“ ကော့မှူးမြို့နယ်၌စားအုန်းဆီဖြန့်ဖြူးရောင်းချခြင်းဆိုင်ရာ လုပ်ငန်းညှိနှိုင်းအစည်းအဝေးကျင်းပ”

            ရန်ကုန်တိုင်းဒေသကြီး၊ တွံတေးခရိုင်၊ ကော့မှူးမြို့နယ် တောင်ပိုင်းရပ်ကွက်ရှိ အထွေထွေအုပ်ချုပ်ရေး ဦးစီးဌာန မြို့နယ်အုပ်ချုပ်ရေးမှူးရုံး၌ စားအုန်းဆီဖြန့်ဖြူးရောင်းချခြင်း ဆိုင်ရာလုပ်ငန်းစဉ်နှင့် ပတ်သတ်၍ လုပ်ငန်း ညှိနှိုင်းအစည်းအဝေးကို မတ်လ (၂၀)ရက်နေ့၊ နေ့လယ် (၁၄:၀၀)နာရီအချိန်တွင် ကျင်းပခဲ့ကြောင်း သိရသည်။

            အဆိုပါ လုပ်ငန်းညှိနှိုင်းအစည်းအဝေးတွင် ကော့မှူးမြို့နယ် စီမံအုပ်ချုပ်ရေးအဖွဲ့ဥက္ကဌ ဦးမျိုးမင်းက ကော့မှူးမြို့နယ်ရှိ လူဦးရေ (၁၃၅၀၉၂)ဦးအတွက် စားအုန်းဆီတစ်ရာစာနှုန်း လူတစ်ဦး လျှင် (၂.၂၅)ကျပ်သားဖြင့် တစ်မြို့နယ်လုံး အတိုင်းအတာ စားအုန်းဆီခွဲတမ်းကို အီကိုဟာမိုနီနှင့် ဇဗျူကံထွန်း ကုမ္ပဏီတို့မှ နေ့စဉ်စားအုန်း ဆီခွဲတမ်းအား ကော့မှူးမြို့နယ်မှ စားအုန်းဆီကိုယ်စားလှယ် ဦးသိန်းထွဋ်၊ ဒေါ်ခင်ပြုံးဝေ၊ ဦးဇော်လတ်စိုးတို့မှ နေ့စဉ်ထုတ်ယူ လျက်ရှိယ်ယပြီး စည်ပင်သာယာ မြို့မဈေး အတွင်း/အပြင်နှင့် ရပ်ကွက်ကျေးရွာများရှိ တဆင့်ခံ ကိုယ်စားလှယ်များထံ ပြန်လည်ဖြန့်ဖြူးရောင်းချပေးလျက်ရှိကြောင်း သိရှိရပြီး ကုမ္ပဏီ ကိုယ်စားလှယ်များ အနေဖြင့် စားသုံးသူ ရပ်ကွက်၊ ကျေးရွာများရှိ ပြည်သူများ စားအုန်းဆီ အလွယ်တကူ ဝယ်ယူရရှိနိုင်ရေးအတွက် တဆင်ခံ လက်ကားကိုယ်စားလှယ်များအား အချိန်မှီဖြန့်ဖြူးရောင်းချနိုင်ရေးနှင့် တဆင့်ခံကိုယ်စားလှယ်များ အနေဖြင့် မိမိတို့ရပ်ကွက်၊ ကျေးရွာနေ စားသုံးသူပြည်သူများအား သတ်မှတ်ရည်ညွှန်းဈေးအပေါ် သင့်တင့်မျှတ သည့် အမြတ်ဖြင့် လူတစ်ဦး(၂.၂၅)ကျပ်သားနှုန်းဖြင့် တွက်ချက်ပြီး အိမ်ထောင်စုတစ်ခုလျှင် စားအုန်းဆီထုတ်ယူခွင့် စာအုပ်ဖြင့် ဖြန့်ဖြူးရောင်းချပေးကြရန် မြို့နယ်ကျော် ဖြန့်ဖြူးရောင်းချ ခြင်းများ မပြုလုပ်ကြရန် ပြောကြားခဲ့ပြီး စားသုံးသူရေးရာဦးစီးဌာန မြို့နယ်တာဝန်ခံ ဦးတင်မင်းက စီးပွားရေးနှင့်ကူးသန်းရောင်းဝယ်ရေးဝန်ကြီးဌာန စားအုန်းဆီတင်သွင်း၊ သိုလှောင်ဖြန့်ဖြူးခြင်း လုပ်ငန်းကြီးကြပ်ရေး အနေဖြင့် စားအုန်းဆီ ကမ္ဘာဈေးနှုန်း ဖြစ်ပေါ် ပြောင်းလဲမှုနှင့်အညီ ပြည်တွင်း၌ ဖြစ်သင့်ဖြစ်ထိုက်သည့် ဈေးနှုန်းများ ဖြစ်ပေါ်စေရေး ထိန်းကျောင်း ဆောင်ရွက်လျက်ရှိပြီး စားအုန်းဆီ အဓိကထုတ်လုပ် တင်ပို့သည့် မလေးရှားနိုင်ငံတွင် ဖြစ်ပေါ်နေသည့် (FOB)ဈေးနှုန်းကို နေ့စဉ်စောင့်ကြည့်ကာ သယ်ယူနိုင်အောင် ကုန်ကျစရိတ်များ၊ ဘဏ်စရိတ်များ၊ အခွန်အခများ ထည့်သွင်းတွက် ချက်၍ ပြည်တွင်းဈေးကွက်၌ ရောင်းဝယ်ဖောက်ကားရမည့် အခြေခံလက်ကား ရည်ညွှန်းဈေးနှုန်းကို အပတ်စဉ် တနင်္လာနေ့တိုင်း ကျွန်တော်အနေဖြင့် စားအုန်းဆီကိုယ်စားလှယ်များအား ပို့ပေးလျက်ရှိရာ ကော့မှူးမြို့နယ် ဈေးကွက်အတွင်း ဈေးနှုန်းမြှင့်တင်ရောင်းချခြင်း၊ ဈေးကစားရန် ရည်ရွယ်ချက်ဖြင့် သိုလှောင်ခြင်းအပါအဝင် မသမာသည့် လုပ်ဆောင်မှုများ ပြုလုပ်ပါက အရေးကြီးကုန်စည်နှင့် ဝန်ဆောင်မှုဥပဒေအရ အရေးယူဆောင်ရွက် သွားမည်ဖြစ်ကြောင်း စားသုံးသူကာကွယ်ရေး အသိပညာပေး ဆွေးနွေးပြောကြားခဲ့ကြောင်း သိရှိရပါသည်။

DOCA(ရန်ကုန်)