ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြောင်းမြခရိုင်ဦးစီးမှူးနှင့်ဝန်ထမ်းများသည် အထွေထွေအုပ်ချုပ်ရေးဦးစီးမှူးရုံး၌ (၁၉.၂.၂၀၂၅)ရက်နေ့ နံနက် (၀၉:၀၀) နာရီအချိန်တွင် လုပ်ငန်းညှိနှိုင်း အစည်းအဝေးကို တက်ရောက်ခဲ့ပြီး ဆက်လက်၍ တိုင်းစက်မှုကြီးကြပ်ရေး၊ စစ်ဆေးရေးဦးစီးဌာနမှ တာဝန်ရှိသူများ၊ မီးသတ်ဦးစီးဌာနနှင့် မြောင်းမြစက်မှုဇုန်၌ ကျူးကျော်အဆောက်အဦးများ ရှိ/မရှိ ကွင်းဆင်းစစ်ဆေး ဆောင်ရွက်ခဲ့ပါသည်။
အစည်းအဝေးပွဲတွင် တောင်သူလယ်သမားနေ့တွင် ပြခန်းဆောင်ရွက်ရန်အတွက် ပြခန်းပြသမည့် ပစ္စည်းများ အားကြိုတင်စုဆောင်းထားရန်၊ “အိမ်၊ လမ်း၊ ရွာ၊ ကျောင်း သန့်ရှင်းကြောင်း စုပေါင်းအမှိုက်သိမ်း” ဆိုတဲ့ဆောင်ပုဒ်နှင့်အညီ မိမိရုံးဌာန အဆောက်အဦးသန့်ရှင်းဆောင်ရွက်ရန် လမ်းညွှန်မှာကြားခဲ့ကြောင်း၊ လိုအပ်သည်များကိုလည်း အပြန်အလှန်ဆွေးနွေးခဲ့ပါသည်။ ဆက်လက်၍ တိုင်းစက်မှု ကြီးကြပ်ရေး၊ စစ်ဆေးရေးဦးစီးဌာနမှ တာဝန်ရှိသူများနှင့် မြောင်းမြစက်မှုဇုန်၌ ကျူးကျော်အဆောက်အဦး များရှိ/မရှိ၊ စက်မှုဇုန်ရုံးနှင့် မီးသတ်စခန်းတည်ဆောက်မည့်မြေနေရာအား စက်မှုဇုန်အဖွဲ့နှင့်အတူ ကွင်းဆင်းကြည့်ရှုစစ်ဆေးခဲ့ကြောင်း သိရှိရပါသည်။
DOCA(ဧရာဝတီ)