![](http://www.doca.gov.mm/sites/default/files/styles/consumer_inner_image__847x424_/public/001_0.jpg?itok=YE0_3hRu)
စားသုံးသူရေးရာဦးစီးဌာန၊ မကွေးခရိုင်ဦးစီးမှူးရုံးမှ ဒု-ခရိုင်ဦးစီးမှူး ဦးမျိုးဝင်းသည် (၁၅.၁၂.၂၀၂၁)ရက်နေ့ (၁၃:၃၀)နာရီအချိန်တွင် မကွေးမြို့၊ ပွဲကြိုရပ်ကွက် (၁၆)လမ်းရှိ ရွှေမြန်မာ (လှယဉ်ကျေးမယ်) အမှတ်တံဆိပ်ဖြင့် ယိုစုံထုတ်လုပ်ဖြန့်ဖြူးရောင်းချလျှက်ရှိသည့် စီးပွားရေး လုပ်ငန်းရှင်ဦးသန်းထွန်းနှင့်တွေ့ဆုံပြီး ကုန်အညွှန်းအမှတ်အသားဖော်ပြခြင်းဆိုင်ရာ သတ်မှတ်ချက်များနှင့်အညီ လိုက်နာဆောင်ရွက်ရေး ကွင်းဆင်းအသိပညာပေးဆွေးနွေးခဲ့ပါသည်။
ထိုသို့တွေ့ဆုံဆွေးနွေးရာတွင် ဒု-ခရိုင်ဦးစီးမှူးက စားသုံးသူကာကွယ်ရေးဥပဒေ အခန်း(၁၈)၊ ပုဒ်မ(၄၁)ပါ ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ ကုန်စည်အမျိုးအစား အလိုက် သတ်မှတ်ချက်များနှင့်အညီ သိသာထင်ရှားစွာဖော်ပြပါဝင်ရမည့်အချက်များကို အသေးစိတ် ရှင်းလင်း ဆွေးနွေးခဲ့ပါသည်။
မကွေးခရိုင်စားသုံးသူရေးရာဦးစီးဌာနအနေဖြင့် ခရိုင်အတွင်းကုန်စည် ထုတ်လုပ်/ဖြန့်ဖြူး ရောင်းချသည့် လုပ်ငန်းရှင်များနှင့် အခါအားလျှော်စွာတွေ့ဆုံပြီး စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်များ၏တာဝန်များ၊ ကုန်စည်များနှင့်စပ်လျဉ်း၍ အာမခံချက်ပေးခြင်း၊ ကုန်စည် (သို့မဟုတ်)ဝန်ဆောင်မှုအပေါ် တာဝန်ရှိမှုများ၊ ကုန်အညွှန်းအမှတ်အသားဖော်ပြခြင်းနှင့်ပတ်သက် သည့်ဥပဒေပြဌာန်းချက်များ၊ စီမံခန့်ခွဲရေးနည်းဥပဒေအရအရေးယူခြင်း၊ တားမြစ်ချက်များ၊ ပြစ်မှုနှင့် ပြစ်ဒဏ်များအား အသိပညာပေးဆွေးနွေးခြင်းနှင့် ကွင်းဆင်းစစ်ဆေးခြင်းလုပ်ငန်းများအား ကိုဗစ်-၁၉ စည်းကမ်းချက်များနှင့်အညီ ဆောင်ရွက်လျက်ရှိကြောင်းသိရပါသည်။
စားသုံးသူရေးရာဦးစီးဌာန(မကွေးတိုင်းဒေသကြီး)