ပြည်ပကုန်သွယ်မှုသတင်းများ

 ကမ္ဘောဒီးယားနိုင်ငံတော် အကြီးအကဲ Hun Sen က ကမ္ဘောဒီးယားနှင့် ဖိလစ်ပိုင်နိုင်ငံ  တို့သည် ကုန်သွယ်မှုနှင့် ခရီးသွားလုပ်ငန်းကဏ္ဍများတွင် ပူးပေါင်းဆောင်ရွက်မှု ပိုမိုအားကောင်း လာမည်ဟု မျှော်လင့်ကြောင်း ထုတ်ဖော်ပြောကြားခဲ့သည်။ ကမ္ဘောဒီးယားနိုင်ငံသို့ သုံးရက်ကြာ နိုင်ငံတော် အလည်အပတ်ရောက်ရှိနေသော ဖိလစ်ပိုင်သမ္မတ Ferdinand Romualdez Marcos Jr. နှင့် Hun Sen တို့ ၉-၉-၂၀၂၅ ရက်နေ့၊ နံနက်က ငြိမ်းချမ်းရေးနန်းတော်၌ ထိပ်သီးတွေ့ဆုံမှုတွင် ယင်းသို့ ပြောကြားခဲ့ခြင်း ဖြစ်ကြောင်း အထက်လွှတ်တော် ပြောရေးဆိုခွင့် ရှိသူ Chea Thyrith က ပြောသည်။ အဆိုပါ အခမ်းအနားတွင် Hun Sen သည် Marcos Jr. နှင့် ၎င်း၏ ကိုယ်စားလှယ်အဖွဲ့အား နှုတ်ခွန်းဆက်စကား ပြောကြားပြီး နှစ်နိုင်ငံ ပူးပေါင်း ဆောင်ရွက်မှု အထူးသဖြင့် ကုန်သွယ်မှုနှင့်ခရီးသွားလုပ်ငန်းတွင် ချဲ့ထွင်နိုင်မည်ဟု အကောင်းမြင်ကြောင်း ပြောကြားခဲ့သည်။ ကမ္ဘောဒီးယားနိုင်ငံမှ Techo အပြည်ပြည်ဆိုင်ရာ လေဆိပ်အသစ်ကို ၉-၉-၂၀၂၅  ရက်နေ့တွင် စတင်ဖွင့်လှစ် အသုံးပြုမည်ဖြစ်ပြီး နှစ်နိုင်ငံအကြား ခရီးသွားများ တိုးပွားလာစေရန် ဝင်ပေါက်တစ်ခုအဖြစ် ဆောင်ရွက်မည်ဖြစ်ကြောင်း Hun Sen  က မှတ်ချက်ပြုခဲ့သည်။ Marcos Jr လေဆိပ်သစ်သည် ခရီးသွားလုပ်ငန်းကို မြှင့်တင်ပေးရုံ သာမက ကမ္ဘောဒီးယားနှင့် ဖိလစ်ပိုင်နိုင်ငံတို့အကြား ပြည်သူများအကြား ပိုမိုခိုင်မာသော ချိတ်ဆက်မှုကိုလည်း မြှင့်တင်ပေးမည်ဖြစ်ကြောင်း ပြောကြားခဲ့သည်။ တွေ့ဆုံမှုအတွင်း ဟွန်ဆန်က လက်ရှိ ကမ္ဘောဒီးယား-ထိုင်းနယ်စပ် တင်းမာမှုများအကြောင်း Marcos Jr ကို ရှင်းလင်းပြောကြားခဲ့ပြီး နယ်စပ်ပဋိပက္ခအတွက် ငြိမ်းချမ်းစွာဖြေရှင်းနည်းများ အထူးသဖြင့် လက်ရှိဖြစ်ပေါ်နေသော အပစ်အခတ်ရပ်စဲရေး သဘောတူညီချက်အား ဖိလစ်ပိုင်နိုင်ငံမှ ပံ့ပိုး ပေးသည့်အတွက် ကျေးဇူးတင်ရှိကြောင်း ပြောကြားခဲ့သည်။ 

DOCA(ရန်ကုန်)

