တနင်္သာရီတိုင်းဒေသကြီး၊ စားသုံးသူရေးရာဦးစီးဌာန၊ မြိတ်ခရိုင်ဦးစီးမှူးရုံးမှ ခရိုင်ဦးစီးမှူးနှင့် ဝန်ထမ်းများသည် (၉.၆.၂၀၂၂) ရက်နေ့၊ နံနက် (၁၀း၀၀)နာရီအချိန်တွင်မြိတ်မြို့၊ မြိတ်တက္ကသိုလ်အနောက်ဘက်၊ မြရိပ်ညို(၁၁)လမ်းရှိ မြိတ်ဒိုးနပ် မုန့်တိုက်သို့ သွားရောက်၍ မုန့်တိုက်လုပ်ငန်းရှင်နှင့်တွေ့ဆုံကာ စီးပွားရေးလုပ်ငန်းရှင်များ လိုက်နာရန်အချက်အလက်များအား ရှင်းလင်းပြောကြားပြီး ကွင်းဆင်းစစ်ဆေးခြင်း ဆောင်ရွက်ခဲ့ကြပါသည်။
မုန့်တိုက်လုပ်ငန်းရှင်နှင့် မုန့်လုပ်ငန်းလုပ်ကိုင်သူများအနေဖြင့် အစားသောက်ထုတ်လုပ်ရောင်းချရာတွင် စားသုံးသူကာကွယ်ရေးဥပဒေပါ ကုန်အညွှန်းအမှတ်အသားဖော်ပြချက်များနှင့် စပ်လျဉ်း၍ မဖြစ်မနေပါဝင်ရမည့် အချက်များအား မြန်မာဘာသာဖြင့်တိကျစွာဖော်ပြရန်၊ အစားအသောက်သန့်ရှင်းရေးကိုအဓိကထားဆောင်ရွက်ရန်၊ ဘေးအန္တရာယ်ကင်းရှင်းရေးတို့ကို အလေးထား၍ထုတ်လုပ်ရောင်းချရန်နှင့် ကုန်အညွှန်းအမှတ်အသားများအား စားသုံးသူရေးရာဦးစီးဌာနတွင် ငွေကြေးပေးဆောင်စရာမလိုဘဲ လာရောက်လျှောက်ထားနိုင်ကြောင်းတို့ကို ရှင်းလင်းပြောကြားပြီး၊ စားသုံးသူဥပဒေပါ စီးပွားရေးလုပ်ငန်းရှင်များ လိုက်နာရန်အချက်အလက်တို့ကို ရှင်းလင်းပြောကြားခြင်းနှင့် စားသုံးသူအသိပညာပေးလက်ကမ်းစာစောင် ဖြန့်ဝေခြင်းများဆောင်ရွက်ခဲ့ကြောင်း သတင်းရရှိခဲ့ပါသည်။
DOCA(တနင်္သာရီ)