HighLight News

    ၂၀၂၃ခုနှစ်၊ ဩဂုတ်လ (၁၇) ရက်နေ့၊ နေ့လယ် (၁၃:၀၀) နာရီအချိန်တွင် စားသုံးသူရေးရာဦးစီးဌာန၊ ရှမ်းပြည်နယ်(အရှေ့ပိုင်း)၊ တာချီလိတ်မြို့နယ်တာဝန်ခံရုံးမှ စစ်ဆေးရေးမှူးနှင့်ဝန်ထမ်းများသည် အသေးစားစက်မှုလက်မှုလုပ်ငန်းဦးစီးဌာနမှ ဝန်ထမ်းများနှင့်ပူးပေါင်း၍ တာချီလိတ်မြို့၊ ပါလျှံ(၂)၊ ရန်အောင်မြေရပ်ကွက်ရှိ “VIP”တံဆိပ်ကိတ်/ ပေါင်မုန့်လုပ်ငန်းနှင့် ပန်ဟတ်ကျေးရွာရှိ ပုစွန်တံဆိပ် ငါးမုန့်ကြော်လုပ်ငန်းတို့အား ထုတ်ကုန်များလုံခြုံစိတ်ချရမှုရှိစေရန်အတွက် ကွင်းဆင်း စစ်ဆေးခဲ့ကြပါသည်။

 ထိုသို့စစ်ဆေးရာတွင် “VIP”တံဆိပ်ကိတ်မုန့်/ ပေါင်မုန့်နှင့် ပုစွန်တံဆိပ် ငါးမုန့်ကြော်သည် စားသုံးသူကာကွယ်ရေးဥပဒေ အခန်း(၁၈)ပါ ကုန်အညွှန်အမှတ်အသားဖော်ပြခြင်းနှင့်ပတ်သက်၍ ပြည့်စုံစွာဖော်ပြထားပြီး ထုတ်ကုန်များကိုလည်း သန့်ရှင်းသပ်ရပ်စွာထုတ်လုပ်ဖြန့်ချိသည်ကို စစ် ဆေးတွေ့ရှိရပါသည်။ ထို့နောက် စစ်ဆေးရေးမှူးနှင့်ဌာနဆိုင်ရာဝန်ထမ်းများသည် လုပ်ငန်းရှင်များအား စားသုံးသူများဘေးအန္တရာယ်ကင်းရှင်းစေရေးကို အလေးထားဆောင်ရွက်ရန်၊ သက်ဆိုင်ရာဌာနများ၏လုပ်ငန်းလိုင်စင်နှင့် ထောက်ခံချက်များပြုလုပ်ရန်၊ လုပ်ငန်းတွင်အသုံးပြုသော စက်ပစ္စည်းများကို သန့်ရှင်းရေးပုံမှန်ပြုလုပ်ပေးရန်နှင့် စားသုံးသူကာကွယ်ရေးဥပဒေ အခန်း(၁၀)ပါ စီးပွားရေးလုပ်ငန်းရှင်၏တာဝန်များကို လိုက်နာဆောင်ရွက်ရန်ဆွေးနွေးခဲ့ကြောင်းသိရှိရပါသည်။

DOCA(ရှမ်း)

    စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်းဒေသကြီးဦးစီးမှူးရုံး၊ အစည်းအဝေးခန်းမ၌ (၁၅-၈-၂၀၂၃) ရက်နေ့မှ (၁၆-၈-၂၀၂၃) ရက်နေ့အထိ ဝန်ထမ်းစွမ်းဆောင်ရည်မြှင့်တင်ရေးသင်တန်း(၈/၂၀၂၃)အား ကျင်းပပြုလုပ်ခဲ့ပါသည်။

    စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်းဒေသကြီးဦးစီးမှူး ဦးမြင့်ဝင်းက အဖွင့်အမှာစကားပြောကြားရာတွင် ဝန်ထမ်းတစ်ဦးချင်း Capacity ပြည့်ဝစေရေး၊ စွမ်းဆောင်ရည်မြင့်တက်စေရေးအတွက် ယခုကဲ့သို့ ဝန်ထမ်းစွမ်းဆောင်ရည်မြှင့်တင်ရေးသင်တန်းများကျင်းပရခြင်းဖြစ်ကြောင်း၊ ဝန်ထမ်းများအနေဖြင့် မိမိအရည်အသွေးတိုးတက်မြင့်မားစေရေး အားထုတ်ကြိုးပမ်းစေလိုကြောင်း၊ ဆွေးနွေးသည့်ပုဂ္ဂိုလ်များအနေဖြင့်လည်း သေချာလေ့လာပြင်ဆင်၍ စေတနာထားပြီး ပို့ချပေးခြင်းဖြစ်သောကြောင့် သေချာစွာလေ့လာမှတ်သားကြစေလိုကြောင်း ပြောကြားခဲ့ပါသည်။ သင်တန်းတွင် မကွေးဂျာနယ်မှ ဦးမြင့်ဇော်ဦး (တာဝန်ခံအယ်ဒီတာ) က Short Video မည်ကဲ့သို့စတင်တည်ဆောက်ကြမလဲနှင့် Video ဆောင်ရွက်ပုံအဆင့်ဆင့်အကြောင်းနှင့် သတင်းရေးသားရာတွင် လိုက်နာရမည့် သတင်းသမားကျင့်ဝတ်၊ သတင်းဓာတ်ပုံရိုက်ကူးရာတွင် ကြိုတင်ပြင်ဆင်ရမည့်အပိုင်းများနှင့်စပ်လျဉ်း၍လည်းကောင်း၊ သရက်ခရိုင်ဦးစီးမှူးနှင့် ငွေစာရင်းဌာနခွဲတာဝန်ခံ(တိုင်းရုံးတွဲဖက်) ဦးတင်ထွေး(ဦးစီးအရာရှိ)က ငွေစာရင်းဆိုင်ရာကိစ္စရပ်များမှ ရသုံးမှန်းချေငွေစာရင်းရေးဆွဲခြင်းအကြောင်းကိုလည်းကောင်း၊ စားသုံးသူရေးရာဌာနခွဲနှင့် ထုတ်ကုန်လုံခြုံစိတ်ချရမှုဌာနခွဲတာဝန်ခံ ဒေါ်အေးမဉ္ဇူခိုင်(ဦးစီးအရာရှိ)က (Work Ethics and Self Reflection) အကြောင်းကိုလည်းကောင်း၊ စားသုံးသူရေးရာဌာနခွဲတာဝန်ခံ ဒေါ်စန္ဒာစိုးလွင်(ဦးစီးမှူး)က စစ်ဆေးရေးမှူးများလိုက်နာရှောင်ကြဉ်ရမည့်အချက်များကိုလည်းကောင်း၊ သတင်းအချက်အလက်နည်းပညာနှင့်အရည်အသွေးစီမံခန့်ခွဲရေးဌာနခွဲတာဝန်ခံ ဦးဝင်းထွန်း(ဦးစီးမှူး)က သတင်းအချက်အလက်နည်းပညာနှင့်အရည်အသွေးစီမံခန့်ခွဲရေးဌာနခွဲ၏ လုပ်ငန်းတာဝန်များအကြောင်းကိုလည်းကောင်း Power Point များဖြင့် အသေးစိတ်ဆွေးနွေးခဲ့ပြီး တက်ရောက်လာသောသင်တန်းသားများ၏ သိလိုသည်များမေးမြန်းမှုအပေါ် အပြန်အလှန်ဆွေးနွေးခဲ့ကြပါသည်။ အဆိုပါသင်တန်းသို့ စားသုံးသူရေးရာဦးစီးဌာနမှ တိုင်းဒေသကြီးဦးစီးမှူး၊ ဒုတိယတိုင်းဒေသကြီးဦးစီးမှူး၊ ခရိုင်ဦးစီးမှူးများနှင့် ဌာနတာဝန်ခံများ၊ အရာထမ်း/အမှုထမ်းများနှင့် သင်တန်းနည်းပြများ၊ စုစုပေါင်း(၃၄)ဦးတက်ရောက်ခဲ့ကြကြောင်း သတင်းရရှိပါသည်။

DOCA(ပဲခူး)  

