HighLight News

    စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ စစ်ဆေးရေးအရာရှိများသည် (၂၈.၁၀.၂၀၂၅)ရက်နေ့ နံနက်(၁၁:၀၀)နာရီအချိန်တွင် အင်းစိန်မြို့နယ်ရှိ သန့်စင်စတိုးသို့ သွားရောက်၍ ခေါက်ဆွဲခြောက်အမျိုးမျိုးနှင့် ပတ်သက်၍ ဈေးကွက်စောင့်ကြည့်ကွင်းဆင်း စစ်ဆေးခြင်းလုပ်ငန်းများ ဆောင်ရွက်ခဲ့ကြောင်း သိရသည်။

       ထိုသို့ကွင်းဆင်းစစ်ဆေးခဲ့ရာတွင် ဈေးကွက်အတွင်း မရှိမဖြစ်လိုအပ်လျက်ရှိသော အခြေခံစားသောက်ကုန်များနှင့် ကုန်ပစ္စည်းများကို စားသုံးသူပြည်သူများ ဘေးအန္တရာယ်ကင်းရှင်းစွာ အသုံးပြုနိုင်ရေး ဈေးကွက်အတွင်း လွယ်ကူစွာဝယ်ယူနိုင်ရေး၊ ပစ္စည်းပြတ်လပ်မှုမရှိစေရေး ဈေးကွက်စောင့်ကြည့်စစ်ဆေးခြင်း၊ ရောင်းချနေသောခေါက်ဆွဲခြောက်အမျိုးမျိုးတို့တွင် ကုန်အညွှန်းအမှတ်အသားဆိုင်ရာ မြန်မာဘာသာဖြင့် ပြည့်စုံစွာဖော်ပြထားကြောင်း စစ်ဆေးတွေ့ရှိရပြီး စားသုံးသူများ ဘေးအန္တရာယ်ကင်းရှင်းစွာ စားသုံးနိုင်ရေး အလေးထားဆောင်ရွက်ရန် အသိပညာပေးဆွေးနွေးခဲ့ပြီး သက်ဆိုင်ရာဌာနထောက်ခံချက်ရရှိထားသော ကုန်စည်များကိုသာ ရောင်းချလျက်ရှိကြောင်း စစ်ဆေးတွေ့ရှိရကြောင်း သိရှိရပါသည်။

DOCA (ရန်ကုန်)

        စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ခရိုင်ဦးစီးမှူး ဦးလှစိုးပါ(၂)ဦးတို့သည် (၂၄.၁၀.၂၀၂၅)ရက်နေ့ နေ့လယ် (၀၁:၃၀) နာရီခွဲအချိန်တွင် အမှတ်(၂၈)၊ ဇေကမ္ဘာ (၇) လမ်း၊ စက်မှုဇုန်(၄)၊ မင်္ဂလာဒုံမြို့နယ်ရှိ စားအုန်းဆီဘူးသွင်းထုတ်လုပ်သည့်စက်ရုံသို့ ကွင်းဆင်းစစ်ဆေးခြင်းလုပ်ငန်းများ ဆောင်ရွက်ခဲ့ကြောင်း သိရသည်။

          ထိုသို့ဆောင်ရွက်ခဲ့ရာတွင် Control Star Export & Import Co.,Ltd မှ ထုတ်လုပ်မှုတာဝန်ခံ ကိုအောင်ဇေယျာဦးမှ မိမိတို့စက်ရုံသည် လွန်ခဲ့သော (၄)နှစ်ခန့်မှစ၍ ရပ်ဆိုင်ထားခဲ့ပြီး ယခုအခါတွင် IV-62 အရည်အသွေးရှိအဆင့်မြင့်စားအုန်းဆီကို “Jasmine”အမည်ဖြင့် ဆိုဒ်မျိုးစုံဖြင့် ထုတ်လုပ်ရောင်းချမည်ဖြစ်ကြောင်း ဌာနဆိုင်ရာအလိုက် ထောက်ခံချက်များအနေဖြင့် အစားအသောက်နှင့် ဆေးဝါးကွပ်ကဲမှုဦးစီးဌာန (FDA)မှ ၂၀၂၂ မှ ၂၀၂၅ ဒီဇင်ဘာလထိ မှတ်ပုံတင်ထားပြီး သက်တမ်းတိုးလည်း ဆက်လက်ဆောင်ရွက်သွားမည်ဖြစ်ကြောင်း ကွင်းဆင်းစစ်ဆေးချက်အရ သိရှိရပါသည်။

