စားသုံးသူရေးရာဦးစီးဌာန၊ လေးမျက်နှာမြို့နယ်တာဝန်ခံသည် (၁၉.၃.၂၀၂၅)ရက်နေ့ နံနက် (၁၀:၀၀) နာရီအချိန်တွင် လေးမျက်နှာမြို့နယ် ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ လူထုအခြေပြုဗဟိုဌာန(CommunityCentre)ခန်းမ၌ အွန်လိုင်းစနစ်ဖြင့်ရောင်းချခြင်းလုပ်ငန်းဆိုင်ရာအသိပညာပေး Talk Show အစီအစဉ်ကိုဆောင်ရွက်ခဲ့ကြောင်းသိရသည်။
အဆိုပါအစီအစဉ်တွင် မြို့နယ်တာဝန်ခံဦးအောင်သန်းဌေးက အွန်လိုင်းမှတ်ပုံတင်လက်မှတ် လျှောက်ထားရာတွင် ကုန်သွယ်ရေးဦးစီးဌာနအနေဖြင့် လျှောက်လွှာပုံစံ၊ မှတ်ပုံတင်လက်မှတ်ပုံစံ၊ မှတ်ပုံတင်ကြေးနှင့် အွန်လိုင်းဝန်ဆောင်ခတို့ကို သတ်မှတ်ထားပြီး၊ မည်သည့်စီးပွားရေးလုပ်ငန်းရှင်မဆို အွန်လိုင်းမှတ်ပုံတင်လက်မှတ်မရှိဘဲ အွန်လိုင်းစနစ်ဖြင့်ရောင်းချခြင်းလုပ်ငန်း လုပ်ကိုင်ဆောင်ရွက်ပါက အရေးကြီးကုန်စည်နှင့်ဝန်ဆောင်မှုဥပဒေ ပုဒ်မ ၅ အရအရေးယူခံရမည်ဖြစ်ကြောင်း၊ ဦးစီးဌာနသည် အွန်လိုင်းစနစ်ဖြင့်ရောင်းချခြင်းလုပ်ငန်း မှတ်ပုံတင်လက်မှတ်ရရှိသူများစာရင်းကို အများပြည်သူသိရှိစေရန် ဦးစီးဌာန၏ အွန်လိုင်းမှတ်ပုံတင်စနစ်တွင် ဖော်ပြရမည်ဖြစ်ပြီး မှတ်ပုံတင်ကြေးနှင့် အွန်လိုင်းဝန်ဆောင်ခကို ပြည်ထောင်စုဘဏ္ဍာရန်ပုံငွေသို့ပေးသွင်းခြင်း ဆောင်ရွက်ရသည် ဖြစ်ကြောင်း အကျယ်တဝင့် ရှင်းလင်းဆွေးနွေးခဲ့ကြောင်း သိရှိရပါသည်။
DOCA(ဧရာဝတီ)