ပြည်တွင်းကုန်သွယ်မှုသတင်း

      ကရင်ပြည်နယ်တွင် ၂၀၂၃ ခုနှစ် မေလ လဆန်းပိုင်းမှစ၍ လယ်ယာထွက်ကုန် ဆန်၊ စပါး‌ဈေးနှုန်းမြင့်တက်ခဲ့ကြောင်းနှင့် လက်ရှိအချိန်တွင် ဈေးနှုန်းမှာရပ်တန့်နေကြောင်း သိရှိရသည်။ ၂၀၂၃ ခုနှစ် မေလ ဒုတိယအပတ်အတွင်း ဒေသထွက် ဆန်ဈေးနှုန်းများမှာ ပေါ်ဆန်းဟိုတယ်မွှေး ပေါင်(၉၀)ဝင် ၁ အိတ်လျှင် ၇၈၀၀၀ ကျပ်၊ ဖန်တီးသုခရှယ် (သစ်) (၁၀၈)ပေါင်ဝင် ၁အိတ် ၇၀၀၀၀ကျပ်၊ ရွှေသွယ်ရှယ် ၁၀၈ပေါင် ၁အိတ် ၇၀၀၀၀ ကျပ် ၊ ရွှေသွယ်လတ် (၁၀၈) ပေါင်ဝင် ၁ အိတ် ၆၅၀၀၀ ကျပ်၊ ချမ်းမြေ့မေ ၁၀၈ပေါင်၁အိတ် ၁၃၀၀၀၀ ကျပ်၊ ခေါက်မလိသွယ်(ဟောင်း) (၁၀၈)ပေါင်ဝင် ၁ အိတ် ၇၅၀၀၀ ကျပ်၊ မနောပျက်(ဟောင်း) ၁ အိတ်၇၅၀၀၀ ကျပ်၊ ဖန်တီးသုခ(ဟောင်း) (၁၀၈) ပေါင်ဝင် ၁ အိတ် ၇၅၀၀၀ ကျပ်၊ လုံးတီးနီ (၁၀၈) ပေါင်ဝင်၁ အိတ် ၅၀၀၀၀ကျပ်၊ ဆန်ကွဲကြီး (ပေါင်၁၁၀) ၁အိတ်လျှင် ၅၀၀၀၀ကျပ်၊ ဆန်ကွဲလတ်/သေး (ပေါင်၁၁၀)ဝင် ၁အိတ်လျှင် ၄၅၀၀၀ကျပ် ဖွဲနု ပေါင်(၆၀)ဝင် ၁ အိတ်လျှင် ၂၁၀၀၀ ကျပ်၊ ပွိုင့်ပေါင်(၆၀)ပါ ၁ အိတ်လျှင် ၂၃၀၀၀ ကျပ် ဖြင့် ဈေးနှုန်းအသီးသီးဖြစ်ပေါ်လျက်ရှိပြီး ဆန်ဈေးအနေဖြင့် ဧည့်မထ ၁ ပြည်လျှင် ၅၀၀ ကျပ်နှုန်းခန့် ဈေးနှုန်းမြင့်တက်ခဲ့ကြောင်းနှင့် ကရင်ပြည်နယ်သည် ဆန်လိုဒေသဖြစ်သောကြောင့် ပြည်နယ်အတွင်းသို့ ဆန်စီးဝင်မှုအနေဖြင့် ယခုနှစ် မတ်လ မှ မေလအတွင်း ဆန်တန်ချိန် ၃၇၀၀ ခန့်စီးဝင်မှုရှိခဲ့ကြောင်း စာရင်းများအရ သိရသည်။

    စပါးဈေးနှုန်းအနေဖြင့် ကရင်ပြည်နယ်တွင် ၂၀၂၃ ခုနှစ် မေလ ဒုတိယအပတ်အတွင်း ဒေသထွက်စပါး တင်း ၁၀၀ လျှင် ကွင်းဈေး ၁၇၀၀၀၀၀ ကျပ်၊ စက်အရောက်ဈေးနှုန်း ၁၇၅၀၀၀၀ ခန့်ထိ ဈေးနှုန်းဖြစ်ပေါ်လျက်ရှိကြောင်းနှင့် ရောင်းလိုအားထက် ဈေးကွက်ဝယ်လိုအားများလာပြီး  စပါးဈေးမြင့်တက်လာမှုကြောင့် ဆန်ဈေးများ ထပ်မံမြင့်တက်လာမည်ဟု ကုန်သည်အသိုင်းအဝိုင်းဘက်မှ ခန့်မှန်းကြကြောင်း စုံစမ်းသိရှိရသည်။

