ကုန်သွယ်မှုသတင်းများ
မွန်ပြည်နယ်သည် ရော်ဘာစိုက်ပျိုးထုတ်လုပ်သူများ နှစ်စဉ်တိုးတက်လျက်ရှိသော ပြည်နယ်တစ်ခုဖြစ်၍ ထွက်ရှိသောရော်ဘာများအား ပြည်နယ်တွင်းဝယ်ယူလျက်ရှိသော လုပ်ငန်းရှင်များ၊ အဝယ်ဒိုင်များ၊ ကုမ္ပဏီများမှစုစည်း၍ ရန်ကုန်/ မန္တလေးရှိ ၎င်းတို့၏ကုမ္ပဏီကြီးများသို့တင်ပို့ပြီး ပို့ကုန်ကိစ္စရပ်များဆောင်ရွက်လျက်ရှိကြောင်း သိရှိရပါသည်။
မွန်ပြည်နယ်၊ မုဒုံမြို့နယ်တွင် ကျေးလက်ဒေသများနှင့် မြို့အနီးဝန်းကျင်တစ်ဝိုက်တွင် မြေအောက်ရေကိုအသုံးပြု၍ ကျွဲကောပင်များစိုက်ပျိုးမှု အောင်မြင်ဖြစ်ထွန်းပြီး စျေးကောင်းရရှိကာ တောင်သူများအဆင်ပြေလျက်ရှိကြောင်း သိရှိရပါသည်။
မကွေးတိုင်ဒေသကြီး၊ ပခုက္ကူခရိုင်၊ ပခုက္ကူမြို့နယ်သည် ချည်ထည်အမျိုးမျိုးရက်လုပ်လျက်ရှိပါ သည်။ ပခုက္ကူမြို့နယ်တွင် ချည်ထည်လုပ်ငန်းဖြင့် ထင်ရှာကျော်ကြားသော ချည်ထည်လုပ်ငန်းများမှာ စိန်ပန်းခိုင်၊ စိန်ငါးပွင့်၊ ငွေကြယ်ဦး၊ ရွှေနဂါး၊ ရွှေခြင်္သေ့၊ အခြားချည်ထည်လုပ်ငန်းများအပြင် ဂဠုန်မင်း ချည်ထည်လုပ်ငန်းတို့ဖြစ်ပါသည်။ ဂဠုန်မင်းချည်ထည်လုပ်ငန်းသည် ပခုက္ကူမြို့တွင် လက်လီ/ လက်ကား ဖြန့်ဖြူးရုံသာမက ပြည်ပနိုင်ငံများသို့လည်းတင်ပို့လျက်ရှိကြောင်း ဂဠုန်မင်းချည်ထည်လုပ်ငန်းမှသိရှိရပါသည်။ <
မကွေးတိုင်းဒေသကြီး၊ ပခုက္ကူခရိုင်၊ ဆိပ်ဖြူမြို့နယ်၌ ယခုဩဂုတ်လ(စတုတ္ထပတ်)တွင် ဒေသတွင်းကျေးရွာအနှံ့အပြားနှင့် ပွင့်ဖြူ၊ စလင်း၊ ချောက်မြို့နယ်အတွင်းရှိ ကျေးရွာများမှ ကုန်ချိန်အများအပြားဝင်ရောက်လျက်ရှိကြောင်း၊ ဩဂုတ်လ(စတုတ္ထပတ်)တွင် ပွဲရုံဈေးကွက်သို့ ကြက်သွန်နီကုန်ချိန်ပိဿာ(၅)သောင်းခန့်ဖြင့် တစ်ပတ်အတွင်း စုစုပေါင်းပိဿာ(၄)သိန်းခန့်ဝင်ရောက်ကြောင်း ဈေးကွက်မှသိရှိရသည်။
မကွေးတိုင်းဒေသကြီး၊ ပခုက္ကူခရိုင်အတွင်းရှိ ဆိပ်ဖြူမြို့အနောက်ပိုင်း ရွာသစ်ရပ်ကွက်နှင့် ကိုးထောင့်၊ အောက်ဆိပ်၊ ချင်တောင်၊ မြင်ကဝ၊ ဂွေးပင်၊ ကူရှည်၊ အလယ်စု၊ ရွာမ၊ လိပ်ခြံအုပ်စုအတွင်းရှိ ကျေးရွာများတွင် ဆောင်းသီးနှံကုလားပဲကို မြစ်ရေဝင်ကိုင်းကျွန်းများ၊ ကြက်သွန်ခင်းကျွတ်များ၊ လယ်ကွဲမြေစပါးခင်းကျွတ်များ၌ နှစ်စဉ်စိုက်ဧက(၃၀၀၀)ခန့်စိုက်ပျိုးပြီး ထိုင်ဝမ်ကုလားပဲလုံးကြီး (အဖြူ)မျိုးကို အများဆုံးစိုက်ပျိုးကြောင်း၊ ကုလားပဲသီးနှံစိုက်ပျိုးရာတွင် လွယ်ကူပြီး ကုန်ကျစရိတ်နည်း၍ အထွက်န
