ကုန်သွယ်မှုသတင်းများ
တောင်ငူမြို့ အနီးတဝိုက်ရှိ ကျေးရွာများသည် မိုးအလွန်ကာလတွင် ဟင်းသီးဟင်းရွက် များကို တပိုင်တနိုင်စိုက်ပျိုးခြင်းဖြင့် မိသားစုအပိုဝင်ငွေရရှိသကဲ့သို့ ဒေသတွင်း ပြည်သူများအနေဖြင့် လည်း ဟင်းသီးဟင်းရွက်များကို ဈေးနှုန်းချိုသာစွာဖြင့် ဝယ်ယူရရှိနိုင်ပါသည်။
အုတ်တွင်းမြို့နယ်အတွင်း စစ်တောင်းမြစ်နှင့် ခပေါင်းချောင်းဘေးရှိ ကျေးရွာအများစု ဟင်းသီးဟင်းရွက်စိုက်ပျိုးရေးကို အဓိကထားလုပ်ကိုင်ကြပါသည်။ မြစ်ချောင်းများဘေးရှိ နုံးတင်မြေ နုများသည် မြေဩဇာကောင်းမွန်သဖြင့် ပန်းဂေါ်ဖီ၊ သခွား၊ ငရုတ်၊ ရုံးပတီ၊ မုန်ညင်း၊ ကန်စွန်း၊ ချဉ်ပေါင်နှင့် ပန်းအမျိုးမျိုးကို နှစ်စဉ် စိုက်ပျိုးရောင်းချလျှက်ရှိပါသည်။
တောင်ငူမြို့ ညောင်ပင်ဈေးတွင် မုံလာဥဖြူမှာ ယခင်လက တစ်ပိဿာလျှင် ၄၀၀၀ ကျပ် ရှိရာမှ ယခုအပတ်တွင် တစ်ပိဿာလျှင် ၃၀၀၀ ကျပ်ဖြင့် ဈေးနှုန်း ၁၀၀၀ ကျပ် ကျဆင်းပါသည်။
မုံလာဥနီမှာ ယခင်လက တစ်ပိဿာလျှင် ၇၀၀၀ ကျပ်ရှိရာမှ ယခုအပတ်တွင် တစ်ပိဿာ လျှင် ၆၀၀၀ ကျပ်ဖြင့် ဈေးနှုန်း ၁၀၀၀ ကျပ် ကျဆင်းပါသည်။
ဖြူးမြို့နယ်၊ ညောင်ကားယားကျေးရွာ၊ ကံ့ကော်ဦးမုန့်နှင့်အကြော်စုံလုပ်ငန်းမှ ထုတ်လုပ် သော ပြောင်းဖူးစေ့ကြော်သည် လူကြိုက်များ၍ ရောင်းအားကောင်းပါသည်။ ပြောင်းဖူးစေ့ကြော် ရာတွင် ပြောင်းဖူးစေ့အခြောက်များကို နူးအိသွားသည်အထိ ဒယ်အိုးကြီးများဖြင့် နှစ်နာရီခန့်ကြာ အောင် ပေါင်းခံထားရပါသည်။
တိုင်းပြည်သာယာဝပြောရေးနှင့် စားရေရိက္ခာဖူလုံရေးအတွက် စိုက်ပျိုးရေးနှင့်မွေးမြူရေး ကို ခေတ်မီနည်းစနစ်များဖြင့် တိုးတက်အောင် ဦးတည်ကြိုးပမ်းဆောင်ရွက်လျှက်ရှိရာတွင် လုပ်ငန်း ရှင်များအတွက် လိုအပ်သောအရင်းအနှီးများကို နိုင်ငံ့ဘဏ္ဍာရန်ပုံငွေများမှလည်း တစ်ဖက်တစ်လမ်း မှ ပံ့ပိုးဆောင်ရွက်ပေးလျှက်ပါသည်။
