေကြကြောင်း သိရှိရပါသည်။

          စားသုံးဆီဈေးနှုန်းများမှာ ပဲဆီတစ်ပိဿာလျှင် ကျပ်၁၄၀၀၀မှ ၁၆၀၀၀ ၊ နှမ်းဆီတစ်ပိဿာလျှင် ကျပ်၁၅၀၀၀ မှ ၁၆၀၀၀ ၊ စားအုန်းဆီတစ်ပိဿာလျှင် ကျပ်၆၂၀၀ မှ ၆၅၀၀ ဖြင့် အရောင်းအဝယ်ဖြစ်ခဲ့ကြောင်း သိရှိရပါသည်။

DOCA(ပဲခူး)

   တိုင်းဒေသကြီး/ပြည်နယ်များ၏ စပါးဆန် ဈေးနှုန်းများအား ယခင်နှစ်၊ ယခင်လ၊ ယနေ့ ကာလတူ နှိုင်းယှဉ်ပြုစုတင်ပြအပ်ပါသည်။

    စားသုံးသူရေးရာဦးစီးဌာန၊ မန္တလေးတိုင်းဒေသကြီး၊ မိတ္ထီလာခရိုင်ဦးစီးမှူးရုံး၊ ခရိုင်ဦးစီးမှူး၏လမ်းညွှန်မှုဖြင့် ပျော်ဘွယ်မြို့နယ်တာဝန်ခံနှင့် ဝန်ထမ်းနှစ်ဦးသည် (၁၈-၅-၂၀၂၃) ရက်နေ့၊ နေ့လယ် (၁၃း၀၀) နာရီချိန်တွင် ပျော်ဘွယ်မြို့နယ်၊ မင်းလမ်း (တောင်) ကျေးရွာသို့ ဓားလုပ်ငန်း (ပန်းပဲ) နှင့်ပတ်သက်၍ ကွင်းဆင်းလေ့လာဆောင်ရွက်ခဲ့ပါသည်။

  မင်းလမ်းကျေးရွာတွင် တောင်သူလုပ်ငန်းအပြင် ဓား (ပန်းပဲ) လုပ်ငန်းကိုလည်း တစ်ရွာလုံးလုပ်ကိုင်လျက်ရှိကြပါသည်။ လုပ်ငန်းကြီးလုပ်ကိုင်သူ (၇) ဦးရှိပြီး ဓားအပြင် တောင်သူသုံးပစ္စည်းများကိုလည်း လုပ်ကိုင်ကြပါသည်။ ကုန်ကြမ်းဖြစ်သောသံချောင်းများကို မန္တလေး၊ ပဲခူးနှင့် ဒေသတွင်းမှ ဝယ်ယူကြရပြီး မီးသွေး၊ ကျောက်စက်၊ ကျောက်ပြားများကိုလည်း ဝယ်ယူအသုံးပြုရပါသည်။ လုပ်ငန်းကြီးလုပ်ကိုင်သူများတွင် လုပ်သားဦးရေ (၅) ဦးခန့်ထားရှိကြပြီး လုပ်သားတစ်ဦး ရိုးရိုးဓားထုတ်လုပ်နိုင်မှု (၁) ရက်လျှင် (၅၀) ချောင်း၊ ငှက်ကြီးတောင်ဓား (၁) ပတ်လျှင် (၁၀) ချောင်း၊ စစ်ရေးပြဓား (၁) ပတ်လျှင် (၃) ချောင်း၊ ပေါက်နှင့်တူရွင်းပြား (၁) ရက်လျှင် (၁၀၀) ခုစီထုတ်လုပ်နိုင်ကြောင်း သိရှိရပါသည်။

