ပြည်ပကုန်သွယ်မှုသတင်းများ

         ကုန်စည်နှင့် အခြားထုတ်ကုန်များစွာအတွက် ပို့ကုန်အခွန်ပြန်အမ်းပေးမှုကိုလျှော့ချမည် သို့မဟုတ် ပယ်ဖျက်မည်ဖြစ်ကြောင်း တရုတ်ဘဏ္ဍာရေးဝန်ကြီးဌာနမှ သောကြာနေ့တွင် ဖြေကြားခဲ့သည်။ တရုတ်နိုင်ငံသည် သန့်စင်ပြီး ရေနံထွက်ကုန်တချို့၊ ဓာတ်ရောင်ခြည်သုံးပစ္စည်းများဘတ်ထရီနှင့် သတ္တုမဟုတ်သော တွင်းထွက်ပစ္စည်းတချို့တို့အတွက် ပို့ကုန်အခွန်ပြန်အမ်းနှုန်းကို ၁၃% မှ ၉% အထိလျှော့ချမည်ဖြစ်သည်။ အလူမီနီယမ်နှင့် ကြေးနီထုတ်ကုန်များ၊ ဓာတုဗေဒနည်းဖြင့် ပြုပြင်ထားသောတိရိစ္ဆာန်၊ အပင် သို့မဟုတ် အဏုဇီဝဆီများနှင့် အဆီများအတွက် ပြန်အမ်းငွေကိုလည်းပယ်ဖျက်သွားမည်ဖြစ်သည်။ ကုန်သည်များသည် နိုင်ငံခြား သို့မဟုတ် တရုတ်အလူမီနီယမ်အများအပြားစီးဆင်းမှုကို ဟန့်တားနိုင်မည်ဟုမျှော်လင့်ထားကြသောကြောင့် လန်ဒန်သတ္တုအိတ်ချိန်းတွင် အလူမီနီယမ်ဈေးနှုန်းများခုန်တက်သွားခဲ့သည်။ အဆိုပါသတင်းသည် အပြောင်းအလဲများကြောင့် တရုတ်စားသုံးဆီများကိုပါ အကျုံးဝင်မည်ဟုထင်သောကြောင့် အမေရိကန်ပဲဆီဈေးနှုန်းများ သိသိသာသာမြင့်တက်စေခဲ့သည်။ ဇီဝလောင်စာအတွက်အသုံးပြုရန် တရုတ်နိုင်ငံမှ စားသုံးဆီများ၊ အမေရိကန်နှင့် ဥရောပသို့ တင်ပို့ရောင်းချမှုသည် ပဲဆီကဲ့သို့သော ပြည်တွင်းထုတ်အစားအစာများကို စိန်ခေါ်လျက်ရှိသည်။ တရုတ်နိုင်ငံ၏ အသုံးပြုပြီးသား ဟင်းချက်ဆီတင်ပို့မှုသည် ဓာတုဗေဒနည်းအရ ပြုပြင်ထားသောတိရိစ္ဆာန်၊ အပင် သို့မဟုတ် အဏုဇီဝဆီများနှင့် အဆီအမျိုးအစား၏ အကောက်ခွန်အောက်တွင် ကျရောက်လေ့ရှိပြီး ပို့ကုန်ပြန်အမ်းငွေများကိုလည်း ဖျက်သိမ်းသွားမည်ဖြစ်သည်။

Source : Reuters

DOCA(ရန်ကုန်)

