ဖျာပုံခရိုင်၊ စားသုံးသူရေးရာဦးစီးဌာနရုံး၌ ၂၀၂၅ ခုနှစ်၊ ဖေဖော်ဝါရီလ (၁၈) ရက်နေ့တွင် ခရိုင်ဦးစီးမှူးနှင့် ဌာနခွဲမှူး၊ မြို့နယ်တာဝန်ခံများတက်ရောက်၍ delivery ဝန်ဆောင်မှုလုပ်ငန်း လုပ်ကိုင်ဆောင်ရွက်လျက်ရှိသည့် လုပ်ငန်းရှင် (၂၃)ဦးတို့အား စားသုံးသူကာကွယ်ရေး အသိပညာပေးဟောပြောခဲ့ကြောင်းသိရသည်။
အဆိုပါ ဟောပြောပွဲတွင် စားသုံးသူရေးရာဦးစီးဌာနမှ ခရိုင်ဦးစီးမှူးက delivery လုပ်ငန်း သည် ကုန်စည်နှင့်ဝန်ဆောင်မှု လုပ်ငန်းများဖြစ်၍ စားသုံးသူကာကွယ်ရေးဥပဒေအရ ဌာန အနေဖြင့် ဆောင်ရွက်ရမည်ဖြစ်ကြောင်း၊ စားသောက်ကုန်များ၊ အလှကုန်များ လူသုံးကုန်ပစ္စည်းများ သယ်ယူပို့ဆောင်ရာတွင် သက်ဆိုင်ရာဝန်ကြီးဌာနများ၏ ခွင့်ပြုချက် အထောက်အထားများ ပါဝင်မှုရှိ/မရှိ၊ စိစစ်ဖို့လိုကြောင်း၊ တရားမဝင်ကုန်ပစ္စည်းများကို သယ်ယူပို့ဆောင်ခြင်းမပြုရန် အထူးသတိပြုရန်လိုကြောင်း၊ ပြောကြားသွားပါသည်။
ဆက်လက်၍ ဦးစီးမှူးဒေါ်ကေသွယ်ဝင်းက စားသုံးသူ၏ အခွင့်အရေးနှင့် အကျိုးစီးပွားကို ကာကွယ်ပေးခြင်းနှင့် စားသုံးသူနှင့်စီးပွားရေးလုပ်ငန်းရှင်တို့အကြား ကော်မရှင်နှင့် ကော်မတီအဆင့်ဆင့်တို့မှ သတ်မှတ်ဆောင်ရွက်ပေးသည့် မျှတမှုရှိသော လုပ်ငန်းစဉ်ကို ဆိုလိုခြင်းဖြစ်ကြောင်းနှင့် ကုန်စည်နှင့် ဝန်ဆောင်မှု ဆိုင်ရာ ကိစ္စရပ်များကို အစားထိုး လဲလှယ်နိုင်ခွင့်ရှိပြီး နစ်နာဆုံးရှုံးမှုများ ဖြစ်ပေါ်လာပါက တိုင်ကြားနိုင်သည့် စင်တာများ ဖွင့်လှစ်ထားရှိကြောင်း၊ Call Center 1535 သို့ တိုင်ကြားနိုင်ကြောင်း အသိပညာပေး ဟောပြောခဲ့ကြောင်းသိရှိရပါသည်။
DOCA(ဧရာဝတီ)