၂၀၂၅ ခုနှစ် မတ်လ ၂၄ ရက်နေ့ နံနက်(၀၈:၀၀) နာရီအချိန်တွင် သမဝါယမနှင့်ကျေးလက်ဒေသ ဖွံ့ဖြိုးတိုးတက်ရေးဝန်ကြီးဌာန ပြည်ထောင်စုဒုတိယဝန်ကြီး ဦးမြင့်စိုးနှင့် အဖွဲ့ဝင်များသည် ဟင်္သာတခရိုင်၊ ဟင်္သာတမြို့နယ်၊ နတ်မော်ကျေးရွာအုပ်စုရှိ တောင်သူ ဦးလှစိုး၏ စိုက်ခင်းဧရိယာတွင် ကျင်းပပြုလုပ်သော ဆီထွက်သီးနှံ ဆောင်းနေကြာ စံကွက် ရိတ်သိမ်းပွဲအခမ်းအနားပွဲသို့ တက်ရောက်ကြကာ ဟင်္သာတမြို့နယ်ရှိ သက်ဆိုင်ရာဌာနအဖွဲ့ဝင်များနှင့်အတူ စားသုံးသူရေးရာဦးစီးဌာန၊ ဟင်္သာတခရိုင်ဦးစီးမှူးနှင့် မြို့နယ်တာဝန်ခံမှ ထိုအခမ်းနားသို့ တက်ရောက်ခဲ့ကြပါသည်။
အဆိုပါ ဆောင်းနေကြာ ရိတ်သိမ်းပွဲအခမ်းအနားကို ဟင်္သာတခရိုင်၊ ဟင်္သာတမြို့ နတ်မော်ကျေးရွာအုပ်စုရှိ တောင်သူ ဦးလှစိုး၏ လယ်မြေ(၃ ဧက)၌ ရေဆင်းစပ်မျိုး(၁) ရိတ်သိမ်းမှု အခြေအနေကို ကြည့်ရှု့အားပေးခဲ့ကြပြီး၊ ပြည်ထောင်စုဒုတိယဝန်ကြီးမှ ဆီထွက်သီးနှံ ဆောင်းနေကြာ စိုက်ပျိုးထုတ်လုပ်မှုတိုးတက်မြင့်မားရေးနှင့် ပတ်သတ်၍ လမ်းညွှန်အမှာစကားပြောကြားခြင်း၊ သက်ဆိုင်ရာဌာနများမှ ပေါင်းစပ်ညှိနှိုင်းဆွေးနွေးကာ ဆောင်နေကြာစံကွက်မှ ရိတ်သိမ်းပြီး နေကြာမျိုးစေ့များနှင့် ရွက်ဖြန်းမြေဩဇာများ ကြည့်ရှုစစ်ဆေး၍ လိုအပ်သည်များ မှာကြားကာ နံနက် (၀၉:၃၀) နာရီအချိန်တွင် အခမ်းအနား ရုပ်သိမ်းခဲ့ကြောင်း သိရှိရပါသည်။
DOCA(ဧရာဝတီ)