ရန်ကုန်တိုင်းဒေသကြီး၊ စားအုန်းဆီ အိမ်တိုင်ရာရောက် ဖြန့်ဖြူးရောင်းချရေးကော်မတီ၏ စီစဉ်ကြီးကြပ်မှုဖြင့် နိုင်ငံ့ဝန်ထမ်း ပင်စင်စား အငြိမ်းစားများအား စားအုန်းဆီများကို လစဉ် ရောင်းချပေးလျက်ရှိရာ မေလ(၂၃)ရက်နေ့၊ နံနက် (၀၇:၀၀)နာရီအချိန်တွင် ရန်ကုန်တိုင်းဒေသကြီး၊ သန်လျင်ခရိုင်၊ ခရမ်းမြို့နယ်တွင် စားအုန်းဆီများ လာရောက်ရောင်းချပေးခဲ့ကြောင်း သိရှိရပါသည်။
ထိုသို့ နိုင်ငံ့ဝန်ထမ်း ပင်စင်စား အငြိမ်းစားဝန်ထမ်းများကို စားအုန်းဆီများ လာရောက်ရောင်းချပေးရာတွင် မြန်မာနိုင်ငံ ဆီကုန်သည်ကြီးများ အသင်းအဖွဲ့များ မြို့နယ်စားအုန်းဆီ ကိုယ်စားလှယ် ဦးရဲဝင်းကျော်၊ စားသုံးသူရေးရာဦးစီးဌာနမှ မြို့နယ်တာဝန်ခံ ဒေါ်ကျော့ကေခိုင်တို့မှ ပူးပေါင်းဆောင်ရွက်၍ ရောင်းချပေးခဲ့ပြီး စားအုန်းဆီ (၁)ပိဿာလျှင် ဘူးအပါ (၈၃၃၃)နှုန်းဖြင့် ပင်စင်စားဝန်ထမ်း (၁)ဦးလျှင် (၃)ပိဿာနှုန်းဖြင့် ဆီပိဿာချိန် (၂၄၀၀)ပိဿာခန့် လာရောက်ဖြန့်ဖြူး ရောင်းချပေးခဲ့ကြောင်း သိရှိရပါသည်။
DOCA(ရန်ကုန်)