စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ဒုခရိုင်ဦးစီးမှူး ဦးမျိုးအေးနှင့်ဝန်ထမ်းများ၊ အထူးစုံစမ်းစစ်ဆေးရေးဦးစီးဌာနမှ စုံစမ်းရေးမှူး ဦးအောင်စိုးမိုးတို့နှင့်အတူ မှော်ဘီမြို့နယ် အတွင်းရှိ စားအုန်းဆီလက်လီအရောင်းဆိုင်သို့ (၂၇.၅.၂၀၂၅)ရက်နေ့ နေ့လယ်(၀၁:၅၀) နာရီအချိန်တွင် ကွင်းဆင်းစစ်ဆေးခြင်းလုပ်ငန်းများ ဆောင်ရွက်ခဲ့ပါသည်။
ထိုသို့ ဆောင်ရွက်ခဲ့ရာတွင် စားအုန်းဆီလက်လီကိုယ်စားလှယ်အဖြစ် ရောင်းချနေသော ရှမ်းမင်းသားဆိုင်မှာ မိမိရရှိသောခွဲတမ်းများကို စာအုပ်စနစ်ဖြင့် အိမ်ထောင်စုတစ်စုလျှင် (၅၀)ကျပ်သား နှုန်းဖြင့် အိမ်ထောင်စုတစ်စုလျှင် တစ်လကို (၂)ပိဿာနှုန်းဖြင့် ခွဲဝေပေးထားပါကြောင်း၊ ရပ်ကွက်တွင် လည်းစနစ်တကျ ရောင်းချပေးပါကြောင်း၊ ဈေးနှုန်းမြှင့်တင်ရောင်းချခြင်းများ မရှိပါကြောင်း၊ ဈေးနှုန်းမြှင့်တင်ရောင်းချခြင်းလည်း မရှိပါကြောင်း၊ လက်ကျန်လည်းမထားရှိပါကြောင်း သိရှိရပါသည်။
DOCA (ရန်ကုန်)