ပြည်ပကုန်သွယ်မှုသတင်းများ

 ဝင်ငွေမြင့်တက်လာမှုများ၊ သက်ကြီးရွယ်အိုလူဦးရေ များပြားလာခြင်းနှင့် လူမှုနေထိုင်မှု ဆိုင်ရာရောဂါများကြောင့် ဗီယက်နမ်နိုင်ငံ၏ ဝယ်လိုအားကို တွန်းအားပေးလျက်ရှိပြီး နိုင်ငံသား တစ်ဦးချင်းအသုံးစရိတ်မြင့် တက်မှုသည် ကျန်းမားရေးအသုံးစရိတ်များကို မြှင့်တက်ခြင်းကြောင့် ဖြစ်ကြောင်း သိရပါသည်။ အဆိုပါအခွင့် အလမ်းများကို ရှာဖွေနိုင်ရန်အတွက် ကိုရီးယားနိုင်ငံ စက်ရုံများသည် ပြည်တွင်းလက်အောက်ခံကုမ္ပဏီများကို တည်ထောက်လျက်ရှိပြီး ဗီယက်နမ် နိုင်ငံရှိ ဆေးဘက်ဆိုင်ရာတရားရုံးများမှတစ်ဆင့် ကုန်ပစ္စည်းထောက်ခံပေးမှုများကို ရှာဖွေနေ ကြောင်း သိရပါသည်။ ကိုရီးယားနိုင်ငံမှ ဆေးဝါးနှင့်ဇီဝနည်းပညာစက်ရုံများသည် ၎င်းတို့၏ အာရုံစူးစိုက်မှုကို ဆေးဝါးစျေးကွက်လုပ်ငန်းများ၏ အလားအလာရှိသောနိုင်ငံများထဲမှတစ်ခု ဖြစ်သည့် ဗီယက်နမ်နိုင်ငံနှင့်အတူ အရှေ့တောင်အာရှနိုင်ငံများဘက်သို့ ကူးပြောင်းလာပြီဖြစ် ကြောင်း သိရပါသည်။ ကိုရီးယားနိုင်ငံ ဆေးဝါးနှင့် ဇီဝနည်းပညာ ထုတ်လုပ်သူများအဖွဲ့အစည်း၏ အဆိုအရ ဗီယက်နမ်နိုင်ငံ၏ ဆေးဝါးလုပ်ငန်း စျေးကွက်တန်းသည် ၂၀၂၃ ခုနှစ်တွင် အမေရိကန် ဒေါ်လာ ၇ ဘီလီယံ အထိ တန်ဖိုးရှိနေပြီဖြစ်ကြောင်းနှင့် ယခင်ဆယ်စုနှစ်ထက် ၇.၃ ရာခိုင်နှုန်း တိုးတက်လာမှုရှိကြောင်း သိရပါသည်။ တစ်ချိန်တည်းမှာပင် ဗီယက်နမ်နိုင်ငံသည် နိုင်ငံခြား မိတ်ဖက်များနှင့် ပူးပေါင်းဆောင်ရွက်မှုများကို မြှင့်တင်နေပြီး ပြည်တွင်းဆေးဝါးထုတ်လုပ်ရေးကို အဆင့်မြှင့်တင်ရန်အတွက် နည်းပညာလဲလှယ်မှုများ ပြုလုပ်နေကြောင်း သိရပါသည်။ Celltrion စက်ရုံသည် ၎င်းတို့၏ ဗီယက်နမ်လက်အောက်ခံကုမ္ပဏီကို ၂၀၂၄ ခုနှစ်တွင် စတင်တည်1ထောင် ခဲ့ပြီး တိုးချဲ့မှုများကို ဆက်လက်ပြုလုပ်သွားလျက်ရှိကြောင်း သိရပါသည်။ အဆိုပါကုမ္ပဏီသည် လက်ရှိတွင် ဇွန်လနှင့် သြဂုတ်လတွင် စတင်ကြေညာခဲ့သော Remsima နှင့် Herzuma အမည်ရှိ သော ဆေးဝါးနှစ်မျိုးကို အတည်ပြုမှုရရှိခဲ့ပြီး ၂ နှစ်ကြာ ဖြန့်ဝေပိုင်ခွင့်စာချုပ်ကို ဗီယက်နမ်နိုင်ငံရှိ ဆေးရုံများနှင့် စာချုပ်ချုပ်ဆိုနိုင်ခဲ့ကြောင်း သိရပါသည်။ တစ်ခြားသောစက်ရုံများသည် လက်ရှိ တွင် ထောက်ခံမှုများမှတစ်ဆင့် ဖြန့်ဝေမှုများပြုလုပ်နေကြောင်း သိရပါသည်။ ၂၀၂၃ ခုနှစ်တွင် Dongwha Pharm ကုမ္ပဏီသည် ပြည်တွင်းဆေးဝါးရောင်းဝယ်ရေးကုမ္ပဏီဖြစ်သော Trung Son Pharma မှ ရှယ်ယာများကို ရယူခြင်းဖြင့် စျေးကွက်အတွင်းသို့ ဝင်ရောက်ခဲ့ကြောင်း သိရပါသည်။ အဆိုပါ ကုမ္ပဏီသည် ၂၀၂၃ ခုနှစ်ကတည်းကစတင်၍ ၎င်း၏ ဆိုင်ခွဲများကို ၁၄၀ ဆိုင်မှ ၂၃၉ ဆိုင် အထိ ချဲ့ထွင်လျက်ရှိပြီး ၂၀၂၆ ခုနှစ်တွင် ဆိုင်ခွဲပေါင်း ၄၆၀ အထိ ဖွင့်လှစ်နိုင်ရန် စီစဥ်ထားကြောင်း သိရပါသည်။