                  တောင်အာရှသည် ဗီယက်နမ်၏အဓိကပို့ကုန်များအတွက် သင့်လျှော်သည့်တည်ငြိမ်မှုရှိသော စားသုံးသူဝယ်လိုအားနှင့် ကျယ်ပြန့်သည့်စျေးကွက်ဖြစ်သော်လည်း ထိုဒေသတွင် ကုန်သွယ်ရေးအလားအလာသည် အပြည့်အဝရောက်ရှိရန်ဆက်လက်ကျန်ရှိနေသေးကြောင်း ဗီယက်နမ်နိုင်ငံ ဟိုချီမင်းမြို့တွင် နိုဝင်ဘာလ၁၃ ရက်နေ့ကကျင်းပခဲ့သည့် အလုပ်ရုံဆွေးနွေးပွဲတွင် ကျွမ်းကျင်သူများကပြောကြားခဲ့ကြောင်းသိရပါသည်။ ထိုအလုပ်ရုံဆွေးနွေးပွဲကို International Integration Support အတွက်ဟိုချီမင်းမြို့တော်စင်တာ (CIIS)၊ စက်မှုနှင့် ကုန်သွယ်ရေးဝန်ကြီးဌာန၏ အာရှ-အာဖရိကစျေးကွက်ဦးစီးဌာနကပူးတွဲကျင်းပခဲ့ခြင်းဖြစ်ပြီး ဒေသတွင်သိသာထင်ရှားသော အခွင့်အလမ်းများကိုအသားပေးဆွေးနွေးခဲ့ကြောင်း သိရပါသည်။ အာရှ-အာဖရိက စျေးကွက်ဦးစီးဌာန၏ညွှန်ကြားရေးမှူးဖြစ်သူ Do Quoc Hung ၏အဆိုအရ နိုင်ငံပေါင်း၈နိုင်ငံနှင့် လူဦးရေ ၂ ဘီလီယံကျော်နှင့် အားကောင်းသောဝယ်လိုအားရှိသော ထိုဒေသသည် ဗီယက်နမ် အတွက် အာမခံချက်ရှိသောစျေးကွက်တစ်ခုဖြစ်ကြောင်းသိရပါသည်။ တောင်အာရှသည်စက်ပစ္စည်းများ၊ အီလတ်ထရောနစ်ပစ္စည်းများ၊ ဓာတုပစ္စည်းများ၊‌ ဆောက်လုပ်ရေးလုပ်ငန်းသုံး ပစ္စည်းများ၊အဝတ်အထည်၊ အထည်အလိမ်နှင့် စိုက်ပျိုးရေးထုတ်ကုန်များပါဝင်သည့် ဗီယက်နမ်ပို့ကုန်များအတွက် သိသာထင်ရှားသောအခွင့်အလမ်းများကို ပေးစွမ်းနိုင်သော်လည်း ၂၀၂၃ ခုနှစ်တွင် တင်ပို့မှုမှာအမေရိကန်ဒေါ်လာ ၁၆.၃ ဘီလီယံသာရှိခဲ့ပြီး နိုင်ငံ၏အာရှ-အာဖရိကသို့ စုစုပေါင်းတင်ပို့မှု၏ ၄% ထက်လျှော့နည်းသောကြောင့် ကုန်သွယ်မှုပမာဏမှာ အလားအလာအောက်တွင်သာ ဆက်လက်တည်ရှိနေကြောင်းသိရပါသည်။ ဗီယက်နမ်နိုင်ငံအကောက်ခွန်အထွေထွေဦးစီးဌာန၏အချက်အလက်များအရ ယခုနှစ်ပထမ ၁၀ လအတွင်း ဗီယက်နမ်နှင့် တောင်အာရှနိုင်ငံများအကြား အပြန်အလှန်ကုန်သွယ်မှုပမာဏမှာ အမေရိကန်ဒေါ်လာ ၁၄.