DOCA (ရန်ကုန်)

       စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ဒေါ်နီလာဝင်း၊ ဦးစီးမှူးပါ(၃)ဦးတို့သည် (၂၇.၁၀.၂၀၂၅)ရက်နေ့ နံနက်(၁၀:၀၀) နာရီအချိန်တွင် အင်းစိန်မြို့နယ်အတွင်းရှိ ကုန်မျိုးစုံဆိုင်များသို့ သွားရောက်၍ အမှတ်တံဆိပ်ပါ အသင့်ဖျော်ကော်ဖီနှင့် လက်ဖက်ရည်ထုတ် အမျိုးမျိုးတို့အား ဈေးကွက်စောင့်ကြည့်စစ်ဆေးခြင်းများ ဆောင်ရွက်ခဲ့ကြောင်း သိရသည်။

       ထိုသို့ဈေးကွက်စောင့်ကြည့်စစ်ဆေးရာတွင် Sunday (အသင့်ဖျော်ကော်ဖီ)၊ Best (အသင့်ဖျော် ကော်ဖီ)၊ PREMIER (အသင့်ဖျော်နှပ်ကော်ဖီ)၊ Old Town (အသင့်ဖျော်ကော်ဖီ)၊ PLATINUM (ဝိုက် ကော်ဖီ)၊ Royal Maynmar (အသင့်ဖျော်လက်ဖက်ရည်)တို့တွင် စားသုံးသူကာကွယ်ရေးဥပဒေ ၂၀၁၉  အခန်း(၁၈)တွင် ပြဌာန်းထားသော ပြဌာန်းချက်အညီ ပြည့်စုံစွာဖော်ပြပါရှိကြောင်း စစ်ဆေးတွေ့ရှိရပြီး ဆိုင်ရှင်ဖြစ်သူအား ကုန်အညွှန်းအမှတ်အသားပြည့်စုံမှုမရှိသည့် ကုန်စည်များ ဈေးကွက်အတွင်း ရောင်းချခြင်းမပြုလုပ်ရန် အသိပညာပေးဆွေးနွေးခဲ့ကြောင်း သိရှိရပါသည်။

DOCA (ရန်ကုန်)

        စားသုံးသူရေးရာဦးစီးဌာန၊ မြောက်ပိုင်းခရိုင်ဦးစီးမှူးရုံးမှ ဒေါ်နီလာဝင်း၊ ဦးစီးမှူးနှင့် ဝန်ထမ်းများသည် (၂၇.၁၀.၂၀၂၅) ရက်နေ့က လှိုင်သာယာ(အရှေ့ပိုင်း)မြို့နယ်၊ Ocean Super Center တွင် ရောင်းချနေသော ဟင်းသီးဟင်းရွက်ဆီများ၌ ကုန်အညွှန်းအမှတ်အသား သတ်မှတ်ချက်နှင့် ကိုက်ညီမှုရှိ/ မရှိကို ဈေးကွက်စောင့်ကြည့် စစ်ဆေးခဲ့ကြောင်း သိရသည်။

