ပေါ်ဆန်းဆန်သည် ရှေးယခင်ပေါင်းများစွာကပင် လူကြိုက်များသော ဆန်မျိုးဖြစ်သကဲ့သို့ ပေါ်ဆန်း ဆန်မျိုးမှာ ဧရာဝတီတိုင်းမှ စတင်ပေါ်ပေါက်လာခဲ့ခြင်းဖြစ်ပါသည်။ ယခင်က ဧရာဝတီ ပေါ်ဆန်း သည် လူကြိုက်များလှသော်လည်း နာဂစ်မုန်တိုင်းဝင်ရောက်ပြီးသည့် နောက်ပိုင်းတွင် မြေဆီလွှာပျက်ဆီးခြင်း နှင့် စပါးစိုက်ပျိုးရာတွင်လည်း ဝတ်မှုန်ကူးသည့် အခြေအနေများကြောင့် ပေါ်ဆန်းအရည်အသွေးကျဆင်းမှုများ ဖြစ်ပေါ်လာခဲ့ပါသည်။ ထို့ကြောင့် ဧရာဝတီတိုင်းဒေသကြီးအတွင်းရှိ စိုက်ပျိုးမည့်ပေါ်ဆန်းစပါး အရည် အသွေးများ မြှင့်တင်နိုင်ရန်ရည်ရွယ်၍ (၆.၃.၂၀၂၅) ရက်နေ့တွင် ဧရာဝတီတိုင်းဒေသကြီး၊ ပုသိမ်ခရိုင်ရှိ မြို့တော်ခန်းမတွင် “ဧရာဝတီတိုင်းဒေသကြီးပေါ်ဆန်းဖိုရမ်”အားကျင်းပပြုလုပ်ခဲ့ပါသည်။ ဖိုရမ်တွင် “ပေါ်ဆန်း ဌာနီဧရာဝတီ” ခေါင်းစဉ်ဖြင့် ပေါ်ဆန်းပြိုင်ပွဲအား ကျင်းပခဲ့ရာ ဧရာဝတီတိုင်းဒေသကြီးအတွင်းရှိ (၁၈) မြို့နယ်မှ ပေါ်ဆန်းမျိုးကွဲ(၄၀)ကျော် တို့ အားဝင်ရောက် ယှဉ်ပြိုင်ခဲ့ကြောင်းသိရသည်။
ထို့အပြင်ပေါ်ဆန်းစပါး အရည်အသွေးတိုးတက်နိုင်ရန်အတွက် ပေါ်ဆန်းစပါးမျိုးများ ထုတ်လုပ်ခြင်း၊ မြေဆီလွှာပြုပြင်ခြင်းများ ဆောင်ရွက်ခြင်း၊ သဘာဝနှင့် ဇီဝမြေဩဇာ အသုံးပြုနိုင်ရန်အတွက် ပိုက်ဆံလျှော် အပင်များအား စိုက်ပျိုးခြင်းအပါအဝင် ဧရာဝတီပေါ်ဆန်းအား Geographical Indication(GI) ရရှိရေးတို့အတွက်တို့အား မူဝါဒများချမှတ်ဆောင်ရွက်နိုင်ရန်အတွက် ပေါ်ဆန်းဖိုရမ်တွင် “ဧရာဝတီပေါ်ဆန်း တစ်ခေတ် ဆန်းရမည်” ဟူသော ခေါင်းစည်ဖြင့် စကားဝိုင်းဆွေးနွေးများကျင်းပခဲ့ပါသည်။ အဆိုပါစကားဝိုင်း ဆွေးနွေးပွဲတွင် ဧရာဝတီတိုင်းဒေသကြီး စားသုံးသူရေးရာဦးစီးဌာနမှ မူဝါဒချမှတ်သူအနေဖြင့်ဆွေးနွေးမှုများ ဆောင်ရွက်ခဲ့ကြောင်း သိရှိရပါသည်။
DOCA(ဧရာဝတီ)