ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ တိုင်းဒေသကြီးဦးစီးမှူး၏ လမ်းညွှန်မှုနှင့် ဖျာပုံခရိုင်ဦးစီးမှူးမှ ကြီးကြပ်၍ ဖျာပုံခရိုင်အတွင်းရှိ ဖျာပုံခရိုင် ဒေးဒရဲမြို့နယ် မြို့နယ်တာဝန်ခံ ဦးသိန်းမောင်သည် ၁၁.၃.၂၀၂၅ ရက်နေ့ နံနက်(၁၁:၀၀)နာရီအချိန်တွင် မြို့နယ်တာဝန်ခံရုံးတွင် ကုန်စုံဆိုင် လုပ်ငန်းရှင် (၈) ဦးအား စားသုံသူရေးရာကာကွယ်ရေးဆိုင်ရာ အသိပညာပေးဟောပြောခြင်း ဆောင်ရွက်ခဲ့ကြောင်းသိရသည်။
ဟောပြောပွဲတွင် ဒေးဒရဲမြို့နယ် မြို့နယ်တာဝန်ခံ ဦးသိန်းမောင်က စားသုံးသူရေးရာဦးစီးဌာန၏ လုပ်ငန်းဆောင်ရွက်ချက်များနှင့် စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်များ လိုက်နာရမည့်တာဝန်များနှင့် အခွင့်အရေးများ၊ မိမိတို့ဝယ်ယူ ရောင်းချသောကုန်စည်နှင့်ဝန်ဆောင်မှုများ စားသုံးသူကာကွယ်ရေး ဥပဒေပါပြဌာန်းချက်များနှင့် ကိုက်ညီသောကုန်စည်များကိုသာ မှာယူဝယ်ယူရောင်းချကြာရန်နှင့် ကုန်စည်များတွင် ကုန်အညွှန်းအမှတ်အသား ပြည့်စုံစွာဖော်ပြပါရှိရမည့် အချက်အလက်များကို ရှင်းလင်းပြောကြားခြင်း၊ စားသုံးသူပြည်သူများ ရရှိနိုင်သည့်အခွင့်အရေး (၈) ချက်အားရှင်းလင်းခြင်း၊ မိမိတို့ ဝယ်ယူအသုံး ပြုသောကုန်စည်နှင့် ဝန်ဆောင်မှုများကြောင့် နစ်နာဆုံးရှုံးမှုများ ဖြစ်ပေါ်လာပါက တိုင်ကြား ခွင့်ရှိကြောင်းနှင့် တိုင်ကြား မှု လက်ခံဆောင်ရွက် ရေးစင်တာများ (CICC) ဖွင့်လှစ်ထားရှိမှု အခြေ အနေများနှင့် ပြစ်မှုပြစ်ဒဏ် များအကြောင်း၊ တိုင်ကြားနိုင်သည့် နည်းလမ်းများကို အသိပညာပေး ရှင်းလင်းဟောပြောခဲ့ပြီး စားသုံးသူရေးရာဦးစီးဌာန၏ လုပ်ငန်းဆောင်ရွက် ချက်များကိုသိရှိလိုပါက Website တွင် ဝင်ရောက်လေ့လာနိုင်ကြောင်းနှင့် Consumer Call Center 1535 သို့ ဆက်သွယ်မေးမြန်းနိုင် ကြောင်းကိုလည်း အသိပညာပေး ဟောပြောခဲ့ကြောင်း သိရှိရပါသည်။
DOCA(ဧရာဝတီ)