       ထို့သို့ ဈေးကွက်စောင့်ကြည့်စစ်ဆေးရာတွင် ဒေါ်နီလာဝင်း၊ ဦးစီးမှူးက Ocean Super Center မှ တာဝန်ခံအား စားအုန်းဆီ/ ဟင်းသီးဟင်းရွက်ဆီနှင့် စပ်လျဉ်း၍ ကုန်အညွှန်းအမှတ်အသားဖော်ပြရာတွင် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၏ (၂၀.၁၂.၂၀၂၁)ရက် နေ့ထုတ်ပြန်ထားသော ညွှန်ကြားချက် (၁/၂၀၂၁) တွင်ဖော်ပြထားသည့် (ပါဝင်ပစ္စည်းကို အခြေခံသောကုန်စည်၏အမျိုး အမည်ကိုတိကျစွာ မြန်မာဘာသာဖြင့် ဖော်ပြရမည်ဖြစ်ကြောင် အသိပေးခဲ့ကြောင်း သိရသည်။ ဥပမာ- ဟင်းသီးဟင်းရွက်ဆီ/ (အဆင့်မြင့် စားအုန်းဆီ)ဟု လည်းကောင်းဖော်ပြပြီး ကုန်စည်၏ အသားတင်ပမာဏနှင့် အရွယ်အစားတို့ကို မြန်မာအလေးချိန် ယူနစ်ဖြစ်သောပိဿာ၊ ကျပ်သားတို့ကို မြန်မာဘာသာဖြင့် ဖော်ပြရမည်ဖြစ်ကြောင်း  ရှင်းလင်းပြောကြားခဲ့ကြောင်း သိရှိရပါသည်။

DOCA (ရန်ကုန်)

        စားသုံးသူရေးရာဦးစီးဌာန၊ ရန်ကုန်အရှေ့ပိုင်းခရိုင်ဦးစီးမှူးရုံးမှ ဦးဇော်မင်းလတ် (ခရိုင်ဦးစီးမှူး)နှင့် ဝန်ထမ်းများသည် (၂၄.၁၀.၂၀၂၅) ရက်နေ့၌ "ရွှေကောင်း" အမှတ်တံဆိပ်ဖြင့် ဘူးသွင်းထုတ်လုပ်မည့် ရန်ကုန်တိုင်းဒေသကြီး၊ အမှတ် (၁၀၈)၊ မြခွာညိုလမ်း၊ သာကေတစက်မှုဇုန်၊ သာကေတမြို့နယ်သို့  မြေပြင်ကွင်းဆင်းစစ်ဆေးခဲ့ကြောင်း သိရှိရပါသည်။

          ထိုသို့ မြေပြင်ကွင်းဆင်းစစ်ဆေးရာတွင်"ရွှေကောင်း" အမှတ်တံဆိပ်ဖြင့် အဆင့်မြင့်စားအုန်းဆီအဖြစ် ဘူးသွင်းထုတ်လုပ်မည်ဖြစ်ကြောင်း၊ စံချိန်စံညွှန်းနှင့် အညီထုတ်လုပ်၍ ဈေးကွက်ဖြန့်ဖြူးနိုင်ရေးအတွက် အစားအသောက်နှင့် ဆေးဝါးကွပ်ကဲရေးဦးစီးဌာန(FDA) ၏ ထောက်ခံချက်နှင့် သက်ဆိုင် ရာဌာနများ၏ ခွင့်ပြုချက်များရရှိထားခြင်းတို့ကို စစ်ဆေးတွေ့ရှိခဲ့ပြီး ပြည်တွင်းဈေးကွက်၌ ၅၀ ကျပ် သား (0.9 L) ၊ ၉၆ ကျပ်သား (1. L) ၊ ၂.၈၀ ပိဿာ ၅ ပိဿာ (5. L) ၊ ၁၀ ပိဿာ (18. L)  အစရှိသည့် ထုပ်ပိုးပုံစံ (၄) မျိုးဖြင့် ဘူးသွင်းဆီ (Counsumer Pack) များ ထုတ်ပိုးဖြန့်ဖြူးရောင်းချသွားမှာ ဖြစ်သည့်အတွက် စားသုံးသူကာကွယ်ရေးဥပဒေပါအခန်း (၁၈) ရှိ ကုန်အညွှန်းအမှတ်အသားဖော်ပြ ခြင်းဆိုင်ရာ ပြဌာန်းချက်များနှင့် ကိုက်ညီမှုရှိအောင် ရေးသားဖော်ပြရန်လိုအပ်ကြောင်း အသိပညာပေးပြောကြားခဲ့ကြောင်း သိရှိရပါသည်။

DOCA(ရန်ကုန်)