ကုန်သွယ်မှုသတင်းများ
စားသုံးသူပြည်သူများ စားသုံးဆီဝယ်ယူစားသုံးရာတွင် ဘေးအန္တရာယ် ကင်းရှင်းသော စားသုံးဆီများကို သင့်တင့်သောဈေးနှုန်းဖြင့် ဝယ်ယူစားသုံးနိုင်စေရန်နှင့် ပြည်တွင်းလိုအပ် ချက်များကိုဖြည့်ဆည်းပေးနိုင်ရန် စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ စားသုံးဆီ တင်သွင်းသိုလှောင်ဖြန့်ဖြူးခြင်း လုပ်ငန်းကြီးကြပ်ရေးကော်မတီက ဆောင်ရွက်ပေးလျက်ရှိ ကြောင်းသိရပါသည်။
မိတ္ထီလာဆန်ဈေးကွက်အတွင်း ဒေသတွင်းထွက်ရှိသော ဆန်များအပြင် ရွှေဘို၊ ဧရာဝတီ၊ မကွေးတိုင်းဒေသကြီးများမှ ဝင်ရောက်လာသော ဆန်အမျိုးအစား အလိုက်အရောင်းအဝယ်ဖြစ်လျက်ရှိပြီး ဈေးကွက်တွင် အရပ်ပဒေသာ၊ ကုန်စောင်းပဒေသာ၊ အောက်ပြည် မနောသုခ၊ အရပ်သုခ၊ ဆင်းသုခ စသည့် ဆန်အမျိုးအစားများမှာအရောင်းသွက်လျက်ရှိပါသည်။
ချင်းကို မြန်မာနိုင်ငံအနှံ့အပြားတွင်စိုက်ပျိုးကြရာ တောင်ပေါ်ဒေသများတွင်အများ ဆုံးစိုက်ပျိုး ကြပါသည်။ ချင်း(ဂျင်း)ကို ဟင်းခတ်အမွှေးအကြိုင်၊ တိုင်းရင်းဆေးများဖော်စပ်ရာတွင်အသုံး ပြုကြပါသည်။ ချင်းကို မိတ္ထီလာခရိုင်၊ သာစည်မြို့နယ်ရှိတောင်ပေါ်ဒေသများတွင် အနည်းငယ် စိုက်ပျိုးကြ ကြောင်း၊ ၂၀၂၄-၂၀၂၅ ခုနှစ်တွင် သာစည်မြို့နယ်ချင်းစိုက်ဧက (၁၅၃)ဧကရှိပြီး အထွက်(၂၂၉၅၉၉) ပိဿာ ထွက်ရှိကြောင်း ကြေးတိုင်နှင့် မြေစာရင်းဦီးစီးဌာနစာရင်းအရသိရပါသည်။
၂၀၂၅ ခုနှစ်၊ ဇွန်လ တတိယပတ်တွင် ကရင်ပြည်နယ် ဘားအံမြို့ ရေပေါ်ဈေးအတွင်း ကြက်မောက်သီးများ ဝင်ရောက်လျက်ရှိကြောင်းသိရှိရသည်။ ကြက်မောက်သီးများအား မော်လမြိုင်မှ ဝင်ရောက်နေကြောင်း သတင်းရရှိပါသည်။
၂၀၂၅ ခုနှစ်၊ ဇွန်လ တတိယပတ်တွင် ကရင်ပြည်နယ် ဘားအံမြို့အတွင်း ဒူးရင်းသီးများ ဝင်ရောက် လျက်ရှိကြောင်း သိရှိရသည်။ ထိုဒူရင်းသီးများသည် ကရင်ပြည်နယ် ကော့ကရိတ်မြို့မှ ဒေသထွက် ဒူးရင်းသီး ဝင်ရောက်လျက်ရှိကြောင်း သတင်းရရှိပါသည်။
