ကုန်သွယ်မှုသတင်းများ
ပဲခူးတိုင်းဒေသကြီး ၊ နတ်တလင်းခရိုင် ၊ သဲကုန်းမြို့နယ်တွင် သံပုရာစိုက်တောင်သူများစွာရှိပါသည်။ ကျယ်ဝန်းသော ခြံများတွင် အပင်ယုယရမှုနည်းပါးသော သံပုရာကို လွယ်ကူစွာ စိုက်ပျိုးကြသလို အချို့သူများကလည်း ခြံလွတ်များဝယ်ယူကာ လွယ်ကူစွာ ရရှိသော သံပုရာကိုင်းကူးများကို ဝယ်ယူစိုက်ပျိုးခြင်း ဖြစ်ပါသည် ။ သဲကုန်းမြို့နယ်အတွင်း သံပုရာကိုင်းကူးရောင်းချသော လုပ်ငန်းမှာ ဈေးကွက်ကောင်း ၊ ဝင်ငွေကောင်းလျက်ရှိကြောင်း သိရှိရပါသည် ။
မကွေးတိုင်းဒေသကြီး၊ ပခုက္ကူခရိုင်၊ ဆိပ်ဖြူမြို့နယ်သည် ဧရာဝတီမြစ်အနောက်ဘက်ကမ်းတွင်ရှိပြီး နှစ်စဉ်ဆီထွက်သီးနှံမြေပဲကို မိုးနှင့် ဆောင်း(၂)ရာသီစိုက်ပျိုးလေ့ရှိပါသည်။ (မိုး)မြေပဲများကို ဒေသတွင်းအနှံ့အပြား ကုန်းမြေယာများတွင် ဇူလိုင်လဆန်းမှ စတင်၍စိုက်ပျိုးပြီး အောက်တိုဘာလတွင် ရိတ်သိမ်းမည်ဖြစ်ကြောင်း၊ စိုက်ဧက(၃၀၀)ခန့် စိုက်ပျိုးထားရှိကြောင်း၊ သီးညှပ်သီးနှံအဖြစ် ပဲစဉ်းငုံ၊ ပဲတီစိမ်း၊ ပဲလွန်းဖြူသီးနှံတို့ကို စိုက်ပျိုးကြောင်း ဒေသခံတောင်သူများတဆင့် သိရှိရပါသည်။
အောင်လံကုန်စည်ဒိုင်တွင်နှမ်းဈေးကွက်အနေဖြင့် (၄၅)ပိဿာ(၁)အိတ်လျှင် ယခင်အပတ် (၂၇-၇-၂၀၂၃)ရက်နေ့တွင် နှမ်းနက်(စမုံ)မှာ ကျပ်(၂၆၀၀၀၀မှ ၂၈၀၀၀၀)ဖြစ်ပြီး ယခုအပတ် (၂-၈-၂၀၂၃)ရက်နေ့တွင်လည်း ကျပ်(၂၆၀၀၀၀မှ ၂၈၀၀၀၀)ဖြစ်၍ ဈေးနှုန်းပြောင်းလဲမှုမရှိပဲ (၅၅၀)အိတ် အရောင်းအဝယ်ရှိခဲ့ပါကြောင်း အောင်လံကုန်စည်ဒိုင်မှသိရှိရပါသည်။
တိုင်းဒေသကြီး/ပြည်နယ်များ၏ စပါးဆန် ဈေးနှုန်းများအား ယခင်နှစ်၊ ယခင်လ၊ ယနေ့ ကာလတူ နှိုင်းယှဉ်ပြုစုတင်ပြအပ်ပါသည်။
စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ဝန်ကြီးရုံး၏ ရည်ညွှန်းပါစာလမ်းညွှန်ချက်အရ ဆန်စပါးဆိုင်ရာ အပတ်စဉ်လေ့လာသုံးသပ်ချက်(အကျဉ်းချုပ်) ၂၇/၂၀၂၃ အား သိရှိလမ်းညွှန်မှုပြုနိုင်ပါရန် တင်ပြအပ်ပါသည်။