 DOCA (ရန်ကုန်)

               တောင်ကိုရီးယား၏ Jeonbuk Agricultural Cooperative နှင့် Jeonju Horticultural Cooperative တို့သည် ဗီယက်နမ်သို့ ၂၀၂၅ ရာသီသစ်တော်သီး ပထမအသုတ်တင်ပို့သည့် အခမ်း အနားကို စက်တင်ဘာလ ၉ ရက်နေ့ကကျင်းပပြုလုပ်ခဲ့ပါသည်။ ပမာဏ ၁၆.၂ တန်နှင့် တန်ဖိုး အမေရိကန်ဒေါ်လာ ၄၃၀၀၀ ရှိသည့် ပထမအသုတ်တင်ပို့မှုကို ဟိုချီမင်းမြို့တော်နှင့် ဟနွိင်း အစရှိသည့် ဗီယက်နမ်၏ အဓိကမြို့တော်များတွင် ဖြန့်ဖြူးမည်ဟု သိရပါသည်။ အေးမြသော ရာသီဥတုနှင့် မြင့်မားသောအရပ်ရှိသည့် Lai Chau ၊Lao Cai ၊ Ha Giang နှင့် Cao Bang ကဲ့သို့သော မြောက်ပိုင်းရှိ တောင်တန်းထူထပ်သောပြည်နယ်များတွင် အနည်းငယ်စိုက်ပျိုးနိုင်သော်လည်း ဗီယက်နမ်၏ရာသီဥတုသည် သစ်တော်သီးစိုက်ပျိုးရန် ယေဘူရအားဖြင့် မသင့်တော်ကြောင်း သိရပါသည်။  သို့သော် ပြည်တွင်းစိုက်ပျိုးသည့်သစ်တော်သီးများမှာ ရိတ်သိမ်းရာသီတိုတောင်းခြင်းနှင့် အအေးခန်းသိုလှောင်မှုမရှိပါက ပုပ်သိုးလွယ်သောကြောင့် အရွယ်အစားသေးငယ်ကြောင်း သိရပါသည်။ Jeonbuk Agricultural Cooperative နှင့် Jeonju Horticultural Cooperative တို့သည် လည်း ၎င်းတို့၏သစ်တော်သီးများအား ဗီယက်နမ်ဈေးကွက်တွင် အရည်အသွေးမြင့်သစ်သီး အဖြစ် ရပ်တည်ရန် ရည်ရွယ်ထားကြောင်း သိရပါသည်။ တင်ပို့သူများသည်လည်း သစ်သီး၏ အထူးချိုမြိန်မှု၊ လတ်ဆတ်မှုနှင့် တင်းကျပ်သည့်စံနှုန်းများလိုက်နာမှု အပေါ် အသားပေးပြောကြား ခဲ့ကြောင်း သိရပါသည်။ ရှေ့ဆက်၍လည်း cooperative များသည် တန်ချိန် ၂၀၀ ရှိသော သစ်တော်သီးများကို ထိုင်းနှင့် အင်ဒိုနီးရှားအစရှိသည့် အခြားအရှေ့တောင်အာရှနိုင်ငံများသို့ တင်ပို့ကာ ဒေသတွင်းတိုးချဲ့ရန် စီစဉ်နေကြောင်း သိရပါသည်။ Jeonju Horticultural Cooperative ၏ ဥက္ကဌဖြစ်သူ Lim Jong-gyeong က ထိုတင်ပို့မှုသည် စိုက်ပျိုးရေးသမားများနှင့် cooperative များကြား ပူးပေါင်းအားထုတ်မှုကိုရောင်ပြန်ဟပ်ကြောင်း သိရပါသည်။ တရုတ်နိုင်ငံထံမှ ပြင်းထန်သောယှဉ်ပြိုင်မှုရှိနေသော်လည်း Jeonbuk သစ်တော်သီးများသည် ၎င်းတို့၏ မြင့်မားသောအရည်အသွေးနှင့် အစားအစာလုံခြုံစိတ်ချရမှုတို့ကြောင့် အရှေ့တောင်အာရှ ဈေးကွက်တွင် ဦးဆောင်ရန်မျှော်မှန်းရကြောင်း သိရပါသည်။

