သတင်းနှင့် လှုပ်ရှားမှုများ
မွန်ပြည်နယ်၊ စားသုံးသူရေးရာဦးစီးဌာန၊ သထုံခရိုင်၊ ဘီးလင်းမြို့နယ်တာဝန်ခံ ဒေါ်ဇင်ဖြူဝင်းနှင့် ဝန်ထမ်းများသည် (၁၄.၃.၂၀၂၅) ရက်နေ့တွင် ဘီးလင်းမြို့နယ်ရှိ စားအုန်းဆီကိုယ်စားလှယ်များထံသို့ ရန်ကုန်မြို့ရှိ Kaung Hlyan New Asia ကုမ္ပဏီမှ (ယာဉ်အမှတ် 4G-2351) မော်တော်ယာဉ်ဖြင့် စားအုန်းဆီ(၃၄)ပေပါ ရောက်ရှိလာခဲ့ကြောင်း သိရှိရပါသည်။
မွန်ပြည်နယ်၊ ဘီးလင်းမြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာနသည် မြို့နယ်အမျိုးသမီးရေးရာအဖွဲ့နှင့် မြို့နယ်မိခင်နှင့် ကလေးစောင့်ရှောက်ရေးအသင်းတို့ ပူးပေါင်း၍ လူသားမျိုးနွယ်ကိုယ်စားပြု ဒြပ်မဲ့ယဥ်ကျးမှုအမွေအနှစ်စာရင်းတွင် မြန်မာ့သနပ်ခါး ပါဝင်နိုင်ရေး လှုပ်ရှားဆောင်ရွက်မှုအခမ်းအနားကို ၁၁.၃.၂၀၂၅ ရက်နေ့ မွန်းလွဲပိုင်းက မြို့နယ်လူထုအခြေပြုဗဟိုဌာန Community Centre ခန်းမတွင် ကျင်းပပြုလုပ်ခဲ့သည်။
မွန်ပြည်နယ်၊ ပေါင်မြို့နယ်ရှိ ကျေးရွာအချို့တွင် ဆောင်းသီးနှံ စိုက်ပျိုးရာသီ၌ ဒေသခံ တောင်သူများ တစ်နိုင်တစ်ပိုင်စိုက်ပျိုးထားသည့် ဖူးစားပြောင်းစိုက်ခင်းများ အောင်မြင်ဖြစ် ထွန်းပြီး ဈေးကောင်းရရှိကာ တောင်သူများ အဆင်ပြေလျှက်ရှိသည်။
မွန်ပြည်နယ်၊ ကျိုက်မရောမြို့နယ်၊ ရေတွင်းကုန်းကျေးရွာရှိ လယ်မြေများတွင် ရေသွင်း၍ စိုက်ပျိုးထားသည့် ဒေသအခေါ် ကုလားပိန်းဥ (ထောပတ်ပိန်း)ပင်များအား စိုက်ပျိုးထားရှိရာ အောင်မြင်ဖြစ်ထွန်းလျက်ရှိကြောင်းသိရသည်။
မွန်ပြည်နယ်၊ ပေါင်မြို့နယ်၌ ဆောင်းရာသီ သီးနှံစိုက်ပျိုးရာသီတွင် နေကြာ (၁၅၂၃) ဧက စိုက်ပျိုးပြီးစီးပြီဖြစ်ကြောင်း မြို့နယ်စိုက်ပျိုးရေးဦးစီးဌာနမှ သိရသည်။
