![](http://www.doca.gov.mm/sites/default/files/styles/consumer_inner_image__847x424_/public/close-up-of-olive-oil-pouring-on-spoon-from-royalty-free-image-1598979666_0.jpg?itok=CY-IQBcu)
ပဲခူးတိုင်းဒေသကြီးအတွင်း ပဲခူးခရိုင်အနေဖြင့် မြေပဲစိုက်ဧကမှာ ၃၆၉၉၅၁ဧကရှိပြီး အထွက်နှုန်းမှာတစ်ဧကလျှင် ပျမ်းမျှအားဖြင့် တင်း(၅၀) ထွက်ကြောင်းသိရှိရပါသည်။ မြေပဲကို နိုဝင်ဘာလတွင် စတင်စိုက်ပျိုးပြီး ဖေဖော်ဝါရီလတွင် ဆွတ်ခူးကြောင်း သိရှိရပါသည်။ တစ်ဧကလျှင် မြေပဲတောင့်မျိုး (၁၁)တင်း ခန့်အသုံးပြုပြီး မြေပဲဆံအနေဖြင့် (၂)တင်း ခန့် စိုက်ပျိုးရပါသည်။ တစ်ဧကလျှင် မြေပဲမျိုးအတွက် ၂၀၀၀၀၀ကျပ်ကုန်ကျပြီး၊ ပေါင်းလိုက်ခြင်း၊ မြက်နုတ်ခြင်း၊ အားဆေးအသုံးပြုခြင်းနှင့် မြေပဲနုတ်ချွေခတို့အတွက် ကျပ် ၃၀၀၀၀၀ ကုန်ကျသည့်အတွက် စုစုပေါင်းစိုက်ပျိုးစရိတ်မှာ ကျပ်ငါးသိန်းခန့် ကုန်ကျကြောင်း သိရှိရပါသည်။
မြေပဲထွက်ရှိချိန်တွင် မြေပဲတောင့်(၅၀)တင်း ထွက်ရှိမည်ဆိုပါက ပိဿာ (၃၀၀) ခန့်ရှိသဖြင့် မြေပဲတစ်ပိဿာလျှင် (၂၅၀၀) ကျပ်နှုန်းဖြင့် (၇၅၀၀၀၀) ကျပ်ရရှိမညဖြစ်သဖြင့် မြေပဲတစ်ဧကလျှင် အကျိုးမြတ်အားဖြင့် (၂၅၀၀၀၀) ကျပ်ရရှိမည်ဖြစ်ပါသည်။ မြေပဲကို အစေ့အဆံအတိုင်း စားသောက်ကုန်များတွင် အသုံးပြုခြင်း၊ ကျန်၅၀% ခန့်ကိုဆီကြိတ်ခွဲခြင်းတို့ဖြင့် အသုံးပြုကြပါသည်။ ယခုအခါ စားအုံးဆီဈေးနှုန်းများ မြင့်တက်လာခြင်းကြောင့် မြေပဲများ ပိုမိုစိုက်ပျိုးနိုင်ရေး နိုင်ငံတော်က အားပေးဆောင်ရွက်လျှက်ရှိရာ မြေပဲဆီတိုးတက် ထုတ်လုပ်နိုင်ပါက စားသုံးသူပြည်သူများ ကျန်းမာရေးနှင့် ညီညွတ်စွာ အသုံးပြုနိုင်သဖြင့် မြေပဲဆီဈေးကွက် ဖွံ့ဖြိုးလာသည်နှင့်အမျှ မြေပဲသီးနှံကို ဦးစားပေးရွေးချယ်စိုက်ပျိုးလာသည်ဟု သတင်းရရှိပါသည်။
စားသုံးသူရေးရာဦးစီးဌာန(ပဲခူးတိုင်းဒေသကြီး)