ကမ္ဘောဒီးယားနိုင်ငံ၊ ဖွံ့ဖြိုးတိုးတက်ရေးကောင်စီ (CDC) ၏ ဒုတိယဥက္ကဋ္ဌ (၁) Sun Chanthol သည် ကုမ္ပဏီ ၁၇ ခုမှ ကိုယ်စားလှယ်အဖွဲ့အားဦးဆောင်ပြီး ရင်းနှီးမြှုပ်နှံမှုဆိုင်ရာ အခွင့်အလမ်းများ ရှာဖွေရန်နှင့် စက်တင်ဘာ ၇ ရက်မှ ၁၂ ရက်အထိ တရုတ်နိုင်ငံသို့ Fujian ပြည်နယ်၊ Xiamen မြို့၌ ကျင်းပသည့် ၂၅ ကြိမ်မြောက် China International Fair for Investment and Trade (CIFIT) သို့ သွားရောက်တွေ့ဆုံခဲ့သည်။ ကိုယ်စားလှယ်အဖွဲ့အား Fujian ပြည်နယ် အုပ်ချုပ်ရေးမှူး Zhao Long မှ လက်ခံတွေ့ဆုံခဲ့ကြောင်း Chanthol က ၇-၉-၂၀၂၅ ရက်နေ့က ၎င်း၏ လူမှုကွန်ရက်တွင် ရေးသားဖော်ပြခဲ့သည်။ တွေ့ဆုံစဉ် Zhao က CIFIT တွင် ကမ္ဘောဒီးယား၏ ပူးပေါင်းပါဝင်မှုကို ကျေးဇူးတင်ကြောင်း ပြောကြားပြီး ကမ္ဘာလုံးဆိုင်ရာ ရင်းနှီးမြှုပ်နှံမှု ပူးပေါင်းဆောင်ရွက်မှုအတွက် တရားမျှတသော ပလက်ဖောင်းအဖြစ် မြှင့်တင်ရန် တရုတ်သမ္မတ Xi Jinping ၏ ကြိုးပမ်းမှုများကို အလေးပေးပြောကြားခဲ့သည်။ ကမ္ဘောဒီးယားနှင့် တရုတ်နိုင်ငံတို့အကြား အထူးသဖြင့် Fujian ပြည်နယ်တို့အကြား ဆက်ဆံရေးသည် ကုန်သွယ်မှု နှင့် ရင်းနှီးမြှုပ်နှံမှုတွင် ပိုမိုအားကောင်းလာစေရန် မျှော်လင့်ကြောင်း ပြောကြားခဲ့သည်။  Chanthol က ကမ္ဘောဒီးယား ကိုယ်စားလှယ်အဖွဲ့၏ ပူးပေါင်းပါဝင်မှု အထူးသဖြင့် ကမ္ဘောဒီးယား ကုမ္ပဏီ ၁၇ ခု၏ ပါဝင်မှု၏ အရေးပါမှုကို အလေးပေးပြောကြားခဲ့ပြီး တရုတ်ရင်းနှီးမြှုပ်နှံသူများ နှင့် မိတ်ဖက်ဆက်ဆံရေး အခွင့်အလမ်းများ တိုးမြှင့်ပေးရန်၊ ကမ္ဘောဒီးယားနိုင်ငံသို့ ဆက်လက်ပံ့ပိုးပေးမှုအတွက် တရုတ်အစိုးရကို ကျေးဇူးတင်ကြောင်း ပြောကြားခဲ့သည်။ တရုတ် နိုင်ငံသည် ရင်းနှီးမြှုပ်နှံမှုနှင့် ကုန်သွယ်မှုတွင် ကမ္ဘောဒီးယား၏ အကြီးဆုံးမိတ်ဖက်အဖြစ် ဆက်လက်တည်ရှိနေကြောင်း၊ ကမ္ဘောဒီးယားနိုင်ငံတွင် ရင်းနှီးမြှုပ်နှံသူများကို တိုးချဲ့ဖို့ တရုတ်အစိုးရရဲ့အားပေးမှုကို ကျေးဇူးတင်ရှိကြောင်းနှင့် အထူးသဖြင့် CIFIT ပလက်ဖောင်းမှတဆင့် ကမ္ဘောဒီးယားနိုင်ငံသို့ တရုတ်ရင်းနှီးမြှုပ်နှံသူများ ဆွဲဆောင်ဖို့ ဒီအကူအညီကို ဆက်လက်တောင်းဆိုပါကြောင်း Chanthol  ကဆက်လက်ပြောကြားခဲ့သည်။ အခြေခံအဆောက်အအုံဆိုင်ရာ ပူးပေါင်းဆောင်ရွက်မှုတွင် Chanthol က ကမ္ဘောဒီးယားနိုင်ငံတွင် လမ်းနှင့်တံတားများတည်ဆောက်ရာတွင် တရုတ်၏အကူအညီအတွက် ကျေးဇူးတင်ရှိကြောင်း ပြောကြားခဲ့သည်။  ကမ္ဘောဒီးယားနှင့် တရုတ်နှစ်နိုင်ငံကြား ကုန်သွယ်မှုသည် ၂၀၂၅ ခုနှစ်၊ ပထမ (၇) လတွင် ကန်ဒေါ်လာ ၁၁ ဘီလီယံအထိ မြင့်တက်လာခဲ့ပြီး ယမန်နှစ် အလားတူကာလနှင့် နှိုင်းယှဉ်ပါက ၂၆ ရာခိုင်နှုန်း တိုးမြင့်လာခဲ့ကြောင်း အကောက်ခွန်နှင့် ကုန်စည်စီးဆင်းမှု ဦးစီးဌာန (GDCE) ၏ နောက်ဆုံးစာရင်းများအရ သိရသည်။