Vietnam Plus

DOCA (ရန်ကုန်)                                                                            

                ဗီယက်နမ်လျှပ်စစ်ကားထုတ်လုပ်သူ VinFast  သည် အိန္ဒိယတွင် ထုတ်လုပ်သည့် ၎င်းတို့၏ အကောင်းစား လျှပ်စစ်ကားများဖြစ်သည့် VF 6 နှင့် VF 7 မော်ဒယ်များကို စက်တင်ဘာ ၆ ရက်နေ့က တရားဝင်ရောင်းချခဲ့ကြောင်း သိရပါသည်။ ၎င်းတို့သည့် အိန္ဒိယဈေးကွက်အတွက် ကုမ္ပဏီ၏ ပထမဆုံးထုတ်ကုန်များဖြစ်ပြီး တောင်အာရှနိုင်ငံအတွက် စိမ်းလန်းမှုကို အသွင်ကူးပြောင်းရန် ကုမ္ပဏီ၏ အားကောင်းသောကတိကဝတ်ရှိမှုကို ပြသနေကြောင်း သိရပါသည်။ ဖွင့်ပွဲအခမ်းအနားတွင် VinFast Asia ၏ CEO ဖြစ်သူ Pham Sanh Chau က စက်တင်ဘာ ၆ ရက် နေ့သည်  အိန္ဒိယနိုင်ငံတွင် အိန္ဒိယလူမျိုးများထုတ်လုပ်သည့် VinFastကားများစတင်ရောင်းချနိုင် သည့် သမိုင်းဝင်နေ့ရက်ဖြစ်ကြောင်း၊ အိန္ဒိယမိသားစုများအတွက် ဒီဇိုင်းဆွဲထားသည့် ပြီး ပြည့်စုံသော လျှပ်စစ်ရွေ့လျားမှုဂေဟစနစ်ကို မိတ်ဆက်ခဲ့ခြင်းဖြစ်ကြောင်းနှင့် VF 6 နှင့်  VF 7တို့သည် အိန္ဒိယ စားသုံးသူများကြိုက်နှစ်သက်မည့် အကောင်းစားအရည်အသွေး၊ ဒီဇိုင်းနှင့် နည်းပညာတို့နှင့် ပြည့်စုံစွာသဟဇာတဖြစ်ကြောင်း ပြောကြားခဲ့ပါသည်။ Modelama Group ၏ ဥက္ကဌ Anuj Pandey က ထိုမော်ဒယ်နှစ်ခုသည် အိန္ဒိယလျှပ်စစ်ကားဈေးကွက်သို့ အချိန်ကိုက်ဝင်ရောက်လာခြင်းဖြစ်ကြောင်း၊ ၎င်းတို့၏ယှဉ်ပြိုင်နိုင်စွမ်းရှိသောဈေးနှုန်း၊ ကဏ္ဍ၏ ကြီးထွားမှုအလားအလာတို့သည် VinFast ၏ကားများအား စားသုံးသူစိတ်ဝင်စားမှုရရှိစေရန် ဖန်တီးပေးနိုင်မည်ဖြစ်ကြောင်းနှင့် ဈေးကွက်ယှဉ်ပြိုင်မှုကို အဆင့်အသစ်တစ်ခုသို့ မြှင့်တင်ပေးနိုင်မည်ဟု ပြောကြားခဲ့ပါသည်။ Manatec Electronics Pvt Ltd ရှိ Corporate Accounts & Regional Projects ၏ ဒုတိယအထွေထွေမန်နေဂျာဖြစ်သူ R.K. Ram က VF 6 နှင့် VF 7 နှစ်မျိုးစလုံးသည် အပေါင်းလက္ခဏာ ဆောင်သည့် အထင်အမြင်ကိုရရှိထားကြောင်းနှင့် အားသွင်းရုံအခြေခံအဆောက်အအုံအကန့်အသတ်ရှိသည့်အိန္ဒိယတွင် အခမဲ့အားသွင်းခွင့် ၃ နှစ် ပံ့ပိုးပေးမည့် VinFast ၏ ကတိကဝတ်ပြုမှု သည် သိသာထင်ရှားသောအားသာချက်တစ်ခုဖြစ်ကြောင်း ပြောကြားခဲ့ပါသည်။ ကုမ္ပဏီသည် အခြေခံအဆောက်အအုံဝေမျှသုံးစွဲခြင်းထက် ၎င်းတို့၏ကိုယ်ပိုင်အားသွင်းရုံကွန်ယက်တည်ထောင်ရန် အဓိကထားနေခြင်းက ဈေးကွက် အတွက် ရေရှည်မျှော်မှန်းချက်ကို ရောင်ပြန်ဟပ်နေကြောင်း သိရှိရပါသည်။

