စားသုံးသူကာကွယ်ရေးလုပ်ငန်းများကို ပိုမိုထိရောက်စွာ ဆောင်ရွက်နိုင်ရန်နှင့် စားသုံးသူနှင့် စီးပွာရေးလုပ်ငန်းရှင်တို့ကြား အငြင်းပွားမှုများကို စေ့စပ်ညှိနှိုင်းဆောင်ရွက်ပေးနိုင်ရန် ရည်ရွယ်၍ ၂၀၂၂ ခုနှစ်၊ ဧပြီလ (၂၉)ရက်နေ့ ညနေ (၁၅:၀၀) နာရီအချိန်တွင် မကွေးတိုင်းဒေသကြီးစားသုံးသူရေးရာဦးစီးဌာန အစည်းအဝေးခန်းမ၌ တိုင်းဒေသကြီးစားသုံးသူရေးရာကော်မတီ လုပ်ငန်းညှိနှိုင်းအစည်းဝေး(၁/၂၀၂၂) ကို ကျင်းပခဲ့ပါသည်။
အစည်းအဝေးတွင် မကွေးတိုင်းဒေသကြီး စားသုံးသူရေးရာကော်မတီဥက္ကဌ တိုင်းဒေသကြီး အစိုးရအဖွဲ့ စီးပွားရေးရာဝန်ကြီးမှ အဖွင့်အမှာစကားပြောကြားပြီး အတွင်းရေးမှူး တိုင်းဒေသကြီးဦးစီးမှူး ဦးမြင့်ဝင်းမှ စားသုံးသူကာကွယ်ရေးဥပဒေပါအချက်အလက်များ၊ စားသုံးသူကာကွယ်ရေးဆိုင်ရာ လုပ်ငန်းဆောင်ရွက်မှု အခြေအနေများကို Power Point များဖြင့် အသေးစိတ်ရှင်းလင်းဆွေးနွေးခဲ့ပါသည်။ ထို့နောက် ဒုတိယတိုင်းဒေသကြီးဦးစီးမှူး ဒေါ်အေးအေးမိုးမှ အမှာစာများကိုဖတ်ကြားကာ တက်ရောက်လာသည့် ကော်မတီအဖွဲ့ဝင်များမှ အမှာစာများအပေါ် လိုအပ်သည်များ ဝိုင်းဝန်းအကြံပြုဆွေးနွေးခဲ့ကြပြီး အစည်းအဝေးဆုံးဖြတ်ချက်များကို ချမှတ်ကာ ဝန်ကြီးမှ နိဂုံးချုပ်စကားပြောကြားပြီး အစည်းအဝေးကို ညနေ (၁၆: ၃၀)နာရီအချိန်တွင် ရုတ်သိမ်းခဲ့ပါသည်။
အဆိုပါအစည်းအဝေးသို့ တိုင်းဒေသကြီးစားသုံးသူရေးရာကော်မတီအဖွဲ့ဝင်များ၊ ဖိတ်ကြားထားသည့် ခရိုင်ဦးစီးမှူးများ၊ ဌာနခွဲတာဝန်ခံများ စုစုပေါင်း (၁၄)ဦးတက်ရောက်ခဲ့ကြကြောင်း သတင်းရရှိပါသည်။
DOCA(မကွေး)