DOCA(ရန်ကုန်)

   ကမ္ဘောဒီးယားနိုင်ငံ၏ စီးပွားရေးနှင့် ယှဉ်ပြိုင်နိုင်စွမ်းကို မြှင့်တင်ရန်အတွက် ဒစ်ဂျစ်တယ် အစီရင်ခံခြင်း၊ လိုက်နာမှုနှင့် ကျွမ်းကျင်မှုဖွံ့ဖြိုးတိုးတက်ရေးကို မြှင့်တင်ရန် စာရင်းအင်းနှင့် စာရင်းစစ်စည်းမျဉ်းစည်းကမ်း (ACAR) လိုက်နာရန် စီးပွားရေးနှင့် ဘဏ္ဍာရေးဝန်ကြီးဌာန (MEF) မှ တိုက်တွန်းထားသည်။ Pornmoniroth က ပုဂ္ဂလိကနှင့် အစိုးရကဏ္ဍနှစ်ခုစလုံးအတွက် ဒစ်ဂျစ်တယ်နည်းပညာ အသုံးပြုခြင်း၏ အကျိုးကျေးဇူးများကို မီးမောင်းထိုးပြခဲ့ပြီး စီးပွားရေး လုပ်ငန်းများအတွက်၊ ဒစ်ဂျစ်တယ်နည်းပညာသည် လုပ်ငန်းဆောင်ရွက်မှု စွမ်းဆောင်ရည်ကို မြှင့်တင်ပေးခြင်း၊ ကုန်ကျစရိတ်များကို လျှော့ချပေးခြင်းနှင့် ထောက်ပံ့ရေး ကွင်းဆက်များကို အားကောင်းစေကာ စျေးကွက်ယှဉ်ပြိုင်နိုင်စွမ်းကို မြှင့်တင်ပေးသည် ဟုဆိုသည်။ အစိုးရကဏ္ဍ အတွက် ပြုပြင်ပြောင်းလဲမှုများ အကောင်အထည်ဖော်ရန်၊ လုပ်ထုံးလုပ်နည်းများကို ရိုးရှင်းလွယ် ကူစေရန်နှင့် ပိုမိုထိရောက်သော ပြည်သူ့ဝန်ဆောင်မှုများ ပေးဆောင်ရာတွင် အရေးကြီးကြောင်း၊ လုပ်ငန်းတစ်ခုလုံးကို အားကောင်းစေပြီး နိုင်ငံခြားတိုက်ရိုက်ရင်းနှီးမြှုပ်နှံမှုများကို ပိုမိုအားကောင်း စေကြောင်း Pornmoniroth က ဆက်လက်ပြောကြားခဲ့သည်။  Pornmoniroth က (Bureaucratic) ဗျူရိုကရက်တစ် ရှုပ်ထွေးမှုကို လျှော့ချရန်၊ ပြည်သူ့အုပ်ချုပ်ရေး စွမ်းဆောင် ရည်ကို မြှင့်တင်ရန်၊ စည်းမျဉ်း စည်းကမ်းများ လိုက်နာမှုကို အားဖြည့်ရန်နှင့် ရင်းနှီးမြှုပ်နှံသူ များနှင့် လုပ်ငန်းများ၏ လိုအပ်ချက်များကို ထိထိရောက်ရောက် တုံ့ပြန်ရန် ကမ္ဘောဒီးယား၏ အလုံးစုံသော စီးပွားရေး ပတ်ဝန်းကျင်ကိုမြှင့်တင်ရန် ရည်ရွယ်ထားကြောင်း Pornmoniroth က မှတ်ချက်ပြုခဲ့သည်။

DOCA(ရန်ကုန်)

