သတင်းနှင့် လှုပ်ရှားမှုများ
စစ်ကိုင်းတိုင်းဒေသကြီးအတွင်း ကုန်ဈေးနှုန်းတည်ငြိမ်ရေးအတွက် ရှေးရှု၍ နိုင်ငံတော်က နိုင်ငံခြားငွေ ရင်းနှီးထုတ်ပေး၍ ပြည်သူများ သက်သာသောဈေးနှုန်းဖြင့် စားအုန်းဆီများ ဝယ်ယူနိုင်ရေးတို့အတွက် တိုင်းဒေသကြီးအစိုးရအဖွဲ့က ဖွဲ့စည်းတာဝန်ပေးလိုက်သော စားအုန်းဆီ လိုက်လံရောင်းချသည့် ဈေးကား(၇)စီးအား ကြီးကြပ်ရသည့် ဝန်ထမ်းများနှင့် တွေဆုံမှာကြားခြင်းကို ၂၀၂၅ ခုနှစ်၊ ဧပြီလ (၂)ရက်နေ့ နေ့လယ်(၁၃:၃၀) အချိန်တွင် စားသုံးသူ ရေးရာဦးစီးဌာန၊ တိုင်းဒေသကြီးဦးစီးမှူးရုံးခန်း၌ ကျင်းပပြုလုပ်ခဲ့ပါသည်။
ဖျာပုံခရိုင်၊ ကျိုက်လတ်မြို့နယ်၊ စားသုံးသူရေးရာဦးစီးဌာနမှ ဒု-မြို့နယ်တာဝန်ခံ ဦးတင်စိန်နှင့် ပုသိမ်တိုင်းရုံး သတင်းဌာနခွဲမှ ဦးမင်းမင်းဦးတို့သည် ၂၀၂၅ ခုနှစ်၊ မတ်လ ၃၁ ရက်နေ့တွင် ကျိုက်လတ်မြို့ပေါ်ရှိ “မြမြင့်မိုရ်” မုန့်ဟင်းခါးဖတ် လုပ်ငန်းသို့ သွားရောက်၍ MSMEs လုပ်ငန်းများ ဖွံ့ဖြိုးတိုးတက်ရေးအတွက် ရင်းနှီးမြှုပ်နှံမှု၊ ထုတ်လုပ်မှု၊ ရောင်းချမှု ဈေးနှုန်းဈေးကွက် အခြေအနေတို့အား လုပ်ငန်းရှင်နှင့် တွေ့ဆုံပြီး ကွင်းဆင်းမေးမြန်းခဲ့ပါသည်။
ဧရာဝတီတိုင်းဒေသကြီး၊ ဖျာပုံခရိုင် ၊ ဘိုကလေးမြို့နယ် စားသုံးသူရေးရာဦးစီးဌာနမှ ဌာနခွဲစာရေး ၊ ဒေါ်ကြည်ကြည်စိုး၊ တိုင်းရုံး သတင်းဌာနခွဲမှ ဦးမင်းမင်းဦး တို့သည် ၂၀၂၅ ခုနှစ်၊ ဧပြီလ ၂ ရက်နေ့တွင် ဘိုကလေးမြို့ (၃) ရပ်ကွက်ရှိ “ဂွတ်ရှယ်” သုံးထောင့်မုန့်လုပ်ငန်းသို့ MSMEs လုပ်ငန်းများ ဖွံ့ဖြိုးတိုးတက်ရေး ကွင်းဆင်းစစ်ဆေး ခဲ့ကြပါသည်။
ဧရာဝတီတိုင်းဒေသကြီး၊ ဖျာပုံခရိုင် ၊ ဘိုကလေးမြို့နယ် စားသုံးသူရေးရာဦးစီးဌာန မှ ဌာနခွဲစာရေး ဒေါ်ကြည်ကြည်စိုး၊ တိုင်းရုံး သတင်းဌာနခွဲမှ ဦးမင်းမင်းဦး တို့သည် ၂၀၂၅ ခုနှစ်၊ ဧပြီလ ၂ ရက်နေ့တွင် ဘိုကလေးမြို့ (၁၀) ရပ်ကွက်ရှိ ဦးမြင့်သိန်းပိုင် “ပွင့်သစ်စ” မုန့်ဟင်းခါး၊ ခေါက်ဆွဲဖတ် လုပ်ငန်းသို့ သွားရောက်၍ အသေးစား MSMEs လုပ်ငန်းများ ဖွံ့ဖြိုးတိုးတက်ရေး ကွင်းဆင်း၍ လုပ်ငန်းရှင်နှင့် တွေ့ဆုံဆွေးနွေး မေးမြန်းခဲ့ပါသည်။
စားသုံးသူရေးရာဦးစီးဌာန၊လေးမျက်နှာမြို့နယ်တာဝန်ခံသည် ၂၀၂၅ခုနှစ် ဧပြီလ ၁ ရက်နေ့ နေ့လယ်(၁၃:၀၀)နာရီအချိန်တွင် အိုင်သပြုကျေးရွာအတွင်းရှိ ပဲမျိုးစုံ ရောင်းဝယ်နေသော ကုန်သည်များအား အသိပညာပေး ဆွေးနွေးခြင်းကို ဆောင်ရွက်ခဲ့ပါသည်။