Vietnam Plus                                                                            

DOCA (ရန်ကုန်)

           ဇန်နဝါရီ-ဩဂုတ် ကာလတွင် ဗီယက်နမ်၏ နိုင်ငံခြားတိုက်ရိုက်ရင်းနှီးမြှုပ်နှံမှု(FDI) ဖြန့်ဝေမှု အမေရိကန် ၁၅.၄ ဘီလီယံရရှိခဲ့ပြီး ၂၀၂၄ ခုနှစ်တူညီသည့်ကာလနှင့်နှိုင်းယှဉ်ပါက ၈.၈ ရာခိုင်နှုန်းမြင့်တက်ခဲ့ကြောင်း နိုင်ငံတော်စာရင်းအင်းရုံး(NSO) ၏ အဆိုအရ သိရပါသည်။ ၎င်းသည် ၅ နှစ်တာကာလအတွင်း အမြင့်ဆုံး ၈ လတာကာလရရှိမှုဖြစ်ကြောင်း သိရပါသည်။ စုစုပေါင်းပမာဏထဲမှ ကုန်ထုတ်လုပ်ခြင်းနှင့် ပြုပြင်ထုတ်လုပ်ခြင်းကဏ္ဍသည် အမေရိကန် ဒေါ်လာ ၁၂.၅၇ ဘီလီယံဖြင့် အမြင့်မားဆုံး ‌ဝေစုရရှိခဲ့ပြီး စုစုပေါင်း FDI ဖြန့်‌ဝေမှုရရှိမှု၏ ၈၁.၆ ရာခိုင်နှုန်းရှိကြောင်း သိရပါသည်။ ၎င်း၏နောက်တွင် အိမ်ရာမြေကဏ္ဍက အမေရိကန်ဒေါ်လာ ၁.၂၄ ဘီလီယံ( ၈ ရာခိုင်နှုန်း) နှင့် လျှပ်စစ်၊ ဂတ်စ်၊ ရေထုတ်လုပ်ခြင်းနှင့် ဖြန့်ဖြူးခြင်းတို့က အမေရိကန်ဒေါ်လာ ၅၆၃.၆ သန်း( ၃.၇ ရာခိုင်နှုန်း) ဖြင့် အသီးသီးရပ်တည်နေကြောင်း သိရပါသည်။ NSO ၏ အဆိုအရ ၂၀၂၅ ခုနှစ်၏ ပထမ ၈ လတာကာလတွင် နိုင်ငံသည် အမေရိကန်ဒေါ်လာ ၂၆.၁၄ ဘီလီယံတန်ဖိုးရှိသော နိုင်ငံခြားတိုက်ရိုက်ရင်းနှီးမြှုပ်နှံမှုများရရှိခဲ့ပြီး ၂၀၂၄ ခုနှစ်တူညီသည့်ကာလနှင့်နှိုင်းယှဉ်ပါက ၂၇.၃ ရာခိုင်နှုန်းမြင့်တက်ခဲ့ကြောင်း သိရပါသည်။ ထိုကာလအတွင်း စုစုပေါင်း မှတ်ပုံတင်ခဲ့သည့် FDI ထဲမှ လိုင်စင်သစ်ချပေးသည့်စီမံကိန်း ၂၅၃၄ ခုမှာ အမေရိကန်ဒေါ်လာ ၁၁.