(၃.၃.၂၀၂၅)ရက်နေ့ နံနက် (၁၀:၀၀) နာရီအချိန်တွင် တနင်္သာရီတိုင်းဒေသကြီး စီမံကိန်းရေးဆွဲရေးဦးစီးဌာန၊ အစည်းအဝေးခန်းမ၌ ပျက်စီးဆုံးရှုံးမှုစာရင်းများကောက်ယူမည့်ပုံစံ ရှင်းလင်းခြင်းဆင့်ပွားသင်တန်းသို့ တနင်္သာရီတိုင်းဒေသကြီး စီးပွားရေးရာဝန်ကြီး၊ တိုင်းဒေသကြီးအဆင့် ဌာနဆိုင်ရာများနှင့် အတူ တိုင်းဒေသကြီး စားသုံးသူရေးရာဦးစီးဌာနမှ တက်ရောက်ခဲ့ကြောင်း သိရသည်။
အဆိုပါအခမ်းအနားတွင် တနင်္သာရီတိုင်းဒေသကြီး စီးပွားရေးရာဝန်ကြီးမှ အဖွင့်အမှာစကားပြောကြား ခဲ့ပါသည်။ ထို့နောက် တိုင်းဒေသကြီးကနဦးလိုအပ်ချက်စစ်တမ်းကောက်ယူရေး၊ ပျက်စီးဆုံးရှုံးမှုအတည်ပြုရေးနှင့် လိုအပ်ချက်များဆန်းစစ်ဖော်ထုတ်ရေး လုပ်ငန်းကော်မတီမှ လက်ထောက်ညွှန်ကြားရေးမှူးက ပျက်စီးဆုံးရှုံးမှုစာရင်းများ ကောက်ယူမှုပုံစံအကြောင်း ရှင်းလင်းပြောကြားခဲ့ပါသည်။ ထို့နောက် သင်တန်းပြီးမြောက်ကြောင်း သတင်းရရှိပါသည်။
DOCA(တနင်္သာရီ)