စားသုံးသူရေးရာဦးစီးဌာန၊ ပဲခူးတိုင်းဒေသကြီး၊ ပြည်ခရိုင်အတွင်း ဇန်နဝါရီလ (၁၇)ရက်နေ့တွင် ပေါက်ခေါင်းမြို့ပေါ်ရှိ မြို့မစည်ပင်သာယာဈေးသို့လည်းကောင်း၊ ပန်းတောင်းမြို့ပေါ်ရှိ ကုန်မျိုးစုံဆိုင်များသို့လည်းကောင်း၊ ရွှေတောင်မြို့ပေါ်ရှိ ကုန်စုံဆိုင်များသို့လည်းကောင်း၊ သက်ဆိုင်ရာမြို့နယ် တာဝန်ခံများဦးဆောင်၍ မြို့နယ်ဈေးကွက်စောင့်ကြည့်စစ်ဆေးရေးအဖွဲ့မှ ဈေးနှင့်မြို့ပေါ်ကုန်မျိုးစုံဆိုင်များတွင် ရောင်းချလျှက်ရှိသော ကုန်စည်များ ဘေးအန္တရာယ်ကင်းရှင်းမှုရှိစေရေး၊ စားသုံးသူပြည်သူများလုံခြုံစိတ်ချမှုရှိစေရေး၊ ကုန်စည်များတွင်ဖေါ်ပြရမည့် ကုန်အညွှန်းအမှတ်အသားများ၊ ပြည့်စုံမှန်ကန်မှုရှိစေရေးအတွက် ဈေးကွက်စောင့်ကြည့်စစ်ဆေးခြင်းများ ဆောင်ရွက်ခဲ့ကြပါသည်။
အဆိုပါ ဈေးကွက်စောင့်ကြည့်စစ်ဆေးခြင်းများဆောင်ရွက်ရာတွင် ကုန်အညွှန်းအမှတ်အသားဖေါ်ပြခြင်းနှင့် စပ်လျဉ်း၍ ပြည့်စုံမှန်ကန်စွာ ဖေါ်ပြထားသော ကုန်စည်များကိုသာ ဦးစားပေးရောင်းချကြရန် သက်ဆိုင်ရာအစိုးရဌာနများမှ စားသုံးရန်နှင့် သုံးစွဲရန်မသင့်ဟု ကြေညာထားသော ကုန်စည်များအား ရောင်းချခြင်းမပြုကြရန် စားသုံးသူပြည်သူများနစ်နာဆုံးရှုံးမှုဖြစ်စေမည့် ကုန်စည်များ၊ သက်တမ်းလွန်ကုန်စည်များအား သွယ်ဝိုက်ရောင်းချခြင်းများ ရှောင်ကြဉ်ကြရန် လုပ်ငန်းရှင်များသို့ အသိပေးပြောကြားခဲ့ကြောင်းနှင့် စားသုံးသူအသိပညာပေး လက်ကမ်းစာစောင်များကိုလည်း ဝေငှပေးခဲ့ပါကြောင်း သတင်းရရှိပါသည်။
စားသုံးသူရေးရာဦးစီးဌာန
ပဲခူးတိုင်းဒေသကြီး