စားသုံးသူရေးရာဦးစီးဌာန၊ ဘီးလင်းမြို့နယ်တာဝန်ခံနှင့် ဝန်ထမ်းများသည် ကျေးရွာအုပ်ချုပ်ရေးမှူး၊ ရာအိမ်မှူး၊ ဈေးကော်မတီ တို့ ပါဝင်သော ပူးပေါင်းအဖွဲ့ဖြင့် ၈.၂.၂၀၂၂ ရက်နေ့တွင် ဘီးလင်းမြို့နယ်၊ နှင်းပုလဲကျေးရွာရှိ နှင်းရတနာဈေး၌ ဈေးကွက် စောင့်ကြည့်စစ်ဆေးခြင်း ဆောင်ရွက်ခဲ့ပါသည်။
ထိုသို့စစ်ဆေးရာတွင် ဈေးအတွင်းရောင်းချနေသော ထုတ်ကုန်ပစ္စည်းများမှာ လုံခြုံစိတ်ချရမှု ရှိ/မရှိ၊ စားသုံးသူကာကွယ်ရေးဥပဒေပါ ကုန်အညွှန်းအမှတ်အသား ဖော်ပြချက်နှင့် ကိုက်ညီမှု ရှိ/မရှိ တို့အား စစ်ဆေးခဲ့ပြီး စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်များ၏ တာဝန်များ၊ ကုန်အညွှန်းအမှတ်အသားဖော်ပြချက်နှင့် စပ်လျဉ်း၍ ဖော်ပြရမည့်အချက်များ ပါဝင်သော အသိပညာပေးလက်ကမ်းစာစောင်များ၊ စားသုံးသူ အခွင့်အရေးနှင့်တာဝန်များ၊ စားသုံးသူအခွင့်အရေးနစ်နာဆုံးရှုံးမှုများအတွက် တိုင်ကြားနိုင်သည့် လိပ်စာများဖော်ပြပါရှိသော လက်ကမ်းစာစောင်များအား ဖြန့်ဝေပေးခဲ့ကြောင်း သတင်းရရှိပါသည်။
DOCA(မွန်)