၄ ဘီလီယံရှိခဲ့ပြီး၂၀၂၃ခုနှစ်တူညီသည့် ကာလထက် ၆% မြင့်တက်ခဲ့ကြောင်းသိရပါသည်။ ဗီယက်နမ် ကတင်ပို့မှုမှာ အမေရိကန်ဒေါ်လာ၉.၃ ဘီလီယံရှိပြီး ၁၂% မြင့်တက်ခဲ့ကြောင်းသိရပါသည်။သို့သော်အတွေ့အကြုံအကန့်အသတ်ရှိနေခြင်း၊ စျေးကွက် အတွေ့အကြုံနည်းပါးခြင်း၊ တင်ပို့ရန်အတွက် တင်းကျပ်သောနည်းစနစ်အတားအဆီးများရှိနေခြင်းနှင့် စျေးကွက်တွင်ကာကွယ်ရေး စီမံချက်များမြင့်တက်လာခြင်းတို့ကြောင့် ဗီယက်နမ်လုပ်ငန်းများသည် စျေးကွက်သို့အပြည့်အဝဝင်ဆံ့ခြင်းမရှိသေးကြောင်းသိရပါသည်။ CIIS ၏ဒုတိယညွှန်ကြားရေးမှူးဖြစ်သူHuynh Minh Vu ကစျေးကွက်သတင်းအချက်အလက်မလုံလောက်မှု၊ ရှုပ်ထွေးသောစီးပွားရေးဝန်းကျင်နှင့် စီးပွားရေးအလေ့အကျင့်နှင့်ယဉ်ကျေးမှုကွဲပြားခြင်းတို့ကြောင့် ဗီယက်နမ်လုပ်ငန်းများသည်စျေးကွက်စူးစမ်းရှာဖွေရန်တွန့်ဆုတ်နေကြ ကြောင်းပြောကြားခဲ့ပါသည်။ ထို့ပြင်တောင်အာရှနိုင်ငံများသည် IT၊ ပြည့်ဖြိုးမြဲစွမ်းအင်နှင့် ဆေးဘက်ဆိုင်ရာပစ္စည်းများထုတ်လုပ်ခြင်းကဏ္ဍတို့တွင် စျေးကွက်များကွဲပြားရှာဖွေလာခြင်းကြောင့် ဗီယက်နမ်လုပ်ငန်းများအတွက် အဝတ်အထည်၊ အထည်အလိပ်နှင့် စိုက်ပျိုးရေးကဲ့သို့သော ရိုးရှင်းသောလုပ်ငန်းနယ်ပယ်ကိုကျော်လွန်ကာ အခွင့်အလမ်းများပေါ်ပေါက်လာကြောင်းသိရပါသည်။ အိန္ဒိယနိုင်ငံဆိုင်ရာ ဗီယက်နမ်ကုန်သွယ်ရေးအတိုင်ပင်ခံပုဂ္ဂိုလ်ဖြစ်သူ Bui Trung Thuong ကတောင်အာရှသို့အောင်မြင်သောစျေးကွက်လမ်းကြောင်းရရှိရန် စီးပွား‌ရေးလုပ်ငန်းများသည် စျေးကွက်ရှာဖွေမှုကနဦးစတင်ရန်၊ မဟာဗျူဟာများတည်ထောင်ရန်နှင့် ထုတ်ကုန်များကိုအသစ်ပြုပြင်ဖန်တီးရန်လိုအပ်ကြောင်းပြောကြားခဲ့ပါသည်။ ထို့ပြင်ရေရှည်တွင် ဗီယက်နမ်သည် ထိုစျေးကွက်တွင် ဗီယက်နမ်ထုတ်ကုန်များ၏ ယှဉ်ပြိုင်နိုင်စွမ်းကိုမြှင့်တင်ရန် ၎င်းတို့၏ထောက်ပံ့ပို့ဆောင်ရေးစနစ်နှင့် သယ်ယူပို့ဆောင်ရေးစင်္ကြန်ကို ဖွံဖြိုးတိုးတက်အောင်ဆောင်ရွက်ပြီး သယ်ယူမှုကုန်ကျစရိတ်ကိုလျှောချသင့်ကြောင်း Thuong ကဆက်လက် ပြောကြားခဲ့ပါသည်။

