ရှမ်းပြည်နယ်(မြောက်ပိုင်း)၊ ကျောက်မဲခရိုင်အတွင်းရှိ ကျောက်မဲမြို့၊ သီပေါမြို့နှင့် နောင်ချိုမြို့နယ်တို့တွင် စားအုန်းဆီများအား သတ်မှတ်ရည်ညွှန်းဈေးနှုန်းဖြင့် ရောင်းချမှုရှိ/ မရှိ ကွင်းဆင်းစစ်ဆေးခဲ့ကြောင်းသိရှိရပါသည်။
ထိုသို့ကွင်းဆင်းစစ်ဆေးရာတွင် (၆-၅-၂၀၂၄) ရက်နေ့ ၊ နံနက်(၀၉:၀၀)နာရီချိန်တွင် သီပေါမြို့၌လည်းကောင်း၊ (၇-၅-၂၀၂၄) ရက်နေ့၊ နံနက်(၀၉:၀၀)နာရီအချိန်တွင် နောင်ချိုမြို့၌လည်းကောင်း၊ (၈-၅-၂၀၂၄) ရက်နေ့၊ နံနက်(၀၉:၀၀)နာရီချိန်တွင် ကျောက်မဲမြို့၌လည်းကောင်း အသီးသီးရောင်းချခဲ့ကြောင်းသိရှိရပါသည်။
ဈေးကွက်အတွင်းရှိ စားအုန်းဆီရောင်းချပေးနေသည့်ဆိုင်များသို့ စားသုံးသူရေးရာဦးစီးဌာနကဦးဆောင်ပြီး သက်ဆိုင်ရာမိတ်ဖက်ဌာနများနှင့်အတူသွားရောက်၍ ဆီရောင်းချသူလုပ်ငန်းရှင်များအား စားအုန်းဆီများကို ဈေးနှုန်းမြှင့်တင်ရောင်းချခြင်းမပြုရန်နှင့် အခြေခံလက်ကားရည်ညွှန်းဈေးနှုန်းများအတိုင်းရောင်းချကြရန်၊ စားအုန်းဆီများအား ဈေးကစားရန်ရည်ရွယ်ချက်ဖြင့် သိုလှောင်ခြင်းများမပြုကြရန်၊ သိုလှောင်ထားရှိကြောင်းတွေ့ရှိပါက အရေးကြီးကုန်စည်နှင့်ဝန်ဆောင်မှုဥပဒေ (၅) အရ အနည်းဆုံးထောင်ဒဏ် (၆) လမှ အများဆုံးထောင်ဒဏ် (၃) နှစ်အထိချမှတ်နိုင်သည့်အပြင် ကျပ်ငါးသိန်းထက်မပိုသော ငွေဒဏ်လည်းချမှတ်ခံရနိုင်မည်ဖြစ်ကြောင်း၊ စားသုံးသူကာကွယ်ရေးဥပဒေတွင်ပါရှိသည့် အခန်း(၁၀)၊ ဥပဒေပုဒ်မ(၂၁)တွင် ဖော်ပြထားသည့် စီးပွားရေးလုပ်ငန်းရှင်၏တာဝန်များအကြောင်းကို အသိပညာပေးပြောကြားခဲ့ကြောင်းနှင့် စားအုန်းဆီ (၁) ပိဿာလျှင် (၆၃၀၀) ကျပ်နှုန်းဖြင့် စားသုံးသူပြည်သူတစ်ဦးလျှင် (၁) ပိဿာနှုန်းစီရောင်းချပေးခဲ့ကြောင်းသိရှိရပါသည်။
DOCA(ရှမ်း)