    ရိုးရိုးဓား (တောင်သူသုံး) (၁) ချောင်းလျှင် (၆၀၀၀) ကျပ်မှ (၁၅၀၀၀) ကျပ်ထိ၊ ငှက်ကြီးတောင်ဓား (၁) ချောင်းလျှင် (၂၅၀၀၀) ကျပ်မှ (၅၀၀၀၀) ကျပ်ထိ၊ စစ်ရေးပြဓား (၁) ချောင်းလျှင် (၂၀၀၀၀၀) ကျပ်မှ (၃၀၀၀၀၀) ကျပ်ထိ၊ ဆုပေးဓား (၁) ချောင်းလျှင် (၃၀၀၀၀၀၀) ကျပ်မှ (၅၀၀၀၀၀) ကျပ်ထိပေါက်စျေးရှိကြောင်း သိရှိရပါသည်၊၊

      ရိုးရိုးဓား (တောင်သူသုံး) (၁) ချောင်းအတွက် ကုန်ကျစရိတ်မှာ  (၃၅၀၀) ကျပ်ခန့်၊ ငှက်ကြီးတောင်ဓား (၁) ချောင်းအတွက် ကုန်ကျစရိတ်မှာ  (၃၅၀၀၀) ကျပ်ခန့်၊ စစ်ရေးပြဓား (၁) ချောင်းအတွက် ကုန်ကျစရိတ်မှာ  (၁၅၀၀၀) ကျပ်ခန့်၊ ဆုပေးဓား (၁) ချောင်းအတွက် ကုန်ကျစရိတ်မှာ  (၂၅၀၀၀) ကျပ်ခန့်ကုန်ကျကြောင်း သိရှိရပါသည်၊၊

      ဓားလုပ်ငန်းကို အဆင့် (၈) ဆင့်ပြုလုပ်ရပါသည်။ (၁) သံစိပ်ခြင်း၊ (၂) အကြမ်းတင်ခြင်း၊ (၃) မီးသံစီ၊ (၄) အစိမ်းသံစီ၊ (၅) အကြမ်းတိုက်၊ (၆) အချောတိုက်၊ (၇) မီးဆေးသားဖမ်းနှင့် (၈) အရောင်တင်ခြင်းဟူ၍ အဆင့်ဆင့်ပြုလုပ်ရပါသည်။

     လုပ်ငန်းရှင်များက ပြည်တွင်းစျေးကွက်သာရှိပြီး နိုင်ငံခြားစျေးကွက်ရရှိလျှင် စျေးကွက်ပိုမိုရရှိလာမည်ဖြစ်သည့်အတွက် လုပ်ငန်းများလည်း ချဲ့ထွင်လာနိုင်မည်ဖြစ်ကြောင်း၊ လျှပ်စစ်မီးလိုအပ်ချက်အတွက် ဆိုလာစနစ်အသုံးပြု၍ လည်ပတ်နိုင်ရန်လည်း စိတ်ဝင်စားမှုရှိကြောင်း သိရှိရပါသည်။

DOCA(မန္တလေး)

    ၂၀၂၃ ခုနှစ် ၊ မေလ စတုတ္ထပတ်ပတ်အတွင်းမိတ္ထီလာမြို့နယ်တွင် အခြေခံစားသောက်ကုန်များဖြစ်သော စိုက်ပျိုးရေးထွက်ကုန် ရွှေဘိုပေါ်ဆန်းအသစ် တစ်ပြည် ၄၀၀၀ ကျပ်နှင့်အဟောင်း တစ်ပြည်လျှင် ၅၀၀၀ ကျပ်၊ ဧမထ တစ်ပြည် ၃၂၀၀ နှင့် ငစိန် တစ်ပြည် ၂၈၀၀ ကျပ်ဖြင့် အရောင်း အဝယ်ဖြစ်လျက်ရှိပါသည်။ စားအုန်းဆီ တစ်ပိဿာလျှင် ၆၄၀၀ကျပ်၊ မြေပဲဆီ တစ်ပိသာလျှင် ၁၄၀၀၀ ကျပ် ၊ နှမ်းဆီ တစ်ပိဿာလျှင် ၁၃၀၀၀ကျပ်တို့ဖြင့် အရောင်းအဝယ် ဖြစ်လျက်ရှိသည်။ ကြက်သွန်နီ လက်လီတစ်ပိဿာ ၂၂၀၀ ကျပ် ၊ ကြက်သွန်ဖြူ တစ်ပိဿာလျှင် ၄၅၀၀ ကျပ်၊ ချင်းတက် တစ်ပိဿာလျှင် ၄၈၀၀ကျပ် ၊ ငရုတ်သီးခြောက် အမျိုးအစားအလိုက် ၁၆၀၀၀ ကျပ်မှ ၁၈၀၀၀ ကျပ်ထိ ၊ အာလူး တစ်ပိဿာလျှင် ၂၂၀၀ ကျပ် ၊ ခရမ်းချဉ်သီး တစ်ပိဿာလျှင် ၁၀၀၀ ကျပ်နှင့် ကန်စွန်းရွက်၊ ချဉ်ပေါင်ရွက်၊ မုန်ညှင်းရွက်၊ ဆလပ်ရွက် တစ်စည်းလျှင် ၂၀၀ ကျပ်တို့ဖြင့် အရောင်းအဝယ်ဖြစ်လျက်ရှိပါသည်။

