ပြည်ပကုန်သွယ်မှုသတင်းများ

စားအုန်းဆီအဝယ်များပြားလာစေရန် ဈေးနှုန်းများလျှော့ချလာခဲ့မှုကြောင့် အိန္ဒိယနိုင်ငံ၏ စားအုန်းဆီတင်သွင်းမှုသည် ဇွန်လတွင် ၅၆ ရာခိုင်နှုန်းဖြင့် သုံးလဆက်တိုက်အတွင်း မြင့်တက်လာခဲ့ကြောင်း ဦးဆောင်ကုန်သွယ်ရေးအဖွဲ့က ဇူလိုင် ၁၄ ရက်နေ့တွင် ထုတ်ပြန်ပြောကြားလာခဲ့မှု ကို The Edge Malaysia သတင်းဌာနက ဖော်ပြထားသည်။

ပင်လယ်နက်ဒေသ ကောက်ပဲသီးနှံဆိုင်ရာ သဘောတူညီချက်အား ရုရှားနိုင်ငံဘက်မှ သက်တမ်းတိုးမြှင့်ခြင်းမပြုပဲ အဆုံးသတ်ခဲ့ပြီးနောက် ယူကရိန်းဆိပ်ကမ်းများအား တိုက်ခိုက်မှုများ တိုးမြင့်လာနိုင်ကြောင်း ခန့်မှန်းချက်များ မြင့်တက်လာမှုနှင့်အတူ ချီကာဂိုဈေးကွက်၌  ဂျုံ ကြိုတင်ရောင်းဝယ်မှု ဈေးနှုန်းများမှာ ဇူလိုင်လ ၂၀ ရက်နေ့တွင် ၁.၆% မြင့်တက်ခဲ့ပြီး ရက်သတ္တသုံးပတ်အတွင်း အမြင့်ဆုံးနှုန်းထားသို့ ရောက်ရှိခဲ့ပါသည်။ အလားတူ ပြောင်းဈေးနှုန်းသည်လည်း ၁% ကျော် မြင့်တက်ခဲ့သည်။

အိန္ဒိယစားသုံးသူဈေးကွက်၌ ပဲစင်းငုံ၏ဝယ်လိုအားသည် ပြည်တွင်းထုတ်လုပ်နိုင်မှုထက် နှစ်ကာလကြာမြင့်စွာကပင် ကျော်လွန်မြင့်မားလျက်ရှိရာ  ဩစတြေးလျနိုင်ငံနှင့် ဘရာဇီးနိုင်ငံတို့ရှိ လယ်သမားများသည် အိန္ဒိယသို့တင်ပို့ရန်တွက် ပဲစင်းငုံများ စမ်းသပ်စိုက်ပျိုးမှုကို စီစဉ်ဆောင်ရွက်လျက်ရှိကြောင်း သိရှိရပါသည်။

အာဖရိကဒေသရှိ နိုင်ငံ ၈ ခုတွင် ဆန်စပါးထုတ်လုပ်မှုကို မြှင့်တင်ရန်နှင့် ပြည်ပမှ ဆန် တင်သွင်းမှုအပေါ် အမှီပြုနေရမှုအား လျှော့ချနိုင်ရန်အတွက် တောင်ကိုရီးယားနိုင်ငံအနေဖြင့် လာမည့်သီတင်းပတ်တွင် သက်ဆိုင်ရာနိုင်ငံများနှင့် သဘောတူစာချုပ်တစ်ခု လက်မှတ်ရေးထိုးရန် စီစဉ်လျက်ရှိကြောင်း တောင်ကိုရီးယား စိုက်ပျိုးရေးဝန်ကြီး Chung Hwang-keun က ပြောကြား ခဲ့သည်။

ဘင်္ဂလားဒေ့ရှ်နှင့် အိန္ဒိယနိုင်ငံတို့သည် ၂ဝ၂၃ ခုနှစ် ဇူလိုင်လ ၁၁ ရက်နေ့မှစတင်၍ နှစ် နိုင်ငံကုန်သွယ်ရာ၌ အိန္ဒိယငွေကြေးရူပီးဖြင့် စတင်ပေးချေဆောင်ရွက်ခဲ့ပါသည်။ ဘင်္ဂလားဒေ့ရှ်နိုင်ငံမှ စီးပွားရေးလုပ်ငန်းနှစ်ခုဖြစ်သည့် Tamim Agro နှင့် Shahjahan Mia တို့၏ အိန္ဒိယရူပီးငွေ ၂၈ သန်းတန်ဖိုးရှိသည့် ပို့ကုန်ငွေလွှဲစာတမ်းနှစ်စောင်နှင့် Nita Company နှင့် Abdul Matlub Ahmad တို့၏ အိန္ဒိယရူပီးငွေ ၁၂ သန်းတန်ဖိုးရှိသည့် သွင်းကုန်ငွေလွှဲစာတမ်းနှစ်စောင်တို့ကို ဘဏ် (၄) ခုဖြစ်သော Sonali Bank ၊ Eastern Bank of Bangladesh ၊ India’s State Bank of India နှင့် ICICI Bank တို့မှ လွှဲပြောင်းဆောင်ရွ