(၂၂.၅.၂၀၂၅)ရက်နေ့ နံနက်(၉:၃၀)အချိန်တွင် စားသုံးသူရေးရာဦးစီးဌာန၊ မြောက်ပိုင်းခရိုင် ဦးစီးမှူးရုံးမှ ဝန်ထမ်းများသည် ထန်းတပင်မြို့နယ်ရှိ စက်သုံးဆီအရောင်းဆိုင်များသို့ စက်သုံးဆီ အချင်အတွယ်ပြည့်ဝမှန်ကန်မှုရှိ/မရှိ၊ သတ်မှတ်ရည်ညွှန်းဈေးအတိုင်း ရောင်းချနေမှုရှိ/မရှိ၊ စက်သုံးဆီ ပြတ်လပ်မှုရှိ/မရှိနှင့် စက်သုံးဆီလက်ကျန်အခြေအနေတို့ကို ကွင်းဆင်း စစ်ဆေးခြင်း ဆောင်ရွက်ခဲ့ပါသည်။
ထိုသို့ ကွင်းဆင်းစစ်ဆေးရာတွင် ကွင်းအမှတ်(၃၆၄/ဘီ) တူးချောင်းကျေးရွာအုပ်စု၊ ထန်းတပင်မြို့နယ်ရှိ ZTH စက်သုံးဆီဆိုင်တာဝန်ခံ ဦးစိုးမြတ်ဝင်းမှ ပူးပေါင်းပါဝင်လျက် ဆိုင်တွင်သတ်မှတ် ရည်ညွှန်းဈေးအတွင်းသာရောင်းချကာ စက်သုံးဆီလက်ကျန်အနေဖြင့် စက်သုံးဆီများ လုံလောက်စွာသိုလှောင်ထားရှိပြီး အချင်အတွယ်ပြည့်ဝမှန်ကန်မှုရှိသည်ကို တွေ့ရှိရပြီး စက်သုံးဆီအရောင်းတာဝန်ခံအား အချင်အတွယ်မှန်ကန်မှုရှိစေရေး အလေးထားရန်၊ သတ်မှတ်ရည်ညွှန်းဈေးအတွင်းရောင်းချရန် အသိပညာပေးဆောင်ရွက်ခဲ့ကြောင်းသိရှိရပါသည်။
DOCA (ရန်ကုန်)