၀၃ ဘီလီယံ၊ မတည်ငွေထပ်တိုးခြင်းမှာ အမေရိကန်ဒေါ်လာ ၁၀.၆၅ ဘီလီယံနှင့် မတည်ငွေတွင် ပူးပေါင်းပါဝင်ခြင်းနှင့် ရှယ်ယာဝယ်ယူခြင်းမှာ အမေရိကန်ဒေါ်လာ ၄.၄၆ ဘီလီယံရှိကြောင်း သိရပါသည်။ ကုန်ထုတ်လုပ်ခြင်းနှင့် ပြုပြုင်ထုတ်လုပ်ခြင်း လုပ်ငန်းနယ်ပယ်မှာ အမေရိကန်ဒေါ်လာ ၁၃.၆၄ ဘီလီယံဖြင့် ထိပ်ဆုံးတွင်ရပ်တည်နေပြီး စုစုပေါင်း တန်ဖိုး၏ ၅၉.၂ ရာခိုင်နှုန်းရှိကြောင်း သိရပါသည်။ ၎င်း၏နောက်တွင်အိမ်ရာမြေ ကဏ္ဍက စုစုပေါင်းတန်ဖိုး၏ ၂၁.၅ ရာခိုင်နှုန်းရှိကြောင်း သိရပါသည်။ ထိုကာလအတွင်း လိုင်စင်သစ်ချပေးခဲ့သည့် နိုင်ငံနှင့်ဒေသပေါင်း ၇၈ ခုအနက် စင်ကာပူသည် အမေရိကန်ဒေါ်လာ ၃.၀၆ ဘီလီယံဖြင့် အကြီးမားဆုံးရင်းနှီးမြှုပ်နှံသူအဖြစ်ရပ်တည်နေပြီး ၎င်း၏နောက်တွင် တရုတ်က အမေရိကန် ဒေါ်လာ ၂.၆၅ ဘီလီယံ၊ ဆွီဒင်ကအမေရိကန်ဒေါ်လာ ၁ ဘီလီယံနှင့် ဂျပန်က အမေရိကန်ဒေါ်လာ ၈၇၈ သန်းဖြင့် အသီးသီးရပ်တည်နေကြောင်း သိရပါသည်။ တစ်ချိန်တည်းမှာပင် ထို ၈ လတာ ကာလအတွင်း ဗီယက်နမ်၏ပြည်ပရင်းနှီးမြှုပ်နှံမှုမှာ အမေရိကန်ဒေါ်လာ ၄၂၆.၅ သန်းတန်ဖိုးဖြင့် စီမံကိန်းအသစ်အရေအတွက် ၁၀၈ ခုရှိပြီး ၂၀၂၄ ခုနှစ်တူညီသည့်ကာလနှင့်နှိုင်းယှဉ်ပါက ၃ ဆ နီးပါး မြင့်တက်ခဲ့ကြောင်း သိရပါသည်။  တည်ရှိပြီးစီမံကိန်း ၂၁ ခုတွင် မတည်ငွေပြင်ဆင်မှုမှာ ထပ်တိုးအမေရိကန်ဒေါ်လာ ၁၂၉.၇ သန်းတန်ဖိုးရှိကြောင်း သိရှိရပါသည်။