DOCA(ကရင်)

    တိုင်းဒေသကြီး/ပြည်နယ်များ၏ စပါးဆန် ဈေးနှုန်းများအား ယခင်နှစ်၊ ယခင်လ၊ ယနေ့ ကာလတူ နှိုင်းယှဉ်ပြုစုတင်ပြအပ်ပါသည်။

    ၁၅.၅.၂၀၂၃ ရက်နေ့တွင် တိုင်းဒေသကြီးနှင့်ပြည်နယ် မြို့နယ်အလိုက် ဆန်၊ ဆီ၊ မီးဖိုချောင်သုံးပစ္စည်းများ၊ သားငါး၊ စက်သုံးဆီ၊ ရွှေ၊ ဒေါ်လာ ဈေးနှုန်းများအား အောက်ပါ .pdf တွင် ဝင်ရောက်ကြည့်ရှုနိုင်ပါသည်-

     ရှမ်းပြည်နယ်(တောင်ပိုင်း)တွင် ကြက်သွန်ဖြူအသစ်များ ဈေးကွက်သို့ စတင်ဝင်ရောက်နေပြီဖြစ်ပါသည်။  ရှမ်းပြည်နယ်တွင် အဓိကစိုက်ပျိုးသောသီးနှံဖြစ်ရာ ရှမ်းပြည်နယ်(တောင်ပိုင်း)မြို့နယ်အနှံ့အပြား၌ စိုက်ပျိုးပါသည်။  နိုဝင်ဘာလနှင့် ဒီဇင်ဘာလတို့တွင် စိုက်ပျိုးပြီး မတ်လနှင့် ဧပြီလတို့တွင် စတင်ရိတ်သိမ်းပါသည်။ ယခုဈေးကွက်သို့ဝင်လာသော ကြက်သွန်ဖြူအသစ်များမှာ တောင်ကြီးမြို့နယ်အတွင်းမှဖြစ်ပြီး အင်းလေးဒေသအရှေ့ဖက်ခြမ်းဒေသဖြစ်သော နမ့်ပန်မြို့နယ်၊ မိုင်းပျိုးကျေးရွာအုပ်စု၊ အင်းယားကျေးရွာအုပ်စု၊ ကျောက်တလုံးငယ်ကျေးရွာအုပ်စုမှဖြစ်ကြောင်း သိရပါသည်။ တစ်ဧကလျှင် ပိဿာ (၂၅၀) စိုက်၍ ထွက်ရှိမှုမှာ  ပိဿာချိန် (၂၅၀၀) ပတ်ချာလည်ခန့်ထွက်ရှိပါသည်။ ယခုတစ်ပတ်အတွင်း တစ်ပိဿာပေါက်ဈေးမှာ အပင်ပါ(အစို)အရောကို ၁၈၀ဝိ/-ကျပ်ဈေးပေါက်နေပါသည်။ ယခုလောလောဆယ်တွင် အစိုဓာတ်များရှိနေခြင်းကြောင့် အရည်အသွေး၊ အမျိုးအစားခွဲခြားခြင်းမရှိဘဲ၊ အရော(ဂျွန်)များကိုသာ ဈေးကွက်တွင်  ရောင်းချလျက်ရှိပါသည်၊ သင်္ကြန်ပြီး ဈေးကွက်အခြေအနေကိုကြည့်ပြီးမှသာ ဈေးဖွင့်မည်ဖြစ်ပြီး ထိုအချိန်မှသာ အမျိုးအစားအလိုက် ဈေးဖွင့်မည်ဖြစ်ကြောင်း ဈေးကွက်မှ သတင်းရရှိပါသည်။

DOCA(ရှမ်း)