    ပဲခူးတိုင်းဒေသကြီး၊ ညောင်လေးပင်ခရိုင်၊ ဒိုက်ဦးမြိုနယ်၊ စားသုံးသူရေးရာဦးစီးဌာနမှ မြို့နယ်တာဝန်ခံ ဦးမျိုးမြင့်နှင့်ဝန်ထမ်းများသည် (၁၆-၈-၂၀၂၃) ရက်နေ့၊ နံနက်ပိုင်းအချိန်တွင် ဒိုက်ဦးမြို့၊ မြို့မစျေးအပြင်တန်းရှိ ကုန်မျိုးစုံရောင်းချနေသောဆိုင်များသို့သွားရောက်၍ အချိုရည်မျိုးစုံ၌ ကုန်အညွှန်းအမှတ်သားများကို မြန်မာဘာသာဖြင့်ဖြစ်စေ၊ မြန်မာဘာသာနှင့် အခြားဘာသာတစ်ခု (သို့) တစ်ခုထက်ပို၍တွဲလျက်ဖြစ်စေ ရေးသားဖော်ပြထားမှုရှိ/မရှိ စျေးကွက်စောင့်ကြည့်စစ်ဆေးဆောင်ရွက်ခဲ့ကြပါသည်။

  ထိုသို့ကွင်းဆင်းစစ်ဆေးရာတွင် ကျန်းမာရေးဦးစီးဌာန၊ မြို့နယ်စည်ပင်သာယာရေး၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာနတို့မှ တာဝန်ရှိသူများပူးပေါင်း၍ ကွင်းဆင်းစစ်ဆေးခဲ့ကြကြောင်းသိရှိရပါသည်။

DOCA(ပဲခူး)

     ပဲခူးတိုင်းဒေသကြီး၊ ပြည်ခရိုင်၊ ရွှေတောင်မြို့နယ်၊ ကသစ်ကိုင်းအုပ်စု၊ ကသစ်ကိုင်း (အ-မ-က)ကျောင်း၌ (၁၀-၈-၂၀၂၃)ရက်နေ့၊ နံနက် (၉:၀၀)နာရီအချိန်တွင် စားသုံးသူရေးရာဦးစီးဌာန၊ မြို့နယ်တာဝန်ခံနှင့်ဝန်ထမ်းများသည် တခြားပူးပေါင်းအဖွဲ့များဖြစ်သော ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ တိုင်းရင်းဆေးပညာဦးစီးဌာန၊ အားကစားနှင့်ကာယပညာဦးစီးဌာနတို့နှင့် ဌာနအလိုက် အသိပညာများဝိုင်းဝန်းဆွေးနွေးခဲ့ကြပါသည်။

    အဆိုပါ အခမ်းအနားတွင် စားသုံးသူရေးရာဦးစီးဌာန၊ မြို့နယ်တာဝန်ခံရုံးမှ ဒုတိယဦးစီးမှူး ဒေါ်ဇင်မာချောစုကြည်က ကုန်အညွှန်းအမှတ်အသားနှင့်ပတ်သက်၍ ဟောပြောပြီးနောက် စားသုံးသူများရရှိရမည့်အခွင့်အရေး၊ လိုက်နာရမည့်အချက်များကို အကျယ်တဝင့်ရှင်းလင်းဆွေးနွေးခဲ့ပါသည်။ ထို့နောက် ပြန်ကြားရေးနှင့်ပြည်သူဆက်ဆံရေးဦးစီးဌာနမှ ဦးစီးအရာရှိ ဒေါငြိမ်းငြိမ်းသန့်က စာဖတ်ခြင်း၏အကျိုးကျေးဇူးကိုဟောပြောခဲ့ပြီး ဒေါ်နွေးနွေးက ကျောင်းသား/ကျောင်းသူများကိုပုံပြင်များပြောကြားခြင်း၊ တိုင်းရင်းဆေးပညာဦးစီးဌာနမှ ဒေါ်နီလာမြင့်က မှတ်ပုံတင်ထားပြီးသော တိုင်းရင်ဆေးများကိုသာဝယ်ယူသောက်သုံးသင့်ကြောင်းနှင့် အားကစားနှင်ကာယပညာဦးစီးဌာနမှ အားကစားမှူးက ကျန်းမာရေးအတွက် ကိုယ်လက်လှုပ်ရှားအားကစားများကိုလုပ်ဆောင်သင့်ကြောင်း စသည်ဖြင့် ဟောပြောဆွေးနွေးခဲ့ကြပါသည်။ ထို့နောက် မြန်မာ့သိုင်းပညာများအနက် သိုင်းကွက် (၆၃)ကွက်သရုပ်ဖော်၍ပြသခဲ့ကြောင်းသိရပါသည်။

