ပြည်တွင်းကုန်သွယ်မှုသတင်းများ
တောင်ငူမြို့နယ်၊ ရှမ်းဝတီးကျေးရွာမှထွက်ရှိသော စားပြောင်းဖူးများကို အခင်းဈေးတစ်ဖူးလျှင် ၂၅၀ကျပ်၊ ၁၀ဖူးလျှင် ၂၄၀၀ကျပ်၊ တောင်ငူမြို့၊ ညောင်ပင်ဈေးတွင် ၁ဖူးလျှင် ၃၀၀ကျပ်ဖြင့် အရောင်းသွက်နေသည်ကို တွေ့ရှိရပါသည်။ ရှမ်းဝတီးရွာမှ တောင်သူများသည် စစ်တောင်းမြစ်ရေကို ရေစုပ်စက်များဖြင့်စုပ်တင်၍ ရှူးဂါးကင်းစားပြောင်းဖူးများနှင့် ပါပယ်ဝွိ
မြန်မာ့တစ်ဆယ့်နှစ်လရာသီတွင် ရာသီစာအစားအစာများရှိပါသည်။ မြန်မာလူမျိုးအများစုသည် ရာသီအလိုက်ပေါ်သောရာသီစာများအား နှစ်ခြိုက်စွာစားသုံးကြပါသည်။ ဥသျှစ်ရွက်များမှာ ယခုအချိန်အခါဖြစ်သော မတ်လမှ မေလအတွင်းပေါ်သည့် ရာသီစာဖြစ်ပါသည်။
ပွင့်လင်းရာသီတွင် ပဲခူးတိုင်းဒေသကြီး၊ တောင်ငူမြို့နယ်ရှိ အုတ်လုပ်ငန်းလုပ်ကိုင်သည့်လုပ်ငန်းရှင်များ၏ မြေအုတ်လုပ်ငန်းများမှာ အရောင်းသွက်နေကြပါသည်။ အုတ်လုပ်ငန်းကို မိုးအကုန်နှင့် ဆောင်းအကူးဖြစ်သော နိုဝင်ဘာလတွင် စတင်လုပ်ကိုင်ကြပါသည်။ သက်ဆိုင်ရာဌာနများ၏ ခွင့်ပြုချက်များရရှိမှသာ လုပ်ငန်းများစတင်ဆောင်ရွက်သည်ဟု သိရှိရပါသည်။
တောင်ငူခရိုင်၊ ဖြူးမြို့နယ်၊ ဇေယျဝတီမြို့၊ လင်းယောခင်ကျေးရွာရှိ ရွာသူ/ရွာသားများသည် လယ်ယာလုပ်ငန်းအပြင် မိရိုးဖလာလုပ်ငန်းဖြစ်သော တာခြင်းတောင်းယက်လုပ်ခြင်းလုပ်ငန်းကိုလည်းလုပ်ကိုင်ကြပါသည်။ အများအားဖြင့် မိသားစုများ တစ်နိုင်တစ်ပိုင်ဝိုင်းဝန်းလုပ်ကိုင်ကြသောလုပ်ငန်းဖြစ်ပါသည်။
တောင်ငူမြို့နယ်၊ ညောင်ပင်လေးဈေးတွင် ရာသီချိန်အလိုက် နာနတ်သီးများရောင်းချလျက်ရှိရာ ပေါ်ဦးပေါ်ဖျားတွင် တစ်လုံးလျှင် (၁၃၀၀)ကျပ်မှ (၂၀၀၀)ကျပ်နှုန်းထိ အရောင်းအဝယ်ဖြစ်လျက်ရှိပါသည်။ နာနတ်သီးသည် အရည်ရွှမ်းပြီး အရသာရှိသည့်အသီးတစ်မျိုးဖြစ်၍ ကျန်းမာရေးအတွက် ကောင်းမွန်သောအကျိုးအာနိသင်များစွာပါဝင်ပါသည်။