  ဗြိတိန်နိုင်ငံလျှပ်စစ်ကား (BEV) မှတ်ပုံတင်ခြင်းများသည် တစ်နှစ်ထက်တစ်နှစ် ၁၄.၉ ရာခိုင်နှုန်းခန့် မြင့်တက်လျက်ရှိရာ သြဂုတ်လတွင် ရှယ်ယာများသည်အမြင့်ဆုံးစံချိန်အဖြစ် ရောက်ရှိခဲ့ကြောင်း မော်တော်ကားထုတ်လုပ်ရေးနှင့်ရောင်းဝယ်ရေးအဖွဲ့အစည်း (SMMT) မှ ထုတ်ပြန်သော အချက်အလက်များအရ သိရပါသည်။ စျေးကွက်ရှယ်ယာများသည် သြဂုတ်လ တွင် ၂၆.၅ ရာခိုင်နှုန်းဖြင့် ရပ်တည်လျက်ရှိပြီး ၄ ကြိမ်မြောက်အမြင့်ဆုံးစံချိန်ဖြစ်ကြောင်း  SMMT အစီရင်ခံစာများအရ သိရပါသည်။ ယခုနှစ် ပထမ ၈ လအတွင်းတွင် ဗြီတိန်နိုင်ငံကားအသစ်စျေး ကွက်သည် ၂.၁ ရာခိုင်နှုန်းခန့် ချဲ့ထွင်နိုင်ခဲ့ကြောင်း သိရပါသည်။ ဇူလိုင်လလယ်တွင် ဗြီတိန်နိုင်ငံ အစိုးရသည် ဓာတ်ငွေ့ထုတ်လုပ်မှု ကင်းစင်သောမော်တော်ကားများအသွင်သို့ကူးပြောင်းမှုကို ထောက်ပံ့ရန်နှင့် ရေရှည်တည်တံ့သော မော်တော်ကားထုတ်လုပ်မှုများကို နှိုးဆော်ခဲ့ကြောင်း သိရပါသည်။ အစိုးရသည် စုစုပေါင်းတန်ကြေး ပေါင် ၆၅၀ သန်း (အမေရိကန်ဒေါ်လာ ၈၇၈ သန်းခန့်) တန်ကြေးရှိသော ဓာတ်ငွေ့ထုတ်လုပ်မှုကင်းစင်သော မော်တော်ကားများကို တစ်စီး လျှင် ပေါင် ၃၇၀၀၀ အောက်တွင် ‌ရောင်းချနိုင်ရန်အတွက် စီစဥ်လျက်ရှိကြောင်း သိရပါသည်။

DOCA (ရန်ကုန်)

