စားသုံးသူရေးရာဦးစီးဌာန၊ မအူပင်ခရိုင်ဦးစီးမှူးရုံး၊ ပန်းတနော်မြို့နယ်တာဝန်ခံရုံးမှ ဝန်ထမ်းများသည် (၁၉.၃.၂၀၂၅) နေ့ နေ့လယ် (၁၄း၀၀) နာရီအချိန်တွင် ပန်းတနော်မြို့ပေါ်ရှိ စားအုန်းဆီ လက်လီ/ လက်ကားဖြန့်ဖြူးရောင်းချသောလုပ်ငန်းရှင်(၈)ဦးနှင့် တွေ့ဆုံ၍ လုပ်ငန်းရှင် ဆွေးနွေးပွဲပြုလုပ်ခဲ့ကြောင်းသိရသည်။
အဆိုပါတွေ့ဆုံပွဲတွင် ပန်းတနော်မြို့နယ်တာဝန်ခံက လုပ်ငန်းရှင်များအား စားအုန်းဆီ လက်လီ/လက်ကားဖြန့်ဖြူးရောင်းချသူများအနေဖြင့် စားအုန်းဆီတင်သွင်း၊ သိုလှောင်၊ဖြန့်ဖြူး ရောင်းဝယ်ရာတွင် Good Grade ပေပါများ၊ Trankများ အသုံးပြုရေး၊ စားသုံးသူရေးရာဦးစီးဌာန၊ (ရုံးချုပ်)၏ ညွှန်ကြားချက်များကို ရှင်းလင်းဆွေးနွေးခဲ့ပြီး ကုမ္ပဏီများမှ ဖြန့်ဖြူးသော စားအုန်းဆီလက်ခံရရှမှု အခြေအနေ၊ သတ်မှတ်ရည်ညွှန်းဈေးနှုန်းအပေါ် ဒေသအလိုက် သယ်ယူပို့ဆောင်ခ ကုန်ကျစရိတ်များထပ်ပေါင်း၍ ထိုက်သင့်သော ဈေးနှုန်းဖြင့် စားသုံးသူမြင်သာသောနေရာတွင် ဗီနိုင်းချိတ်ဆွဲ၍ ရောင်းချရန်၊ ဆီထုတ်ယူခွင်စာအုပ်ဖြင့် ဝယ်ယူသူများကို အမှတ်တကယ်ရောင်းချပေးနိုင်ရေးကိုဆောင်ရွက်ရန်၊ စားသုံးဆီဝယ်ယူရာတွင် တိုင်ကြားမှုများ မရှိစေရေး ဆီရောင်းချသူ လုပ်ငန်းရှင်များ အဆင်ပြေစွာရောင်းချပေးနိုင်ရန် အသိပညာပေးပြီး ၂၀၁၉ စားသုံးသူကာကွယ်ရေးဥပဒေပါ လုပ်ငန်းရှင်များလိုက်နာရမည့် တာဝန်များကို ရှင်းလင်းဆွေးနွေးခဲ့ကာ သတ်မှတ်ချက်များကို လိုက်နာမှုမရှိကြောင်း စိစစ်တွေ့ရှိပါက စီမံခန်ခွဲမှု နည်းလမ်းများအရ အရေးယူခံရမည်ဖြစ်ကြောင်း အသိပညာပေး ဆွေးနွေးခဲ့ကြောင်း သိရှိရပါသည်။
DOCA(ဧရာဝတီ)