စားသုံးသူရေးရာဦးစီးဌာန၊ မွန်ပြည်နယ်ဦးစီးမှူးသည် (၂၀-၃-၂၀၂၄) ရက်နေ့တွင် ပြည်နယ်ဦးစီးမှူးရုံးခန်း၌ မွန်ပြည်နယ်ဆီလုပ်ငန်းရှင်အသင်းနှင့်တွေ့ဆုံဆွေးနွေးခဲ့ပါသည်။
ထိုသို့တွေ့ဆုံဆွေးနွေးရာတွင် နိုင်ငံတော်အနေဖြင့် စားဆီဖူလုံရေးအတွက် ဆီထွက်သီးနှံတိုးချဲ့စိုက်ပျိုးခြင်းကို တစ်နိုင်ငံလုံးအတိုင်းအတာဖြင့် ဆောင်ရွက်လျက်ရှိပြီး လိုအပ်သောစားဆီများကို ပြည်ပမှတင်သွင်းကာ တိုင်းဒေသကြီး/ပြည်နယ်များသို့ ဖြန့်ခွဲပေးလျက်ရှိကြောင်း၊ ဆီလုပ်ငန်းရှင်များအနေဖြင့် မွန်ပြည်နယ်သို့ရောက်ရှိလာသော စားဆီများကို နေ့အလိုက် ရောက်ရှိ/ ဖြန့်ခွဲမှုလက်ကျန်စာရင်းများကို စနစ်တကျပြုစုထားရှိရန်လိုအပ်ကြောင်း၊ ပြည်နယ်အတွင်း စားဆီများဖြန့်ခွဲရာတွင်လည်း နေရာအနှံ့သို့ရောက်ရှိအောင် ဖြန့်ခွဲပေးရန်လိုအပ်ကြောင်း၊ ဈေးနှုန်းအနေဖြင့်လည်း ရည်ညွှန်းဈေးနှုန်းအပေါ် ၂% ထက်မပိုသော ဈေးနှုန်းဖြင့်သာရောင်းချရန်၊ ဈေးနှုန်းများအဆမတန်မြှင့်တင်ရောင်းချခြင်းမပြုရန် ဆွေးနွေးခဲ့ကြောင်းသိရှိရပါသည်။
DOCA(မွန်)