       မွေးမြူရေးထွက်ကုန်များဖြစ်သော ကြက်ဥလက်လီဈေးနှုန်းမှာ အကြီးတစ်လုံး ၂၅၀ ကျပ်၊ အသေးတစ်လုံး ၂၀၀၊ ဘဲဥကြီး တစ်လုံး ၃၅၀ ကျပ်၊အသေးတစ်လုံး ၃၀၀ ကျပ်ရှိသည်။ မိတ္ထီလာမြို့၏ သား/ငါးဈေးနှုန်းနှင့် ငါးခြောက်ဈေးနှုန်းများမှာ ကြက်သား (ဒေသကြက်)တစ်ပိဿာလျှင် ၂၀၀၀၀ ကျပ်၊ ကြက်သား (CP)တစ်ပိဿာလျှင် ၁၀၀၀၀ ကျပ်၊ ဝက်သား တစ်ပိဿာလျှင် ၂၀၀၀၀ ကျပ်  ၊ အမဲသား တစ်ပိဿာလျှင် ၂၀၀၀၀ ကျပ်ထိ ၊ ငါးကြင်း တစ်ပိဿာလျှင် ၁၀၀၀၀ ကျပ်၊ ငါးမြင်း တစ်ပိသာ ၁၆၀၀၀၊ ငါးမြစ်ချင်း တစ်ပိဿာလျှင် ၈၀၀၀ ကျပ်၊ ငါးတန် တစ်ပိဿာလျှင် ၈၀၀၀ ကျပ် ၊ ငါးခူ တစ်ပိဿာလျှင် ၈၀၀၀ ကျပ်၊ ငါးရံ့ တစ်ပိဿာလျှင် ၁၂၀၀၀ ကျပ်၊ ငါးဘတ် တစ်ပိဿာလျှင် ၁၂၀၀၀ ကျပ်၊ ငါးဖယ် တစ်ပိဿာလျှင် ၁၁၀၀၀ ကျပ်၊ ငါးခြောက် လက်လီဈေးနှုန်းမှာ အာပြဲခြောက် တစ်ပိဿာ ၂၃၀၀၀ ကျပ် ငါးရံ့ခြောက် တစ်ပိဿာ ၅၀၀၀၀ ကျပ်၊ ငါးတံခွန်ခြောက် တစ်ပိဿာ ၁၆၀၀၀ ကျပ်၊ ငါးနီတူခြောက် တစ်ပိဿာ ၁၂၀၀၀ကျပ်၊ ငါးရောင်ခြောက် တစ်ပိဿာ ၃၅၀၀၀ ကျပ်၊ ပုစွန်ခြောက် တစ်ပိဿာ ၄၆၀၀၀ ကျပ်တို့ဖြင့် အရောင်းအဝယ်ဖြစ်နေကြောင်း သိရှိရပါသည်။

DOCA(မန္တလေး)