စားသုံးသူရေးရာဦးစီးဌာန၊ အင်္ဂပူမြို့နယ်တာဝန်ခံသည်(၁၈.၃.၂၀၂၅)ရက်နေ့ နံနက် (၀၉:၀၀) နာရီအချိန်တွင် သက်ဆိုင်ရာဌာနအဖွဲ့နှင့်အတူ အင်္ဂပူမြို့၊အမှတ်(၁)ရပ်ကွက်၊ စည်ပင်သာယာဈေးအတွင်းရှိ စားအုန်းဆီအရောင်းဆိုင်များအား သတ်မှတ်ရည်ညွှန်းဈေးထက်ဈေးနှုန်း မြှင့်တင်ရောင်းချမှုရှိ/မရှိ ကွင်းဆင်းစစ်ဆေးခြင်းကို ဆောင်ရွက်ခဲ့ကြောင်း သိရသည်။
ထိုသို့ကွင်းဆင်းရာတွင် မြို့နယ်တာဝန်ခံ ဦးဘိုဘိုက ခွဲတမ်းရစားအုန်းဆီကုန်စုံဆိုင် လုပ်ငန်းရှင်များအနေဖြင့် စားအုန်းဆီရောင်းချရာတွင် ရပ်ကွက်၊ ကျေးရွာနေပြည်သူများအား နှံ့နှံ့စပ်စပ် ရောင်းချပေးရန်၊ ဆီရောင်းချရာတွင်လည်း Daily စာရင်းများပြုစုထားရှိပြီး သတ်မှတ်ရည်ညွှန်းဈေးထက်မပိုပဲ မှန်မှန်ကန်ကန်ရောင်းချရန်၊ ဆိုင်များတွင် သတ်မှတ်ရည်ညွှန်းဈေးရေးသားထားသည့် ဗွီနိုင်းများကို ချိတ်ဆွဲထား၍ရောင်းချရန် စိစစ်ခဲ့ပြီး၊ ဆက်လက်၍ ကုန်စုံဆိုင်လုပ်ငန်းရှင်များ အနေဖြင့် ဈေးကွက်အတွင်းရောင်းချလျက်ရှိသော ကုန်စည်များတွင် စားသုံးသူများဘေးအန္တရာယ် ကင်းရှင်းစွာအသုံးပြုနိုင်စေရေး ကုန်စည်များပေါ်တွင် ကုန်အညွှန်းအမှတ်အသား အချက်အလက် ပြည့်စုံသော ကုန်ပစ္စည်းများ၊ မြန်မာဘာသာဖြင့် ပြည့်စုံစွာရိုက်နှိပ်ဖော်ပြထားသော ကုန်စည်များကိုသာ ရွေးချယ်၍ရောင်းချပေးစေလိုကြောင်း၊ စားအုန်းဆီလက်လီ/လက္ကားဖြန့်ဖြူးရောင်းချရာတွင် သတ်မှတ်ရည်ညွှန်းဈေးနှုန်းဖြင့်သာ ရောင်းချလျက်ရှိပြီး ဈေးနှုန်းမြှင့်တင်ရောင်းချမှုမရှိကြောင်း စိစစ်တွေ့ရှိရသည်ဟု သိရှိရပါသည်။
DOCA(ဧရာဝတီ)