Vietnam Plus

DOCA (ရန်ကုန်)                                                                            

          ဗီယက်နမ်နိုင်ငံစိုက်ပျိုးမွေးမြူရေးနှင့် သဘာဝပတ်ဝန်းကျင်ဝန်ကြီးဌာန၏ အဆိုအရ ဗီယက်နမ်သည် ၂၀၂၅ ခုနှစ်၏ ပထမ ၈ လတာကာလတွင် ကော်ဖီတန်ချိန် ၁.၂ သန်းတင်ပို့ရာမှ ဝင်ငွေ အမေရိကန်ဒေါ်လာ ၆.၄၂ ဘီလီယံရရှိခဲ့ပြီး ၂၀၂၄ ခုနှစ် တူညီသည့်ကာလနှင့် နှိုင်းယှဉ်ပါက တင်ပို့သည့်ပမာဏတွင် ၈.၇ ရာခိုင်နှုန်းသာမြင့်တက်ခဲ့သော်လည်း ဝင်ငွေရရှိမှုတွင် ၅၉.၁ ရာခိုင် နှုန်းထိမြင့်တက်ခဲ့ကြောင်း သိရပါသည်။ ထိုအဟုန်နှင့်တူ ၂၀၂၄-၂၀၂၅ ကောက်ရိတ်သိမ်းရာသီအတွက် ကော်ဖီတင်ပို့မှုမှဝင်ငွေရရှိမှုမှာ အမေရိကန်ဒေါ်လာ ၈ ဘီလီယံကျော်နိုင်ပြီး ၂၀၂၄ ခုနှစ် ကစံချိန်တင်ထားသည့် အမေရိကန်ဒေါ်လာ ၅.၆ ဘီလီယံကျော် ဖြတ်နိုင်ကြောင်း သိရပါသည်။ လုပ်ငန်းနယ်ပယ်ဦးဆောင်သူများက ထိုသို့ကြီးထွားမှုသည် ကမ္ဘာလုံးဆိုင်ရာဈေးနှုန်းများ မြင့်တက်မှုကြောင့်သာမက အရည်အသွေးအဆင့်မြှင့်တင်ရန်၊ ကော်ဖီ၏ထူးခြားမှုကိုတိုးချဲ့ရန်နှင့် နိုင်ငံတကာစံနှုန်းများနှင့်ကိုက်ညီရန် ဗီယက်နမ်၏ ကြိုးပမ်းမှုမဟာဗျူဟာကြောင့်ဖြစ်ကြောင်း ပြောကြားခဲ့ပါသည်။ ကော်ဖီပျမ်းမျှတင်ပို့သည့် ဈေးနှုန်းများမှာ တစ်တန်လျှင် ၅၅၈၀ အမေရိကန် ဒေါ်လာရှိပြီး ၂၀၂၄ ခုနှစ်တူညီသည့် ကာလထက် ၄၆.၄ ရာခိုင်နှုန်းမြင့်တက်ခဲ့ကြောင်း သိရပါသည်။ ဂျာမနီ၊ အီတလီနှင့် စပိန်တို့မှာထိပ်တန်းဝယ်ယူသူများအဖြစ်ဆက်လက်တည်ရှိနေပြီး မက္ကဆီကိုသို့ တင်ပို့မှုမှာ ၉၀ ဆနှင့် တရုတ်သို့တင်ပို့မှုမှာ ၁၁.