VietnamPlus

DOCA(ရန်ကုန်)        

               အိန္ဒိယနိုင်ငံသို့ အမေရိကန်မှ ကြက်ဆင်ထုတ်ကုန်များပထမဆုံးအကြိမ်တင်ပို့မှုသည် ၁၁.၁၂.၂၀၂၄ (အင်္ဂါနေ့) ကစတင်ခဲ့ပြီး နှစ်နိုင်ငံအကြားကုန်သွယ်မှုဆက်ဆံရေးတွင် ခြေလှမ်းအသစ်တစ်ရပ်အဖြစ်မှတ်တမ်းဝင်ခဲ့သည်။ အမေရိကန်ကြက်ဆင်ထုတ်ကုန်များအပေါ် အခွန်မြင့်မားစွာလျော့ချရန် အမေရိကန်တောင်းဆိုချက်ကို အိန္ဒိယမှသဘောတူပြီးတစ်နှစ်ကျော်အကြာတွင် အဆိုပါတင်ပို့မှုစတင်ခဲ့ခြင်းဖြစ်သည်။ ဆီးနိတ် India Cacus ၏ ပူးတွဲ ဥက္ကဋ္ဌလည်းဖြစ်သည့် -Virginia မှ အမေရိကန်အထက်လွှတ်တော်အမတ် Mark Worner မှ ၎င်းသည် နိုင်ငံတကာကုန်သွယ်မှုသမိုင်းဝင်မှတ်တိုင်တစ်ခုဖြစ်ပြီး ကမ္ဘာ့ဈေးကွက်တွင် အမေရိကန်ကြက်ဆင်ထုတ်ကုန်များ၏ လက်လှမ်းမီမှုကိုတွင်ကျယ်စေပြီး အမေရိကန်ကြက်ဆင်မွေးမြူသူများအတွက်လည်း လမ်းကြောင်းအသစ်များဖွင့်လှစ်ပေးနိုင်ခဲ့ကြောင်း ပြောကြားခဲ့သည်။ နှစ်နိုင်ငံပေါင်းဆောင်ရွက်မှုဖြင့် ကုန်သွယ်မှုသဘောတူညီချက်နှင့် အကောက်ခွန်လျော့ချနိုင်ရေးတို့ကြောင့် ယခုကဲ့သို့တင်ပို့မှုစတင်ခဲ့ခြင်းဖြစ်သည်။ ယခုလပထမအကြိမ်တင်ပို့မှုသည် အမေရိကန်-အိန္ဒိယကုန်သွယ်မှုဆက်ဆံရေး ခိုင်မာမှုကိုသက်သေပြခဲ့ပြီး အစားအစာကွဲပြားမှုနှင့် အရည်အသွေးကိုတိုးချဲ့ရန်ဟူသောကတိကဝတ်ကိုရောင်ပြန်ဟပ်လျက်ရှိကြောင်း National Turkey Federation ၏ CEO ဖြစ်သူ Leslee Oden မှပြောကြားခဲ့သည်။ ၂၀၂၃ ခုနှစ်စက်တင်ဘာလတွင် ကြေညာခဲ့သောကုန်သွယ်ရေးသဘောတူညီချက်အရ အိန္ဒိယသည် အမေရိကန်ကြက်ဆင်ထုတ်ကုန်များအပေါ် အကောက်ခွန်များကိုဖယ်ရှားကာ နိုင်ငံလျှင်မြန်စွာကြီးထွားနေသောဈေးကွက်သို့ တို့မြင့်ဝင်ရောက်နိုင်ရေးအတွက် လမ်းခင်းပေးခဲ့ကြောင်းသိရှိရပါသည်။

Source: PTI

DOCA(ရန်ကုန်)        

                အင်ဒိုနီးရှားသမ္မတ Prabowo Subianto နှင့် အမေရိကန်သမ္မတ Joe Biden တို့သည် နှစ်နိုင်ငံစလုံးအတွက် ကုန်သွယ်မှုအခွင့်အလမ်းများကိုမြှင့်တင်ခြင်းအားဖြင့် စီးပွားရေးဆက်ဆံမှုနက်ရှိုင်းစေရန် သဘောတူညီခဲ့ကြကြောင်းသိရပါသည်။ ထိုသဘောတူညီချက်သည် အမေရိကန်နိုင်ငံဝါရှင်တန်မြို့တော်ရှိ သမ္မတအိမ်ဖြူ‌တော်တွင်ပြုလုပ်သည့်  ၎င်းတို့၏အစည်းအဝေးတွင် ရရှိခဲ့ခြင်းဖြစ်ကြောင်း whitehouse.gov website တွင်ထုတ်ပြန်ချက်အရသိရပါသည်။ ပူးတွဲထုတ်ပြန်ချက်အရ  ခေါင်းဆောင်နှစ်ဦးသည် နှစ်နိုင်ငံစလုံးမှပြည်သူများ၏ လူနေမှုဘဝတိုးတက်ကောင်းမွန်ရန် တည်ငြိမ်မှု၊ ဆန်းသစ်တီထွင်မှုနှင့် စီးပွားရေးဖွံ့ဖြိုးတိုးတက်မှုကို တွန်းအားပေးဆောင်ရွက်ရန်သဘောတူညီခဲ့ကြကြောင်းသိရပါသည်။ အစည်းအဝေးတွင် ၎င်းတို့၏ Open Government Partnership (OGP)တွင်အဖွဲ့ဝင်အဖြစ်ပါဝင်ထားမှုအရ အစိုးရအဖွဲ့တွင် အများပြည်သူပါဝင်ပတ်မှု၊ တာဝန်ယူမှုနှင့် ပွင့်လင်းမြင်သာမှုရှိမှု၏စည်းမျဥ်းများ အားကောင်း စေရေးအတွက် ၎င်းတို့၏အာမခံမှုကို အသားပေးပြောကြာခဲ့ကြောင်းသိရပါသည်။ ထို့ပြင် ခေါင်းဆောင်နှစ်ဦးသည်မျှတသောကုန်သွယ်မှု၊ လူ့အခွင့်အရေးနှင့်အလုပ်သမား အခွင့်အရေးတို့ကို အခြေခံသောစီးပွားရေးစည်းမျဥ်းများနှင့်အညီ စီးပွားရေးမူဝါဒများတွင် ပူးပေါင်းဆောင်ရွက်မှုနက်ရှိုင်းစေရန် အလေးအနက်ထားပြောကြားခဲ့ကြောင်းသိရပါသည်။  အိမ်ဖြူတော်ထုတ်ပြန်ချက်အပေါ်အခြေခံ၍ ထိုထုတ်ပြန်ချက်သည် နှစ်နိုင်ငံစလုံးအတွက် ဒေသတွင်းစီးပွားရေးမိတ်ဖက်များ တိုးချဲ့ရာတွင်အရေးပါသည့် Indo-Pacific Economic Framework for Prosperity(IPEF) အရဟုသိရပါသည်။ နှစ်ဖက်စလုံးသည် အမေရိကန်-အင်ဒိုနီးရှားကုန်သွယ်မှုကို တွန်းအားပေးရာတွင် Generalized System of Preferences (GSP)၏ အရေးပါသည့်ကဏ္ဍကို အသိအမှတ်ပြုခဲ့ကြကြောင်း သိရပါသည်။ ထိုပူးပေါင်းဆောင်ရွက်မှုအားကောင်းစေရန် Biden နှင့် Prabowo တို့သည် အမေရိကန်-အင်ဒိုနီးရှားကုန်သွယ်ရေးနှင့် ရင်းနှီးမြှုပ်နှံမှု မူဘောင်သဘောတူညီချက်အရ ဆက်လက်ဆွေးနွေးပွဲများပြုလုပ်ရန်နှင့် ဗျူဟာမြောက်စီးပွားရေးဆွေးနွေးပွဲများဆောင်ရွက်ရန် ဖြစ်နိုင်ချေများကိုရှာဖွေသွားရန် သဘောတူခဲ့ကြကြောင်းသိရှိရပါသည်။

