မတ္တရာမြို့နယ်၊ အထွေထွေအုပ်ချုပ်ရေးဦးစီးဌာန၏ ဦးဆောင်မှုဖြင့်(၁-၆-၂၀၂၂)ရက်နေ့၊နံနက် (၁၀:၀၀)နာရီအချိန်တွင် မတ္တရာမြို့နယ် ၊ အထွေထွေအုပ်ချုပ်ရေးဦးစီးဌာန ၊ အစည်းအဝေးခန်းမ၌ မတ္တရာမြို့နယ်အတွင်းရှိ စီးပွားရေးလုပ်ငန်းရှင်များအား မြို့နယ်အထွေထွေအုပ်ချုပ်ရေးဦးစီးဌာန ၊ လူဝင်မှုကြီးကြပ်ရေးနှင့်ပြည်သူ့အင်အားဦးစီးဌာန ၊ စားသုံးသူရေးရာဦးစီးဌာနစသည့် ဌာနဆိုင်ရာ တာဝန်ရှိသူများမှ သက်ဆိုင်ရာကဏ္ဍအလိုက် ဟောပြောဆွေးနွေးခဲ့ပါသည် ။ ပထမဦးစွာ မတ္တရာမြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်အုပ်ချုပ်ရေးမှူး ဦးအောင်သူရသိန်းမှ အဖွင့်အမှာစကားပြောကြားပြီး မြို့နယ်လူဝင်မှုကြီးကြပ်ရေးနှင့်ပြည်သူ့အင်အားဦးစီးဌာန ၊ မြို့နယ်ဦးစီးမှူး ဦးစန်းနောင်မှ ပန်းခင်းစီမံချက်ဖြင့် ပြည်သူများအား နိုင်ငံသားစိစစ်ရေးကတ်ပြား ဆောင်ရွက်ပေးမှု အခြေအနေများအား အသေးစိတ်ရှင်းလင်းပြောကြားခဲ့ပါသည်။စားသုံးသူရေးရာဦးစီးဌာန၊မတ္တရာ မြို့နယ်တာဝန်ခံ ဒေါ်ဝင်းမာမှ ပြောကြားရာတွင် စားသုံးသူကာကွယ်ရေးဥပဒေအား ၂၀၁၉ခုနှစ်၊ မတ်လ(၁၅)ရက်နေ့တွင် အသစ်ပြန်လည်ပြဌာန်းခဲ့ပါကြောင်း၊၄င်းဥပဒေတွင် စားသုံးသူအခွင့်အရေး၊ စီးပွားရေးလုပ်ငန်းရှင်တာဝန်နှင့် ဥပဒေ၏အခန်း(၁၈)ပုဒ်မ(၄၁)ပါ ကုန်အညွှန်းအမှတ်အသားဖော်ပြ ခြင်းနှင့်ပတ်သက်၍ဥပဒေပါပြဌာန်းချက်များအား အသေးစိတ်ပြောကြားခြင်း၊မြန်မာနိုင်ငံစားသုံးသူ ကာကွယ်ရေးကော်မရှင်၏ညွှန်ကြားချက်အမှတ်(၂/၂၀၁၉)ညွှန်ကြားချက်အား ရှင်းလင်းဆွေးနွေးခြင်းနှင့် စားသုံးသူများနစ်နာဆုံးရှုံးမှုရှိပါက တိုင်းဒေသကြီး ၊ ပြည်နယ်များရှိ Consumer Information & Complaint Center (CICC)များနှင့် Consumer Call Center များဖြစ်သည့် MPT Sim Card အသုံးပြုသူများ အနေဖြင့် 09-765481535 နှင့် အခြား Sim Card အသုံးပြုသူများ အနေဖြင့် 1535 သို့ ခေါ်ဆို၍ တိုင်ကြားနိုင်သည့်အပြင် စားသုံးသူရေးရာဦးစီးဌာန၏ Website ဖြစ်သော www.doca. gov.mm ထဲသို့ဝင်ရောက်ပြီး တိုင်ကြားနိုင်ပါကြောင်း၊၄င်း Website ထဲတွင် မိမိတို့ဌာနမှဆောင်ရွက်လျှက်ရှိသည့် စားသုံးသူကာကွယ်ပေးရေးနှင့် ပတ်သက်သည့်ဆောင်ရွက်ချက်များနှင့် ပြည်တွင်းကုန်သွယ်မှုဖွံ့ဖြိုးတိုးတက်ရေးအတွက် ဆောင်ရွက်ချက်များအား အချိန်နှင့်တပြေးညီ လွှင့်တင်လျှက်ရှိပြီး ဝင်ရောက်လေ့လာကြည့်ရှု့စေလိုပါကြောင်း ဆွေးနွေးပြောကြားသွားပါသည်။ ဟောပြောဆွေးနွေးပွဲတွင် စီးပွားရေးလုပ်ငန်းရှင်(၄၅ )ဦး တက်ရောက်ခဲ့ကြောင်း သတင်းရရှိပါသည်။
DOCA(မန္တလေး)