ပြည်ပကုန်သွယ်မှုသတင်းများ

      ကမ္ဘာ့ဈေးကွက်အခြေအနေများနှင့် ထိုင်းဘတ်ငွေတန်ဖိုးခိုင်မာမှုတို့ကြောင့် ထိုင်းနိုင်ငံတွင် ဆန်နှင့် စပါးဈေးနှုန်းများသည် မကြာသေးမီလများအတွင်း သိသိသာသာ ကျဆင်းလာခဲ့သည်။ သြဂုတ်လနှင့် စက်တင်ဘာလတို့တွင် ဖြစ်ပေါ်သော ဈေးနှုန်းများအား နှိုင်းယှဉ်ပါက စပါး ၁ တန် လျှင် ပျမ်းမျှဈေးနှုန်းအားဖြင့် ဘတ် ၁၀၀၀ ကျဆင်းခဲ့ပြီး ဆန်ဈေးနှုန်းမှာ ၁ တန်လျှင် ဘတ် ၂၀၀၀ ကျဆင်းလာခဲ့ကြောင်း ထိုင်းဆန်စက်လုပ်ငန်းများအသင်းက သတင်းထုတ်ပြန်ခဲ့သည်။

     အိန္ဒိယနိုင်ငံတွင် စားသုံးဆီများ တင်သွင်းမှုအပေါ် အကောက်ခွန်နှုန်းထားများအား အစိုးရက မြှင့်တင်ခဲ့သဖြင့် စားသုံးဆီ ပြန်လည်ပြုပြင်သန့်စင်ရေးလုပ်ငန်းများသည် အောက်တိုဘာလမှ ဒီဇင်ဘာလအတွင်း အိန္ဒိယဆိပ်ကမ်းအရောက် ပေးသွင်းရန် ချုပ်ဆိုထားသော ကုန်ချိန်အားဖြင့် မက်ထရစ်တန် ၁၀၀၀၀၀ ပမာဏရှိသည့် စားအုန်းဆီအဝယ်စာချုပ်များကို ဖျက်သိမ်းခဲ့ကြသည်ဟု ကုန်သည်လုပ်ငန်းရှင် ၅ ဦးက ပြောဆိုကြောင်း ရိုက်တာသတင်းဌာနက ဖော်ပြပါသည်။

        ဗီယက်နမ်နှင့် တရုတ်နိုင်ငံတို့အကြား သွင်းကုန်/ပို့ကုန်တန်ဖိုးသည် ယခုနှစ် ပထမရှစ်လအတွင်း အမေရိကန်ဒေါ်လာ ၁၃၀.၈ဘီလီယံနီးပါးရောက်ရှိခဲ့ကြောင်း အကောက်ခွန်ဦးစီးဌာန ၏ နောက်ဆုံးရစာရင်းများအရသိရသည်။ ၎င်းတို့အနက် ဗီယက်နမ်၏ပို့ကုန်တန်ဖိုးမှာ အမေရိကန်ဒေါ်လာ ၃၈.၂၈ဘီလီယံရှိပြီး တစ်နှစ်ထက်တစ်နှစ် ၃.၉% မြင့်တက်လာခဲ့သည်။ ဗီယက်နမ်တင်ပို့မှုတွင် ကုန်ပစ္စည်းတစ်ခုလျှင် ၁ဘီလီယံကျော်တန်ဖိုးရှိသော ကုန်ပစ္စည်း ၁၀မျိုးပါဝင်ပြီး ၎င်းတို့မှာ ဖုန်းများနှင့် ကင်မရာအစိတ်အပိုင်းများ၊ ဟင်းသီးဟင်းရွက်နှင့် အသီးအနှံများ၊ စက်ပစ္စည်းများ၊ ပစ္စည်းကိရိယာများ၊ စက်ပြုပြင်ရေးကိရိယာများနှင့် အပိုပစ္စည်းမျာ

       အင်ဒိုနီးရှားနှင့် ဘရာဇီးနိုင်ငံအခြေစိုက် ကုမ္ပဏီတို့သည် အပူပိုင်းဒေသ နို့စားကျွဲ၊ နွားမွေးမြူရေးကဏ္ဍတိုးတက်စေရန် အမေရိကန်ဒေါ်လာ ၂၉၁.၉သန်းပမာဏာရှိ ရင်းနှီးမြှုပ်နှံမှုတွင်ပူးပေါင်းဆောင်ရွက်သွားမည်ဖြစ်ကြောင်း အင်ဒိုနီးရှားနိုင်ငံ စိုက်ပျိုးမွေးမြူရေးဝန်ကြီး Amran Sulaiman က ပြောကြားခဲ့ပါသည်။ ဝန်ကြီးက ဘရာဇီးရင်းနှီးမြှုပ်နှံမှုရရှိခြင်းသည် အသားနှင့်နို့ထွက်ပစ္စည်းလုံလောက်မှုရှိစေရေးကို လက်တွေ့အကောင်အထည်ဖော်ရာတွင် ပံ့ပိုးနိုင်မည်ဟု ၁၂-၉-၂၀၂၄ ရက်နေ့တွင် ပြောကြားခဲ့ပါသည်။ မွေးမြူရေးထုတ်ကုန်ဖွံ့ဖြိုးတိုးတက်ရန် ကျယ်ပြန့်စွာပူးပေါင်းဆောင်ရွက်မှုအရ အင်ဒိုနီးရှားနိုင်ငံ၏ လို

       ကမ္ဘောဒီးယားနိုင်ငံသည် ယခုနှစ် ဇန်နဝါရီလမှ ဩဂုတ်လကာလအတွင်း ရော်ဘာ ၂၀၉၇၃၃တန်တင်ပို့ခဲ့ပြီး ဝင်ငွေအမေရိကန်ဒေါ်လာ ၃၂၈သန်းရရှိခဲ့ကာ လွန်ခဲ့သည့်နှစ်၏ တူညီသည့်ကာလထက် ၁၅.၅ရာခိုင်နှုန်းမြင့်တက်ခဲ့ကြောင်း  ရာဘာအထွေထွေညွှန်ကြားရေးဦးစီးဌာန၏ ၁၇-၉-၂၀၂၄ ရက်နေ့တွင် ထုတ်ပြန်သည့် အစီရင်ခံစာအရသိရပါသည်။ စိုက်ပျိုးမွေးမြူရေး၊ သစ်တောနှင့်ငါးလုပ်ငန်းဝန်ကြီးဌာန (MAFF) အောက်ရှိ ရော်ဘာအထွေထွေညွှန်ကြားရေးဦးစီးဌာန၏ ညွှန်ကြားရေးမှူးချုပ်ဖြစ်သူ Khun Kakada က ကမ္ဘောဒီးယား၏ ယခုနှစ်ပထမ(၈)လ တင်ပို့မှုသည် လွန်ခဲ့သည့်နှစ်၏ တူညီသည့်ကာလထက် ၄၅၆၅တန်မြင့်တက်ခဲ့ကြောင်းနှင့် ရော်ဘာစေးတစ်တန်တန်ဖိုးမှာ ၁၅၆၅အ