စားသုံးသူရေးရာဦးစီးဌာန၊ စစ်ကိုင်းခရိုင် ဦးစီးမှူးနှင့်ဝန်ထမ်း(၃)ဦးတို့သည် “ခရိုင်ဆန်သိုလှောင် ဈေးနှုန်းမြှင့်တင်ရောင်းချမှုများစိစစ်ရေးလုပ်ငန်းအဖွဲ့”မှ အဖွဲ့ဝင်များဖြစ်သော ခရိုင်အထွေထွေ အုပ်ချုပ်ရေးဦးစီးဌာန၊ အထူးစုံစမ်းစစ်ဆေးရေးဦးစီးဌာန၊ မြို့နယ်စည်ပင်သာယာရေးအဖွဲ့တို့မှ တာဝန်ရှိသူများနှင့်အတူ ၂၀၂၅ ခုနှစ်၊ ဖေဖော်ဝါရီလ၂၆ ရက်နေ့နံနက်(၁၀း၃၀)နာရီအချိန်တွင် စစ်ကိုင်းမြို့မဈေး အတွင်းရှိ ဆန်အရောင်းဆိုင်များဖြစ်သော မြမြင့်မိုရ်နှင့် ဘုရင်မဆိုင်များသို့ကွင်းဆင်း၍ ဆန်ရောနှော ရောင်းချခြင်းများရှိ/မရှိ၊ ဈေးနှုန်းဈေးကွက်အခြေအနေများ၊ စီးဝင်/စီးထွက်မှုအခြေအနေများ၊ သယ်ယူခ နှုန်းထားများနှင့်ဈေးနှုန်း မြှင့်တင်ရောင်းချခြင်း အလို့ငှာ သိုလှောင်ခြင်း၊ ဖြန့်ဖြူးရောင်းချမှုများ ရှိ/မရှိကို ကွင်းဆင်း စစ်ဆေး ဆောင်ရွက်ခဲ့ပါသည်။
ထိုသို့ဆောင်ရွက်ရာတွင် စားသုံးသူရေးရာဦးစီးဌာန၊ စစ်ကိုင်းခရိုင်ဦးစီးမှူး ဦးဆောင်သော ပူးပေါင်းအဖွဲ့သည် ဆန်များကို ရောနှောရောင်းချခြင်းမပြုရန်၊ ဈေးနှုန်းမြှင့်တင်ရောင်းချခြင်း၊ ဈေးနှုန်း မြှင့်တင်ရန်သိုလှောင်ထားခြင်းများ မပြုလုပ်ရန်၊ ဈေးနှုန်းမြှင့်တင်ရောင်းချခြင်း၊ ဈေးနှုန်းမြှင့်တင် ဖြန့်ဖြူးခြင်း၊ ဈေးကစားရန် ရည်ရွယ်ချက်ဖြင့် သိုလှောင်ထားခြင်းများရှိပါက အရေးကြီးဝန်ဆောင်မှု ဥပဒေအရ အရေးယူမည်ဖြစ်ကြောင်း၊ ဆန်အိတ်(၁၀၀၀)နှင့်အထက် သိုလှောင်ထားရှိပါက သိုလှောင်ရုံ မှတ်ပုံတင်ပြုလုပ်ရမည်ဖြစ်ကြောင်းနှင့်ဖေဖော်ဝါရီလအတွက်ဆန်ရည်ညွှန်း ဈေးများကို အသိပညာပေး ဆွေးနွေးခြင်းများဆောင်ရွက်ခဲ့ရာစစ်ကိုင်းမြို့မဈေးအတွင်းရှိဆန်ဆိုင်များ၊မြမြင့်မိုရ်နှင့်ဘုရင်မဆန်ဆိုင်များအနေဖြင့် ဆန်များကို ရောနှောရောင်းချခြင်း မရှိပါကြောင်း၊ ရွှေဘိုမြို့မှအများဆုံး ဝယ်ယူရောင်းချ ကြောင်း၊ ရွှေဘိုမြို့သို့ သွားရောက်ဝယ်ယူ၍လည်းကောင်း၊ မိမိတို့ဆိုင်များသို့ အရောက်ပို့၍ လည်းကောင်းဝယ်ယူကြောင်း၊ဝယ်ယူရာတွင် ရောင်းလိုအားရှိသလောက် ဝယ်ယူကြောင်း၊ ရွှေဘို ပေါ်ဆန်း၊ ဧရာမင်းနှင့် မနောသုခဆန်များကို အများဆုံး ရောင်းချပါကြောင်း စိစစ်တွေ့ရှိရသည်။
ဆန်အမျိုးအစားအလိုက် (၂၄) ပြည် တစ်အိတ်ဈေးနှုန်းများမှာ မြမြင့်မိုရ်နှင့် ဘုရင်မဆန်ရောင်း ဝယ်ရေးဆိုင်များသည် ရွှေဘိုပေါ်ဆန်း(ဟောင်း) (၁၆၀၀၀၀)ကျပ်၊ (သစ်)(၁၃၇၀၀၀)ကျပ်၊ ဧရာမင်း (ဟောင်း)(၁၃၅၀၀၀)ကျပ်၊(သစ်)(၁၀၇၀၀၀)ကျပ်နှင့်မနောသုခ(ဟောင်း)(၁၀၂၀၀၀)ကျပ်(သစ်)(၈၆၀၀၀) ကျပ်ဖြင့်ရောင်းချကြောင်း၊ သယ်ယူခနှုန်းထားများမှာ ရွှေဘိုမြို့မှ စစ်ကိုင်းမြို့သို့ ဆန်(၂၄)ပြည် တစ်အိတ်လျှင် (၃၂၀၀) ကျပ် မှ (၃၅၀၀) ကျပ်ရှိကြောင်း ဆန်များကို သိုလှောင်ထားခြင်းမရှိဘဲ လိုသလောက်သာ မှာယူရောင်းချသောကြောင့် ဆန်သိုလှောင်သော ဆန်ဂိုဒေါင်များမရှိပါကြောင်း၊ အရောင်းဆိုင်များတွင် ရောင်းလိုအားရှိသလောက် ဝယ်ယူရောင်းချနေသည်ကို စိစစ်တွေ့ရှိခဲ့ကြောင်း သတင်းရရှိပါသည်။
DOCA(စစ်ကိုင်း)