DOCA(ပဲခူး)

    ပြည်ခရိုင်၊ ပြည်မြို့နယ်ရှိ အခြေခံပညာ(အ-မ-က)လွန် အောင်မြေသာယာကျောင်းသို့ (၁၇-၈-၂၀၂၃)ရက်နေ့၊ နံနက်(၁၁:၀၀)နာရီအချိန်တွင် သွားရောက်၍ ဆရာ/ဆရာမများနှင့် ကျောင်း သား/ကျောင်းသူ (၇၆)ဦးအား စားသုံးသူအသိပညာပေးဆွေးနွေးခဲ့ပါသည်။

   အဆိုပါ ဟောပြောဆွေးပွဲတွင် ပြည်မြို့နယ်တာဝန်ခံနှင့်အတူ ပြည်ခရိုင်ရုံးမှ ဝန်ထမ်းများက ပူးတွဲ၍ဆောင်ရွက်ခဲ့ကြပါသည်။ ထိုသို့ ကျောင်းသား/ကျောင်းသူများအား စားသုံးသူအသိပညာပေးဟောပြောခဲ့ရာ စားသုံးသူရေးရာဦးစီးဌာန၊ ပြည်ခရိုင်ဦးစီးမှူးရုံး၊ မူဝါဒလေ့လာရေးနှင့်စီမံကိန်းစာရင်းအင်းဌာနခွဲမှ  အငယ်တန်းစာရေး ဒေါ်အိသပြေခင်က စားသုံးသူရေးရာဦးစီးဌာနမှပြဋ္ဌာန်းထားသည့် စားသုံးသူကာကွယ်ရေးဥပဒေပါ ကုန်စည်၏အဓိပ္ပါယ်၊ ဝန်ဆောင်မှု၏အဓိပ္ပါယ်၊ စားသုံးသူများသိရှိရမည့်အခွင့်အရေးနှင့် လိုက်နာရမည့်တာဝန်များအကြား၊ ကုန်စည်များရွေးချယ်ကိုဝယ်ယူရာတွင် သတိပြုရမည့် ကုန်ညွှန်းအမှတ်အသားဖော်ပြချက်ဆိုင်ရာအချက်များ စသည့်အကြောင်းအရာများကို မူလတန်းအရွယ်နှင့်လိုက်သော ဥပမာများပေးကာ အသေးစိတ်ရှင်းလင်းဆွေးနွေးဟောပြောခဲ့ပါသည်။ ကျောင်းသား/ကျောင်းသူများထဲမှ သိရှိလိုသည့် အကြောင်းအရာများအားမေးမြန်းခဲ့ရာ တစ်ချက်ချင်းပြန်လည်ဖြေကြားရှင်းလင်းပေးခဲ့ပါသည်။

     ထို့နောက် ကျောင်းမုန့်ဈေးတန်းသို့သွားရောက်၍ ဈေးကွက်စောင့်ကြည့်စစ်ဆေးခဲ့ရာ မုန်ဈေးတန်းရောင်းချသူများအား ကုန်အညွှန်းအမှတ်အသားပြည့်စုံမှုရှိသော မုန့်များကိုသာရောင်းချကြရန်၊ ဘေးအန္တရာယ်ဖြစ်စေတတ်သော မုန့်များကိုရောင်းချခြင်းမပြုရန်နှင့် စားသုံးသူကာကွယ်ရေးဆိုင်ရာ အသိပညာပေးလက်ကမ်းစာစောင်းများဖြန့်ဝေခဲ့ကြောင်းသိရပါသည်။

DOCA(ပဲခူး)