   ကရင်ပြည်နယ်တွင် ဆန်ဈေးနှုန်းများမှာ ၂၀၂၃ခုနှစ်၊ မေလမှစ၍ တစ်ပြည်လျှင် (၂၅၀) ကျပ်ခန့်ဈေးတက်သွားကြောင်း သိရပါသည်။  မေလ(ဒုတိယပတ်)အတွင်း ကရင်ပြည်နယ်၊ ဘားအံမြို့၊ အမှတ် (၁) စံပြရေပေါ်ဈေးတွင်ရောင်းချနေသည့် အခြေခံစားကုန်ဈေးနှုန်းများမှာ ဧည့်မထ(ဆန်)တစ်ပြည်လျှင် (၂၃၀၀) ကျပ်၊ တစ်အိတ်လျှင် (၅၅၀၀၀) ကျပ်၊ ပေါ်ဆန်း(ဆန်)တစ်ပြည်လျှင် (၃၄၀၀) ကျပ်၊ တစ်အိတ်လျှင် (၇၅၅၀၀) ကျပ်၊ ဆန်ကွဲတစ်ပြည်လျှင် (၁၉၀၀) ကျပ်၊ တစ်အိတ်လျှင် (၄၃၅၀၀) ကျပ်၊ စားအုန်းဆီတစ်ပိဿာလျှင် (၇၀၀၀) ကျပ်၊ ပဲဆီ (ရိုးရိုး)တစ်ပိဿာလျှင် (၁၀၅၀၀) ကျပ်၊ ပဲဆီ(ရှယ်)တစ်ပိဿာလျှင် (၁၂၀၀၀) ကျပ်၊ ကြက်သွန်နီတစ်ပိဿာလျှင် (၂၉၀၀) ကျပ်၊ တစ်အိတ်လျှင် (၇၅၀၀၀) ကျပ်၊ ကြက်သွန်ဖြူ(ကြူကုတ်)တစ်ပိဿာလျှင် (၈၀၀၀) ကျပ်၊ ကြက်သွန်ဖြူ(ရှမ်းစ)တစ်ပိဿာလျှင် (၆၀၀၀) ကျပ်၊ ရိုးရိုးဆားတစ်ပိဿာလျှင် (၆၀၀) ကျပ်၊ အာလူးတစ်ပိဿာလျှင် (၂၀၀၀) ကျပ်၊ မန်ကျည်းသီးမှည့်တစ်ပိဿာလျှင် (၃၈၀၀) ကျပ်၊ ငရုတ်သီးခြောက်ရှည်တစ်ပိဿာလျှင် (၁၄၀၀၀) ကျပ်၊ ချင်းတစ်ပိဿာလျှင် (၆၀၀၀) ကျပ်၊ ပဲနီလေးတစ်ပိဿာလျှင် (၆၀၀၀) ကျပ်၊ ကုလားပဲခြမ်းတစ်ပိဿာလျှင် (၅၅၀၀) ကျပ်၊ မြေပဲဆံတစ်ပိဿာလျှင် (၇၂၀၀) ကျပ်၊ နနွင်းတက်တစ်ပိဿာလျှင် (၄၅၀၀) ကျပ်နှင့် သကြားတစ်ပိဿာလျှင် (၂၈၀၀) ကျပ်တို့ဖြင့် ရောင်းချနေကြောင်း သိရပါသည်။

အသားငါးဈေးများမှာ မွေးမြူရေးကြက်တစ်ပိဿာလျှင် (၁၀၀၀၀) ကျပ်၊ ဝက်သားတစ်ပိဿာလျှင် (၁၅၀၀၀) ကျပ်၊ ဆိတ်သားတစ်ပိဿာလျှင် (၂၄၀၀၀) ကျပ်၊ အမဲသားတစ်ပိဿာလျှင် (၂၀၀၀၀) ကျပ်၊ ငါးကြင်းတစ်ပိဿာလျှင် (၁၄၀၀၀) ကျပ်၊ ငါးမြစ်ချင်းတစ်ပိဿာလျှင် (၈၀၀၀) ကျပ်၊ မွေးမြူရေး(ငါးခူ)တစ်ပိဿာလျှင် (၇၀၀၀) ကျပ်၊ ကြက်ဥတစ်လုံးလျှင် (၂၄၀) ကျပ်နှင့် ဘဲဥတစ်လုံးလျှင် (၃၃၀) ကျပ်တို့ရှိပါသည်။ ဟင်းသီးဟင်းရွက်ဈေးနှုန်းများမှာ ကန်စွန်းရွက်တစ်စည်းလျှင် (၂၀၀) ကျပ်၊ ဂေါ်ဖီထုပ်တစ်ထုပ်လျှင် (၂၀၀၀) ကျပ်၊ ခရမ်းချဉ်သီးတစ်ပိဿာလျှင် (၂၀၀၀) ကျပ်၊ ပဲတောင့်ရှည်သီးတစ်စည်းလျှင် (၅၀၀) ကျပ်တို့ဖြင့် အရောင်းအဝယ်ဖြစ်နေကြောင်း ဒေသခံရောင်းဝယ်ဖောက်ကားနေသည့်အရောင်းဆိုင်ထံမှ  သိရှိရပါသည်။

DOCA(ကရင်)