Antara News

DOCA(ရန်ကုန်)

                 အိန္ဒိယနိုင်ငံသည် တရုတ်၊ တောင်ကိုရီးယားနှင့်ထိုင်းနိုင်ငံတို့မှ ကော်စက်ရုံများတွင် အဓိကအသုံးပြုသည့် ဓာတုဗေဒပစ္စည်းတစ်တန်လျှင် ဒေါ်လာ ၅၅၇ အထိကြွေးမြုပ်တိုက်ဖျက်ရေး အခွန်ကိုငါးနှစ်သတ်မှတ်ခဲ့ပြီး ဈေးပေါသောသွင်းကုန်များမှပြည်တွင်းထုတ်လုပ်သူများအား အကာအကွယ်ပေးနိုင်ရန်အတွက်ချမှတ်ခြင်းဖြစ်ကြောင်းသိရသည်။ အမိန့်ကြော်ငြာစာအရ ချမှတ်ထားသောမြှုပ်နှံမှုတိုက်ဖျက်ရေးအခွန်အား (ပြန်လည်ရုတ်သိမ်းခြင်းအစားထိုးခြင်း သို့မဟုတ် ပြင်ဆင်ခြင်းမပြုပါက) ငါးနှစ်အထိစည်းကြပ်သွားမည်ဖြစ်ကြောင်း အခွန်ဦးစီးဌာန၏အမိန့်ကြေငြာစာတွင်ဖော်ပြထားသည်။ ထိုအခွန်အား ကူးသန်းရောင်းဝယ်ရေးဝန်ကြီးဌာန၏ စမ်းစစ်ရေးလက်ရုံးကုန်သွယ်မှုကုစားရေးညွှန်ကြားရေးမှူးချုပ်(DGTR) မှ အလားတူအကြံပြုချက်များအတိုင်း စည်းကြပ်ကောက်ခံခြင်းဖြစ်သည်။ တန်ပြန်အရေးယူမှုအနေဖြင့် ၎င်းတို့သည် Geneva အခြေစိုက်ကမ္ဘာကုန်သွယ်ရေးအဖွဲ့ (WTO) ၏နိုင်ငံပေါင်းစုံအစိုးရ အောက်တွင် အဆိုပါတာဝန်များကိုချမှတ်ထားကြောင်းသိရှိရပါသည်။

Source: business-standard

DOCA(ရန်ကုန်)