သန်လျင်ခရိုင်၊ သန်လျင်မြို့၊ ကျိုက်ခေါက်ဘုရားလမ်းရှိ A To Z Home Center သို့ စားသုံးသူ ရေးရာဦးစီးဌာန၊ ရန်ကုန်တောင်ပိုင်းခရိုင် ဦးစီးမှူးရုံးမှ ခရိုင်ဦးစီးမှူးနှင့် ဝန်ထမ်းများ၊ ကုန်သွယ်ရေးဦးစီးဌာနနှင့် ပူးပေါင်း၍ မေလ(၂၃)ရက်နေ့၊ နေ့လည် (၁၄:၀၀) နာရီအချိန်တွင် သန်လျင်မြို့၊ ကျိုက်ခေါက်ဘုရားလမ်းရှိ A To Z Home Center အတွင်း ရောင်းချလျက်ရှိ သည့် TV များတွင် ကုန်အညွှန်းအမှတ်အသား ပြည့်စုံစွာ ဖော်ပြထားခြင်းရှိ/မရှိ ကွင်းဆင်း စစ်ဆေးခဲ့ကြောင်း သိရှိရသည်။
ထိုသို့ ကွင်းဆင်းစစ်ဆေးရာတွင် တောင်ပိုင်းခရိုင်ဦးစီးမှူး၊ လက်ထောက်ညွှန်ကြားမှူး ဦးအောင်စိုးမိုးက ဆိုင်အတွင်းရောင်းချလျက်ရှိသည့် TV များတွင် ကုန်အညွှန်းအမှတ်အသား ပြည့်စုံစွာဖော်ပြထားခြင်းရှိ/မရှိ လိုက်လံကြည့်ရှု့စစ်ဆေးခဲ့ပြီး ကုန်အညွှန်းအမှတ်အသား ပြည့်စုံစွာ ဖော်ပြထားခြင်းမရှိသည့် ကုန်စည်များအပေါ်တွင် မြန်မာနိုင်ငံ စားသုံးသူကာကွယ်ရေး ကော်မရှင်၏ ညွှန်ကြားချက်အမှတ်(၂/၂၀၁၉) တွင် ဖော်ပြထားသည့်အတိုင်း ကုန်အညွှန်း အမှတ်အသား ပြည့်စုံစွာ ဖော်ပြရမည်ဖြစ်ကြောင်း အသိပညာပေး ရှင်းလင်းပြောကြားခဲ့ပြီး ကုန်သွယ်ရေးဦးစီးဌာနမှလည်း အဆိုပါကုန်စည်များ တင်သွင်းဖြန့်ဖြူး ရောင်းချလျက်ရှိသည့် အခြေအနေအား အသေးစိတ်မေးမြန်းကာ ကွင်းဆင်းစစ်ဆေးခဲ့ကြောင်း သိရှိရပါသည်။
DOCA(ရန်ကုန်)