စားသုံးသူရေးရာဦးစီးဌာန၊ မကွေးခရိုင်၊ ချောက်မြို့နယ်ဦးစီးမှူးရုံးမှ ဒေါ်မြတ်မြတ်မိုး(မြို့နယ်ဦးစီးမှူး)၊ ဒေါ်ချိုဝေလွင်(ဒု-ဦးစီးမှူး)တို့သည် စိုက်ပျိုးရေးဦးစီးဌာနမှ ဒေါ်အေးမြတ်မြတ်သင်း(ဦးစီးအရာရှိ)၊ သဘာဝ ပတ်ဝန်းကျင်ထိန်းသိမ်းရေးဦးစီးဌာနမှ ဒေါ်ဆုဆုဇင်(မြို့နယ်တာဝန်ခံ)နှင့်ကျေးရွာအုပ်စု အုပ်ချုပ်ရေးမှူး တို့နှင့် ပူးပေါင်း၍ (၁၃.၅.၂၀၂၂)ရက်နေ့(၁၄:၀၀)နာရီမှ (၁၆:၀၀)နာရီထိ ချောက်မြို့နယ် ပြည့်ပင်ကျေးရွာ ဘုန်းတော်ကြီးကျောင်း၌ စားသုံးသူအသိပညာပေးဆွေးနွေးခြင်း၊ စားအုန်းဆီ အစားထိုးနေကြာပိုမိုစိုက်ပျိုးထုတ်လုပ်ရေး အသိပညာပေးခြင်းနှင့် သဘာဝပတ်ဝန်းကျင်ထိန်းသိမ်းရေး အသိပညာပေးဆွေးနွေးခြင်း စသည်ဖြင့် ကဏ္ဍအလိုက်ဆောင်ရွက်ခဲ့ကြပါသည်။
အဆိုပါဆွေးနွေးပွဲတွင် ချောက်မြို့နယ်ဦးစီးမှူး ဒေါ်မြတ်မြတ်မိုးမှ စားသုံးသူကာကွယ်ရေး ဥပဒေပါ စားသုံးသူ၏ အခွင့်အရေးနှင့်တာဝန်များ၊ စီးပွားရေးလုပ်ငန်းရှင်များလိုက်နာရမည့်တာဝန်များ၊ တားမြစ်ချက်များ၊ ပြစ်မှုပြစ်ဒဏ်များအကြောင်း စားသုံးသူများ ထိခိုက်နစ်နာမှုရှိပါက CICC မှလည်းကောင်း၊ စားသုံးသူရေးရာဦးစီးဌာန၏ fb page နှင့် www. doca .gov .mm website တို့မှ လည်းကောင်း၊ Call Center နံပါတ်(1535) မှလည်းကောင်း ဆက်သွယ်တိုင်ကြားနိုင်ကြောင်း အသိပညာပေးဆွေးနွေးခဲ့ပါသည်။
ဆက်လက်၍ ဒေါ်ချိုဝေလွင်(ဒု-ဦးစီးမှူး)မှ ကုန်စည်နှင့်ကုန်ပစ္စည်းများ ဝယ်ယူရာတွင် သတိပြုရမည့် စားသုံးသူ ကာကွယ်ရေးဥပဒေ ၂၀၁၉အခန်း(၁၈)ပါ ကုန်အညွှန်းအမှတ်အသားများအကြောင်းကို အသေးစိတ် ရှင်းလင်းဆွေးနွေးခြင်း၊ ကျေးရွာရှိ ကုန်စုံဆိုင်(၃)ဆိုင်အား စားသုံးရန်မသင့်တားမြစ်ထားသော ကုန်စည်များ၊ သက်တမ်းလွန်နှင့် ကုန်အညွှန်းအမှတ်အသားမပြည့်စုံသော စားသောက်ကုန်များ၊ ရောင်းချမှုရှိ/မရှိအား အဖွဲ့ဖြင့် စျေးကွက်စောင့်ကြည့်စစ်ဆေးခဲ့ပါသည်။
DOCA(မကွေး)