“ခရမ်းမြို့နယ်၌ ဥစားကြက်မွေးမြူခြံများအား ဌာနဆိုင်ရာပူးပေါင်းအဖွဲ့ဖြင့် ကွင်းဆင်းစစ်ဆေးခြင်း”

              မွေးမြူရေးလုပ်ငန်းများအနက် ကြက်ဥသည် စားသုံးသူပြည်သူများ၏နေ့စဉ် လိုအပ်ချက်အတွက် အရေးကြီးဆုံး ထုတ်ကုန်တစ်ရပ်ဖြစ်ပြီး စားသုံးသူပြည်သူများ သက်သာသောဈေးနှုန်းများဖြင့် လွယ်ကူစွာဝယ်ယူနိုင်စေရန်နှင့် စားနပ်ရိက္ခာဖူလုံမှုရှိစေရန်ကို ရည်ရွယ်၍ ရန်ကုန်တိုင်းဒေသကြီး၊ သန်လျင်ခရိုင်၊ ခရမ်းမြို့နယ်အတွင်းရှိ ဥစားကြက်မွေးမြူ ရေးခြံများအား ဌာနဆိုင်ရာပူးပေါင်းအဖွဲ့ဖြင့် မေလ(၂၇)ရက်နေ့၊ နေ့လယ်(၁၃း၀၀)နာရီအချိန်တွင် မြေပြင်ကွင်းဆင်းစစ်ဆေးခဲ့ကြောင်း သိရှိရပါသည်။

               ထိုသို့ကွင်းဆင်းစစ်ဆေးရာတွင် မြို့နယ်အထွေထွေအုပ်ချုပ်ရေးဦးစီးဌာန မြို့နယ်အုပ်ချုပ်ရေးမှူး ဦးအောင်ရဲ ဦးဆောင်၍ မြို့နယ်မွေးမြူရေးနှင့်ကုသရေးဦးစီးဌာန မြို့နယ်ဦးစီး မှူး ဒေါက်တာစုစုလှဝင်း၊ မြို့နယ်ငါးလုပ်ငန်းဦးစီးမှူး ဦးမျိုးတင့်၊ စားသုံးသူရေးရာဦးစီးဌာနမှ မြို့နယ်တာဝန်ခံ ဒေါ်ကျော့ကေခိုင်၊ မြို့နယ်စည်ပင်သာယာရေးအဖွဲ့ အမှုဆောင်အရာရှိ ဦးဇော်နိုင်ဦးတို့ပါဝင်သော ပူးပေါင်းအဖွဲ့သည် ခရမ်းမြို့နယ်၊ သက္ကယ်ကုန်းကျေးရွာတွင် မွေးမြူထားသော အောင်စံကောင်း ကြက်မွေးမြူရေးခြံ(၉)ခြံနှင့် ဦးချစ်စံ၏ ဦးချစ်စံ၏ ကြက်မွေးမြူရေးခြံ(၂)ခြံတို့ရှိ မွေးမြူထားသော ကြက်ကောင်ရေ(၁)ရက် ကြက်ဥအထွက်နှုန်း၊ ရာသီဥတုဒဏ်ကြောင့် ကြက်ကောင်ရေလျော့ကျမှုအခြေအနေ ရှိ/မရှိနှင့် ကြက်ဥရောင်းချ ဖြန့်ဖြူးရောင်းချမှုဈေးကွက်အခြေအနေ၊ ကြက်ဥ(၁)လုံး၏ ထုတ်လုပ်ကုန်ကျစရိတ်များအား စုံစမ်းခြင်းများပြုလုပ်၍ ကြက်ခြံများအား ကွင်းဆင်းစစ်ဆေးခြင်းများ ဆောင်ရွက်ခဲ့ကြောင်း သိရှိရပါသည်။