အခြေခံစားသောက်ကုန်များ စားသုံးသူများအတွက် မရှိမဖြစ်လိုအပ်သော ကုန်ပစ္စည်းများအား စားသုံးသူပြည်သူများ ဘေးအန္တရာယ်ကင်းရှင်းစွာသုံးစွဲနိုင်ရေး ဈေးကွက်အတွင်း ဖြစ်သင့် ဖြစ်ထိုက်သည့် ဈေးနှုန်းများနှင့် လွယ်ကူစွာဝယ်ယူရရှိစေရေး၊ ပစ္စည်းပြတ်လပ်မှု မရှိစေရေးအတွက် ဈေးကွက်အတွင်း ပြည်တွင်းထုတ်အသင့်သောက်ကော်ဖီထုပ်များ၏ ဈေးနှုန်းဈေးကွက် အခြေအနေများအား ၁၉.၃.၂၀၂၅ ရက်နေ့တွင် အနောက်ပိုင်းခရိုင်မှ စစ်ဆေးရေးမှူး ဦးကျော်ခိုင်နှင့် ဝန်ထမ်း(၂) ဦးတို့သည် မရမ်းကုန်းမြို့နယ် သမိုင်း City Mart၊ အလုံမြို့နယ် City Mart နှင့် ကမာရွတ်မြို့နယ် City Mart တို့တွင် အထုပ်(၃၀) ပါ အသင့်သောက်ကော်ဖီထုပ်များဖြစ်သော Premier၊ Sunday၊ Best၊ RICH၊ Platinum၊ Grand Place နှင့် Super Coffeemix များ၏ ဈေးနှုန်းများနှင့် ဈေးကွက်အခြေအ နေများအား ကွင်းဆင်းစစ်ဆေးခဲ့ကြောင်း သိရှိရပါသည်။ ၎င်းအထုပ်(၃၀) ပါ အသင့်သောက်ကော်ဖီ ထုပ်များသည် ဈေးကွက်များတွင် ပြတ်လပ်မှုမရှိဘဲ ပုံမှန်ရောင်းချနေကြောင်း သိရှိရပါသည်။
DOCA(ရန်ကုန်)