  ဘင်္ဂလားဒေ့ရှ်နိုင်ငံ အဝတ်အစားတင်ပို့သူများသည် အမေရိကန်နိုင်ငံသို့ တင်ပို့မှုများသည် ၂၀၂၄-၂၀၂၅ ဘဏ္ဍာနှစ်အဆုံးသတ်တွင် အမြင့်ဆုံးစံချိန်သို့ရောက်ရှိခဲ့ကြောင်း အစီရင်ခံစာတင် ခဲ့ပြီး အဆိုပါမြင့်တက်ခြင်းသည် အဓိကအားဖြင့် တရုတ်နိုင်ငံမှ အလုပ်အော်ဒါများလက်ခံရရှိခြင်း ကြောင့်ဖြစ်ကြောင်း သိရပါသည်။ ဘင်္ဂလားဒေ့ရှ်နိုင်ငံသည် ယခင်နှစ် ဘဏ္ဍာနှစ်တွင် အမေရိကန် ဒေါ်လာ ၇.၅၄ ဘီလီယံခန့်တန်ကြေးရှိသော အဝတ်အထည်များကို တင်ပို့ခဲ့ပြီး တစ်နှစ်ထက် တစ်နှစ် ၁၄ ရာခိုင်နှုန်းမြင့်တက်လာကြောင်း တင်ပြခဲ့ပါသည်။ အဆိုပါမြင့်တက်မှုများရှိသော် လည်း အမေရိကန်နိုင်ငံသို့တင်ပို့သော အဝတ်အထည်တင်ပို့မှုအားလုံး၏ ရှယ်ယာများသည် တစ်နှစ်ထက်တစ်နှစ် ၁၉.၁၈ ရာခိုင်နှုန်းခန့်သာ မြင့်တက်လျက်ရှိကြောင်း တင်ပို့မှုမြှင့်တင်ရေး ဗျူရို (EPB) ၏ ဖော်ပြချက်များအရ သိရပါသည်။ ၂၀၂၅ ဘဏ္ဍာနှစ်တွင် အမေရိကန်နိုင်ငံသို့ တင်ပို့မှုများ၏ အများစုသည် ရက်လုပ်ထားသော အဝတ်အထည်များသာဖြစ်ပြီး ဘင်္ဂလားဒေ့ရှ် နိုင်ငံ၏ တစ်ခုတည်းသော အကြီးမားဆုံးစျေးကွက်ဖြစ်ကြောင်း သိရပါသည်။ ရက်လုပ်အဝတ် အထည် တင်ပို့မှုသည် တစ်နှစ်ထက်တစ်နှစ် ၁၃ ရာခိုင်နှုန်းခန့်မြင့်တက်လျက်ရှိကြောင်း သိရပါသည်။ သို့ရာတွင် အဆိုပါကာလအတွင် ဇာထိုးအထည် ပြုလုပ်သူများ တင်ပို့မှုသည် တစ်နှစ်ထက်တစ်နှစ် အမေရိကန်ဒေါ်လာ ၂.၅၉ ဘီလီယံခန့် ၁၅ ရာခိုင်နှုန်းမြင့်တက်လာကြောင်း သိရပါသည်။ ဥရောပသမဂ္ဂ (EU) သည် တရုတ်နိုင်ငံပြီးနောက် ဒုတိယအကြီးမားဆုံး အဝတ်အထည် စျေးကွက်ဖြစ်သော တောင်အာရှနိုင်ငံများမှ ‌ရောင်းချသော အဝတ်အထည်များ၏ တစ်ဝက်ခန့်ကို ဝယ်ယူခဲ့ကြောင်း သိရပါသည်။ ၂၀၂၅ ဘဏ္ဍာနှစ်တွင် EU သို့တင်ပို့သော အဝတ် အထည်တင်ပို့မှုသည် ၉ ရာခိုင်နှုန်းခန့် အမေရိကန်ဒေါ်လာ ၁၉.၇ ဘီလီယံခန့် မြင့်တက်လာ ကြောင်း သိရပါသည်။ EU စျေးကွက်အတွင်းတွင် ဘင်္ဂလားဒေ့ရှ်နိုင်ငံမှ ကုန်ပစ္စည်းများသည် အခွန် ကင်းလွတ်ခွင့်များရရှိပြီး ဂျာမနီနိုင်ငံသည် အဓိကပန်းတိုင်ဖြစ်ပြီး တစ်ခြားအလေး ထားတင်ပို့သော နိုင်ငံများမှာ စပိန်၊ ပြင်သစ်နှင့် နယ်သာလန်နိုင်ငံများဖြစ်ကြောင်း EFB ၏ ပြောကြားချက်များအရ သိရပါသည်။ ဘင်္ဂလားဒေ့ရှ်နိုင်ငံ အဝတ်အထည်ရောင်းဝယ်ရေး၏ စီမံခန့်ခွဲရေး ညွှန်ကြားရေးမှူး ဆိုသူ Mohiuddin Rubel က ကနဦးလုပ်ဆောင်ချက်အနေဖြင့် ပြည်တွင်း အဝတ်အထည်နှင့် အထည်အလိပ်များကို မြှင့်တင်ရမည်ဖြစ်ကြောင်းနှင့် ပြည်ပ စျေးကွက်၏ ပြောင်းလဲမှု အခြေအနေများကို အမြဲစောင့်ကြည့်နေရန် ပြောကြားခဲ့ကြောင်း သိရပါသည်။ Rubel က အမေရိကန်နိုင်ငံ၏ စီးပွားရေးသည်  EU ထက်ပိုမိုလျှင်မြန်စွာ ပြန်လည်  ကောင်းမွန်လာပြီဖြစ်ကြောင်းနှင့် အမေရိကန်နိုင်ငံသည် ဘင်္ဂလားဒေ့ရှ်နိုင်ငံအတွက် အကျိုးရှိစေ သည့် တရုတ်နိုင်ငံမှ ငြင်းပယ်လိုက်သောပစ္စည်းများကို ဝယ်ယူလျက်ရှိကြောင်း သိရပါသည်။ ၂၀၂၅ ခုနှစ် ဇန်နဝါရီလတွင် အမေရိကန်နိုင်ငံသို့တင်ပို့မှုသည် တစ်နှစ်ထက်တစ်နှစ် ၄၆ ရာခိုင်နှုန်းခန့်မြင့်တက်လျက်ရှိပြီး လက်လီရောင်းသူများ ယုံကြည်မှု ပြန်လည်ဖြစ်ပေါ်စေနိုင် ကြောင်း Envoy Textiles ကုမ္ပဏီမှ စီမံခန့်ခွဲ‌ရေးညွှန်းကြားရေးမှူးဆိုသူ Tanvir Ahmed က ပြောကြားခဲ့ပါသည်။

DOCA (ရန်ကုန်)