၇ ရာခိုင်နှုန်းမြင့်တက်ခဲ့ကြောင်း သိရပါသည်။ ကျွမ်းကျင်သူများက ပြုပြင်ထုတ်လုပ်ခြင်းနည်းပညာတွင် ကာလကြာရှည်ရင်းနှီးမြှုပ်နှံမှုများနှင့် ထောက်ပံ့မှု ကွင်းဆက်ပွင့်လင်းမြင်သာမှုရှိခြင်းက ဗီယက်နမ်ရိုဘတ်စတာကော်ဖီ ၏ယှဉ်ပြိုင်နိုင်စွမ်းကို မြှင့်တင်ပေးခဲ့ကြောင်း ပြောကြားခဲ့ပါသည်။ လုပ်ငန်းများသည်လည်း အထူးပြုပြင်ထုတ်လုပ်ထားသည့်ကော်ဖီအစရှိသည့် တန်ဖိုးမြင့်ကဏ္ဍများသို့ ရွေ့လျားနေကြောင်း သိရပါသည်။ ပုဂ္ဂလိက လုပ်ငန်းများသည်လည်း မောင်းနှင်အားတစ်ခုအနေဖြင့် ပေါ်ထွက်လာကြောင်း သိရပါသည်။ Gia Lai ပြည်နယ်၏ Vinh Hiep ကုမ္ပဏီသည် အမေရိကန်ဒေါ်လာ သန်း ၇၅၀ ကျော်တန်ဖိုး တင်ပို့ခဲ့ပြီးဖြစ်ပြီး ယခုနှစ်အတွက် အမေရိကန်ဒေါ်လာ ၁ ဘီလီယံကို ကျော်ဖြတ်နိုင်ရန် မျှော်မှန်း ရကြောင်း သိရပါသည်။ တစ်ချိန်တည်းမှာပင် Phuc Sinh Group က ဗီယက်နမ်ရိုဘတ်စတာ ကော်ဖီသည် တစ်ချိန်က ဈေးနှုန်းနည်းပါးသည်ဟု ယူဆခဲ့ရသော်လည်း ယခုအခါ အဆင့်မြင့်ပြု ပြင်ထုတ်လုပ်ခြင်း၊ ခေတ်မီစနစ်များနှင့် အသင့်သောက်သုံးနိုင်သည့်အထူး ထုတ်လုပ်မှုသို့တိုးချဲ့နို င်မှုတို့ကြောင့် ကမ္ဘာပေါ်တွင်ဈေးနှုန်းအမြင့်မားဆုံးထဲမှတစ်ခုဖြစ်လာကြောင်း မှတ်ချက်ပြုခဲ့ ပါသည်။ ဗီယက်နမ်သည်လတ်တလောတွင် ကော်ဖီ ၇၃၂၀၀၀ ဟတ်တာ ပတ်လည်စိုက်ပျိုး ထားပြီး တစ်ဟတ်တာကို ပျမ်းမျှ ၂.၉ တန်ထွက်ရှိကြောင်း သိရပါသည်။ အဆင့်မြင့်စိုက်ပျိုးမှု မော်ဒယ်များနှင့်ဆိုပါက တစ်ဟတ်တာကို အထွက်နှုန်း ၅ တန်ထိရောက်ရှိနိုင်ပြီး ကြီးထွားမှုအတွက် သိသာထင်ရှားသောအလားအလာရှိကြောင်း သိရပါသည်။ ဥရောပသမဂ္ဂသစ်တော ပြုန်းတီးမှုစည်းမျဉ်းအစရှိသည့် သဘာဝပတ်ဝန်းကျင်ဆိုင်ရာ တင်းကျပ် သောစည်းမျဉ်းများထံမှ စိန်ခေါ်မှုများရှိနေသော်လည်း လုပ်ငန်းနယ်ပယ်ကျွမ်းကျင်ပညာရှင်များက ၎င်းကို စိမ်းလန်းပြီး စဉ်ဆက်မပြတ်တည်ငြိမ်သောမော်ဒယ်များဆီသို့ အသွင်ကူးပြောင်းရန် အခွင့်အလမ်းတစ်ခုအဖြစ် ရှုမြင်ကြောင်း သိရှိရပါသည်။

Vietnam Plus

DOCA (ရန်ကုန်)