ဧရာဝတီတိုင်းဒေသကြီး၊ ဖျာပုံခရိုင်၊ စားသုံးသူရေးရာဦးစီးဌာနမှ စစ်ဆေးရေးမှူးနှင့် ဝန်ထမ်းတို့သည် စည်ပင်သာယာရေးအဖွဲ့နှင့် ပူးပေါင်း၍ ၂၀၂၅ ခုနှစ်၊ ဖေဖော်ဝါရီလ (၁၄)ရက်နေ့ နံနက် (၁၀:၃၀) နာရီအချိန်တွင် မြို့မဈေးကြီးအတွင်းရှိ ဆေးဆိုင်များမှ ကလေးအာဟာရဖြည့်စွက်စာရောင်းချသည့် ဆိုင်များအား ကွင်းဆင်းစိစစ်မှု ဆောင်ရွက်ခဲ့ကြောင်း သိရသည်။
ထိုသို့ကွင်းဆင်းစစ်ဆေးရာတွင် ဈေးကွက်အတွင်း ရောင်းချနေသော ကလေးအာဟာရ ဖြည့်စွက်စာများမှာ မြန်မာ ဘာသာဖြင့် ရေးသားဖော်ပြထားသော ကုန်အညွှန်းအမှတ်အသား ဖော်ပြချက်များ၊ FDA ထောက်ခံချက် အမှတ်အသားများ ရေးသားဖော်ပြထားကြောင်း စိစစ်တွေ့ရှိခြင်းနှင့် ဆေးဆိုင်များတွင် သုံးစွဲရန်မသင့်သော ကလေးအာဟာရဖြည့်စွက်စာများ ဝယ်ယူရောင်းချခြင်းမပြုကြရန် အသိပညာပေး တိုက်တွန်းပြောကြားခဲ့ကြောင်း သတင်းရရှိပါသည်။
DOCA(ဧရာဝတီ)